KR
1
1
Þróttur R.
0-1 Ólöf Sigríður Kristinsdóttir '75
Hlíf Hauksdóttir '92 1-1
20.07.2020  -  19:15
Meistaravellir
Pepsi-Max deild kvenna
Dómari: Guðmundur Páll Friðbertsson
Maður leiksins: Álfhildur Rósa Kjartansdóttir
Byrjunarlið:
29. Ingibjörg Valgeirsdóttir (m)
3. Ingunn Haraldsdóttir (f)
4. Laufey Björnsdóttir
6. Lára Kristín Pedersen
8. Katrín Ómarsdóttir
9. Katrín Ásbjörnsdóttir
11. Kristín Erna Sigurlásdóttir ('56)
11. Thelma Lóa Hermannsdóttir
16. Alma Mathiesen ('81)
27. Þórdís Hrönn Sigfúsdóttir
28. Angela R. Beard

Varamenn:
23. Birna Kristjánsdóttir (m)
2. Kristín Erla Ó Johnson
7. Guðmunda Brynja Óladóttir
9. Hlíf Hauksdóttir ('81)
10. Inga Laufey Ágústsdóttir ('56)
14. Kristín Sverrisdóttir
20. Þórunn Helga Jónsdóttir

Liðsstjórn:
Jóhannes Karl Sigursteinsson (Þ)
Hugrún Lilja Ólafsdóttir
Guðlaug Jónsdóttir
Sædís Magnúsdóttir
Gísli Þór Einarsson
Ragna Lóa Stefánsdóttir
Aníta Lísa Svansdóttir

Gul spjöld:
Þórdís Hrönn Sigfúsdóttir ('87)

Rauð spjöld:
Leik lokið!
Leik lokið!

Röndótti Reykjavíkurslagurinn endar með 1-1 jafntefli í hörkuleik!

Jöfnunarmark KR kom í uppbótartíma og bæði lið ganga heldur svekkt af velli.

Ég þakka fyrir mig. Minni á viðtöl og skýrslu hér síðar í kvöld.
93. mín
DAUÐAFÆRI!

Ætla KR-ingar að stela þessu í lokin?

Angela er komin ein gegn Friðriku en setur boltann rétt framhjá fjærstönginni!

Þarna mátti engu muna!
92. mín MARK!
Hlíf Hauksdóttir (KR)
Stoðsending: Inga Laufey Ágústsdóttir
KR JAFNAR!

Dramatík!

Varamennirnir búa til jöfnunarmark fyrir KR. Inga Laufey á flotta fyrirgjöf á fjær þar sem Hlíf er mætt og skallar boltann í netið.
89. mín
Þandar taugar!

Tíminn er að renna út fyrir KR sem fær aukaspyrnu á miðjum vellinum!

Þórdís setur háan bolta inná teig. Bæði lið berjast um boltann og eftir mikinn barning ná gestirnir að hreinsa.
87. mín
Inn:Margrét Sveinsdóttir (Þróttur R.) Út:Stephanie Mariana Ribeiro (Þróttur R.)
87. mín
Inn:Jelena Tinna Kujundzic (Þróttur R.) Út:Laura Hughes (Þróttur R.)
87. mín
Smá bíó hérna í lokin. Tvöföld skipting hjá Þrótturum sem reyna að drepa leikinn. Þórdís Hrönn reyndi að ýta Lauru stystu leið útaf þegar Þróttarar voru að gera skiptingu og Laura gerði sig ekki líklega til að yfirgefa völlinn. Laura benti hinsvegar á skiltið hjá Magga Bö, vallarstjóra, og þar var talan 9 á skiltinu. Einhver misskilningur eða þykjustu misskilningur í það minnsta. Bæði Laura og Þórdís fá spjöld. Bæði Laura og Stephanie (númer 9) áttu að fara útaf.
87. mín Gult spjald: Þórdís Hrönn Sigfúsdóttir (KR)
87. mín Gult spjald: Laura Hughes (Þróttur R.)
83. mín
Nú fá Þróttarar horn. Varamennirnir Lea og Olla eru að koma með mikinn kraft inn í leikinn og sækja þetta ásamt Stephanie.

Andrea Rut tekur. Álfhildur vinnur skallann en setur boltann framhjá.
82. mín
Þórdís Hrönn tekur horn fyrir KR. Snýr boltann að vítapunktinum en Andrea Rut skallar frá.

Nú þurfa KR-ingar að fara að draga upp töfrasprotana ef þær ætla að fá eitthvað út úr þessu. Ekki mikið að frétta hjá þeim síðustu mínútur.
81. mín
Inn:Hlíf Hauksdóttir (KR) Út:Alma Mathiesen (KR)
80. mín
OLLA!

Þróttarar ætla ekki að leggjast til baka eftir að hafa náð forystunni og eru nálægt því að bæta við.

Olla var að reyna viðstöðulaust skot úr teignum sem fór rétt yfir!
76. mín
KR-ingar reyna að svara strax í næstu sókn!

Katrín Ásbjörns rétt missir af stórhættulegri fyrirgjöf frá vinstri.
75. mín MARK!
Ólöf Sigríður Kristinsdóttir (Þróttur R.)
MAAAARK!

Olla mætir brakandi fersk til leiks. Hleypur Ingunni af sér, kemst inná teig með Ingunni og Laufey andandi í hálsmálið á sér en klárar vel framhjá Ingibjörgu.

Frábært mark hjá sóknarmanninum efnilega.
74. mín
Sérstakt. Guðmundur Páll stoppar hér sókn KR-inga til að dæma aukaspyrnu á Þrótt. Hefði mátt láta leikinn ganga þarna.

Fyrsta teljandi "feilspor" dómaranna í leiknum. Tríóið er búið að halda vel um taumana.
69. mín
DAUÐAFÆRI!

Frábær pressa frá Leu Björt og boltinn dettur fyrir Ollu í teignum. Hún gerir vel að ná skotinu en boltinn fer rétt framhjá fjærstönginni!
65. mín
Inn:Ólöf Sigríður Kristinsdóttir (Þróttur R.) Út:Ísabella Anna Húbertsdóttir (Þróttur R.)
Tvöfalt hjá Þrótti. Ólöf eða Olla eins og hún er alltaf kölluð fer upp á topp. Lea hægra megin í tígulinn.
65. mín
Inn:Lea Björt Kristjánsdóttir (Þróttur R.) Út:Linda Líf Boama (Þróttur R.)
Linda Líf þarf að fara útaf.
64. mín
Nú vilja Þróttarar víti.

Ingibjörg og Linda Líf eru í baráttunni og sú síðarnefnda fellur við. Ingibjörg var þó bara á undan þarna.

Linda meiðist þó eitthvað við samstuðið og leikurinn er stoppaður.
63. mín
Vó! Nú fékk Ingibjörg eitthvað að gera!

Laura Hughes reyndi "volley" utan teigs. Ingibjörg vel með á nótunum, með fótavinnu upp á 9,5 og gerði vel í að grípa þennan.
61. mín
Hætta í vítateig Þróttar. Þórdís Hrönn leitar að skotinu en er með boltann á hægri fæti og endar á að leggja hann út á Katrínu Ómars sem setur hann í varnarmann.
59. mín
Úps. Inga Laufey byrjar á því að láta grípa sig við vitlaust innkast. Klaufaskapur.
56. mín
Inn:Inga Laufey Ágústsdóttir (KR) Út:Kristín Erna Sigurlásdóttir (KR)
Fyrsta skipting KR-inga. Inga Laufey fer í hægri bakvörð og Angela upp á vinstri kant. Fjölhæf.
56. mín
Geggjuð tækling!

Endurtekið efni. Morgan Goff með frábæra tæklingu og vinnur boltann af Thelmu Lóu sem var að sleppa inná teig.

KR-ingar kalla eftir vítaspyrnu en þetta var bara frábærlega tímasett tækling.
54. mín
Inn:Andrea Magnúsdóttir (Þróttur R.) Út:Sigmundína Sara Þorgrímsdóttir (Þróttur R.)
Þróttarar skipta um hafsent. Sýnist Sigmundína vera eitthvað tæp.
50. mín
Bjargað á línu!

Vááá!

,,Hvaðan kom hún? Hvert er hún að fara? Hvað er hún?''

Angela var að klára fyrirgjöf hátt upp á vellinum en er mætt til baka á ógnarhraða til að bjarga skoti Lindu Lífar á marklínu!

Linda Líf var komin ein í gegn, farin framhjá Ingibjörgu og átti bara eftir að koma boltanum yfir línuna þegar Angela mætti á ögurstundu og kom í veg fyrir mark.
49. mín
Rétt framhjá!

Nýliðinn Angela átti hér laglegt utan á hlaup á Ölmu. Fékk boltann og átti svo fyrirgjöf á Thelmu Lóu sem hófst á loft á fjærsvæðinu og átti hættulegan skalla rétt framhjá!
47. mín
Það eru 290 manns mættir í rjómablíðuna hér á Meistaravöllum. Enn pláss fyrir fleiri ef þú ert að velta fyrir þér að kíkja.
46. mín
Leikur hafinn
Við erum farin af stað aftur. Hvorugt liðið gerir breytingu.
45. mín
Hálfleikur
Það er kominn hálfleikur í leik þar sem heimakonur hafa verið beittari. KR-liðið hefur skapað sér þrjú hættuleg færi á meðan Þrótturum gengur lítið á fremsta þriðjungi.

Þetta er samt galopið ennþá. Leikurinn jafn úti á velli og bæði lið með töfrakonur í sínum röðum sem geta laumað inn mörkum við allar aðstæður.

Fáum okkur kaffi og sjáumst aftur eftir korter!
45. mín
Hálfleikur
Köttarar með skemmtiatriði hér rétt fyrir hálfleiksflautið. Köttarinn Kristján Kristjánsson sýnir frábær tilþrif í stúkunni þegar hann grípur boltann eftir að Þróttarar höfðu hreinsað.

Hann uppsker mikið lófatak fyrir og Guðmundur Páll flautar í kjölfarið til hálfleiks.
45. mín
Jæja. Séns hjá gestunum.

Linda Líf og Stephanie að tengja. Linda hefur betur í baráttunni við Ingunni og leggur boltann út í skot á Stephanie. Skotið er fast en framhjá!
41. mín
Sóknarþungi KR er að aukast. Þórdís Hrönn var að fá frítt skot rétt utan teigs en hún hitti boltann illa og setti hann vel framhjá.
39. mín
Það er óhætt að segja að fjarvera Mary Alice hefur mikil áhrif á sóknarleik Þróttar. Þær hafa ekki skapað sér neitt hættulegt færi og sóknaruppbyggingin er töluvert hægari en hún hefur verið í undanförnum leikjum.
38. mín
Aftur hætta við mark Þróttar!

Þróttarar brjóta á Katrínu Ómars úti vinstra megin og KR fær aukaspyrnu. Þórdís Hrönn mundar sinn eitraða fót og setur stórhættulegan bolta inn á teig!

Þar nær Thelma Lóa skotinu en Friðrika er vel staðsett og fær boltann eiginlega bara í sig!

Þróttarar ná svo að hreinsa.
34. mín
Aftur er Morgan Goff með flottan varnarleik gegn Thelmu Lóu. Sú síðarnefnda er að ógna með hraða sínum en Morgan var að eiga vel tímasetta tæklingu sem kom í veg fyrir að Thelma Lóa kæmist í gegn.
31. mín
Stórhætta við mark Þróttar!

Thelma Lóa brýst upp hægra megin og á stórhættulega sendingu fyrir sem Friðrika og varnarmenn Þróttar eiga í miklum vandræðum með. Boltinn endar hjá Katrínu Á. á fjær. Hún leggur hann út í skot á Þórdísi sem neglir yfir!

Tvö bestu marktækifæri leiksins eru heimakvenna.
29. mín
Línan hjá Þrótti er að standa sig vel í að stíga eldingarnar í framlínu KR út. Búnar að láta nappa Thelmu Lóu og Ölmu í nokkur skipti.
27. mín
KR-ingar fá annað horn. Í þetta skiptið eftir misheppnaða hreinsun Sigmundínu.

Kristín Erna tekur eins og áðan. Setur boltann á milli markteigs og vítapunkts. Þar lúra tvær Katrínar. Ásbjörns fær hann yfir sig en Ómars í sig og skýtur framhjá.
20. mín
Þetta er frekar jafnt ennþá. Liðin skiptast á að sækja en vantar að skapa alvöru ógn á síðasta þriðjungi. Nokkrar fínar uppspilstrilraunir sem líða fyrir slæma ákvörðunartöku.
15. mín
Flott varnarvinna hjá Morgan þarna. Nær að elta hina eldfljótu Thelmu Lóu uppi og hindra hana í að hún komist inn á teig.
13. mín
Köttarar láta vel í sér heyra. Lifi Þróttur glymur um Vesturbæinn.
12. mín
VEL VARIÐ!

KR-ingar sendu Ölmu eina í gegn. Hún var komin alveg að markinu en Friðrika gerði virkilega vel. Stóð, beið og lokaði svo skotinu. Sannkallað dauðafæri forgörðum þarna hjá KR.

Frábær varsla hjá Friðriku.
8. mín
Þá er það fyrsta markskot Þróttar. Andrea Rut vinnur boltann á teignum eftir lélega hreinsun Ingunnar. Andrea skýtur í varnarmann, fær boltann aftur og reynir aftur skot en það er laust og beint á Ingibjörgu. Andrea hefði mögulega átt að spila til hægri þar sem Ísabella Anna beið ein og óvölduð eftir boltanum.
6. mín
KR fær horn. Kristín Erna setur boltann fyrir á kollinn á Katrínu Ásbjörns sem skallar framhjá.

Katrín Á. var í miklu stuði í síðasta leik og minnir á sig hér í upphafi leiks.
5. mín
Liðin eru að þreifa fyrir sér þessar fyrstu 5. Bæði næstum búin að skapa sér séns en við bíðum eftir fyrsta alvöru marktækifærinu.

Það er mjög blóðugt fyrir Þróttara að Mary Alice sé ekki með í kvöld. Hún er búin að vera þeirra besti maður í sumar og er algjör lykill í þeirra sóknarleik þrátt fyrir að spila sem vinstri bakvörður.
4. mín
Lið Þróttar:

Friðrika

Elísabet - Sigmundína - Morgan - Sóley María

Álfhildur

Ísabella - Andrea

Laura

Linda - Stephanie
3. mín
Áhugavert. Mary Alice er ekki í byrjunarliði Þróttar í dag. Þróttarar hafa þurft að gera breytingu á liðinu rétt fyrir leik. Sigmundína er í byrjunarliðinu, fer í hafsent en Sóley María út í vinstri bakvörð.
2. mín
Lið KR:

Ingibjörg

Angela - Laufey - Ingunn - Þórdís

Lára - Katrín Ó.

Ama - Katrín Á. - Kristín Erna

Thelma Lóa
1. mín
Leikurinn er hafinn!

Þróttarar hefja leik og sækja í átt að félagshúsinu.
Fyrir leik
Byrjunarliðin eru klár eins og sjá má hér til hliðar. Angela R. Beard er mætt í byrjunarliðið hjá KR en hún er áströlsk og gekk til liðs við KR-inga fyrir stuttu. Ana Cate tekur út leikbann og Angela fer í hægri bakvörðinn í hennar stað.

Annars er flest eftir bókinni hjá báðum liðum.
Fyrir leik
Liðin léku síðast saman í efstu deild sumarið 2015 og mættust þá tvívegis. Báðir leikir voru hörkuleikir. Liðin gerðu markalaust jafntefli í þeim fyrri en KR vann þann seinni 3-2.

Síðan hefur ýmislegt breyst. Aðstoðarþjálfari Þróttar, Edda Garðarsdóttir, var þá aðstoðarþjálfari KR og aðeins tveir leikmenn sem tóku þátt í seinni leiknum 2015 leika enn með sama liði í dag. Þær Hugrún Lilja Ólafsdóttir úr KR og Álfhildur Rósa Kjartansdóttir, fyrirliði Þróttar, en Álfa lék þarna sínar fyrstu meistaraflokksmínútur.

Það hefur þó ekki breyst að Guðlaug Jónsdóttir var og er á sínum stað í liðsstjórn Vesturbæinga.
Fyrir leik
KR náði í sinn fyrsta deildarsigur í síðustu umferð en þá lagði liðið Stjörnuna 3-2 í hörkuleik þar sem KR-ingar léku manni færri bróðurpart leiks. Eftir brösuga byrjun er liðið þó enn á botni deildarinnar, með 3 stig, og lakari markatölu en ÍBV og FH sem einnig eru með 3 stig.

Nýliðar Þróttar eru hinsvegar í 7. sæti með 5 stig. Liðið tapaði tveimur fyrstu deildarleikjum sínum en hefur síðan gert tvö jafntefli og unnið einn leik. Liðið gerði markalaust jafntefli við Selfoss í síðustu umferð.
Fyrir leik
Heil og sæl.

Hér verður boðið upp á beina textalýsingu frá leik KR og Þróttar í Pepsi Max deildinni.

Guðmundur Páll Friðbertsson flautar til leiks í Vesturbænum á slaginu 19:15.
Byrjunarlið:
Sóley María Steinarsdóttir
6. Laura Hughes ('87)
7. Andrea Rut Bjarnadóttir
8. Álfhildur Rósa Kjartansdóttir (f)
9. Stephanie Mariana Ribeiro ('87)
10. Morgan Elizabeth Goff
13. Linda Líf Boama ('65)
15. Ísabella Anna Húbertsdóttir ('65)
16. Mary Alice Vignola
19. Elísabet Freyja Þorvaldsdóttir
20. Friðrika Arnardóttir

Varamenn:
2. Sigmundína Sara Þorgrímsdóttir ('54)
5. Jelena Tinna Kujundzic ('87)
11. Tinna Dögg Þórðardóttir
14. Margrét Sveinsdóttir ('87)
18. Andrea Magnúsdóttir ('54)
21. Lea Björt Kristjánsdóttir ('65)
29. Ólöf Sigríður Kristinsdóttir ('65)

Liðsstjórn:
Nik Chamberlain (Þ)
Edda Garðarsdóttir
Andrea Þórey Hjaltadóttir

Gul spjöld:
Laura Hughes ('87)

Rauð spjöld: