Stjarnan
1
0
ÍBV
Shameeka Nikoda Fishley '86 1-0
29.08.2020  -  14:00
Samsungvöllurinn
Pepsi-Max deild kvenna
Dómari: Eiður Ottó Bjarnason
Maður leiksins: Erin Mcleod
Byrjunarlið:
83. Erin Katrina Mcleod (m)
3. Arna Dís Arnþórsdóttir
4. Katrín Ósk Sveinbjörnsdóttir
7. Aníta Ýr Þorvaldsdóttir ('88)
7. Shameeka Nikoda Fishley
8. Ingibjörg Lúcía Ragnarsdóttir
11. Betsy Doon Hassett
16. Sædís Rún Heiðarsdóttir
18. Jasmín Erla Ingadóttir
23. Gyða Kristín Gunnarsdóttir ('56)
31. Hildigunnur Ýr Benediktsdóttir ('56)

Varamenn:
12. Birta Guðlaugsdóttir (m)
2. Sóley Guðmundsdóttir
5. Hanna Sól Einarsdóttir
10. Anna María Baldursdóttir
14. Snædís María Jörundsdóttir ('56)
15. Katrín Mist Kristinsdóttir
19. Elín Helga Ingadóttir ('88)
19. Angela Pia Caloia ('56)
28. Sylvía Birgisdóttir

Liðsstjórn:
Kristján Guðmundsson (Þ)
Viktoría Valdís Guðrúnardóttir
Þórdís Ólafsdóttir
Andri Freyr Hafsteinsson
Óskar Smári Haraldsson
Rajko Stanisic

Gul spjöld:
Sædís Rún Heiðarsdóttir ('55)

Rauð spjöld:
Leik lokið!
Leiknum er lokið og loksins vinna Stjörnukonur fótboltaleik!

Þrjú mikilvæg stig í Garðabæinn en taplausri hrinu Eyjakvenna lýkur.

Stjörnukonur fara með sigrinum í 11 stig og lyfta sér upp í 6. sætið, eru þar með jafnmörg stig og Þór/KA en betri markatölu.

Ég þakka fyrir mig og minni á viðtöl og skýrslu síðar í dag.
92. mín
Við erum komin vel inn í uppbótartíma.
90. mín
ÍBV fær aukaspyrnu á stórhættulegum stað, rétt utan teigs. Þær setja hættulegan bolta inná teig en Stjörnukonur hreinsa.

Það er mikil spenna í þessu.
89. mín
ERIN!

Hún heldur áfram að bjarga sínu liði. Er eldfljót út úr markinu og nær að hreinsa áður en Kristjana kemst í boltann.
88. mín
Inn:Elín Helga Ingadóttir (Stjarnan) Út:Aníta Ýr Þorvaldsdóttir (Stjarnan)
87. mín
Inn:Berta Sigursteinsdóttir (ÍBV) Út:Ragna Sara Magnúsdóttir (ÍBV)
Sóknarmaður inn fyrir varnarmann.
86. mín MARK!
Shameeka Nikoda Fishley (Stjarnan)
Stoðsending: Ingibjörg Lúcía Ragnarsdóttir
SHAMEEKA!

Hún er að koma Stjörnunni yfir með þrumuskoti af hægra vítateigshorninu eftir sendingu Ingibjargar Lúcíu.

Dúndurmark!
82. mín
Klaufagangur hjá Karlina. Eyjakonur í ágætri sókn og Karlina fékk boltann með fullt af plássi rétt utan teigs. Hefði átt að láta vaða en kom þess í stað öllum á óvart og reyndi að lauma boltanum inn á teig. Þar var engin tilbúin enda bjuggust allar við skoti.
78. mín
Inn:Helena Jónsdóttir (ÍBV) Út:Miyah Watford (ÍBV)
Helena leysir Miyah af. Miyah alveg búin á því.

Helena fer í hægri bakvörðinn en Kristjana Sigurz upp á topp. Áhugavert. Kristjana búin að vera mjög traust í vörninni.
77. mín
Hér eru 80 áhorfendur mættir. Frábært að áhorfendabanninu hafi verið aflétt. Nóg pláss hér til að virða 2 metra regluna og rúmlega það.
73. mín
Lagleg sókn hjá Stjörnunni. Betsy stingur boltanum inn á Shameeka! Hún reynir skot sem Auður ver en þarna átti Shameeka að horfa upp og spila á Snædísi sem var ALEIN fyrir framan markið.
69. mín
Erin er búin að vera langbest á vellinum og hún heldur áfram að verja. Tók þrumuskot úr þröngu færi frá Olgu.

ÍBV fær í kjölfarið horn en Eyjakonur ná ekki að skapa hættu úr því.
66. mín
VÁÁÁÁ!

Þvílík negla! Shameeka á hér geggjað skot rétt úr D-boganum. Smellhittir boltann sem endar í stönginni!

Þarna munaði litlu. Þetta hefði orðið sturlað mark!
60. mín Gult spjald: Ragna Sara Magnúsdóttir (ÍBV)
Þarna fer Ragna Sara heldur harkalega fram gegn Anítu Ýr. Keyrir í bakið á henni og fær spjald. Átti spjaldið nú ekki endilega skilið fyrir fyrsta brot en Stjarnan fær aukaspyrnu úti vinstra megin. Sædís setur boltann fyrir en Auður grípur fyrirgjöfina.
56. mín
Inn:Angela Pia Caloia (Stjarnan) Út:Hildigunnur Ýr Benediktsdóttir (Stjarnan)
56. mín
Inn:Snædís María Jörundsdóttir (Stjarnan) Út:Gyða Kristín Gunnarsdóttir (Stjarnan)
Tvöföld skipting hjá Stjörnunni. Íslenska unglingalandsliðskonan Snædís María og ítalska unglingalandsliðskonan Angela Pia koma í framlínunana.
55. mín Gult spjald: Sædís Rún Heiðarsdóttir (Stjarnan)
Sædís krækir í fótinn á Olgu sem var að brjótast upp kantinn. Óviljaverk hjá Sædísi en ekki annað hægt en að spjalda fyrir þetta.

ÍBV fær aukaspyrnu úti til hægri. Þóra Björg setur boltann inn á teig en Arna Dís hreinsar.
54. mín
Erin gerir vel í að koma út í teig og grípa fyrirgjöf. Hún losar boltann hinsvegar ekki nógu vel frá sér og Eyjakonur vinna hann. Karlina fær í kjölfarið fínt skotfæri en setur boltann yfir!
52. mín
Hættulegt. Arna Dís kemst upp hægra megin og á góða sendingu fyrir markið. Þar vantar þó grimmari samherja og hættulegur séns rennur í sandinn.

Bæði lið að komast í fína sénsa líkt og í fyrri hálfleik en vantar gæði og grimmd upp við mark andstæðinganna.
49. mín
ERIN!

Aftur er hún að bjarga Stjörnliðinu með góðri vörslu.

Miyah Watford kemst í mjög gott færi í teignum en Erin sér við henni og ver í horn!

Upp úr horninu vilja Eyjakonur fá víti eftir að Fatma Kara neglir í höndina á varnarmanni Stjörnunnar. Höndin var þó alveg upp við líkamann og skotið af stuttu færi svo það hefði aldrei verið rétt að dæma víti þarna.
49. mín
Frábært uppspil hjá Stjörnunni en þær ná ekki að klára sóknina á skoti. Létu boltann ganga á milli kanta áður en þær komust inná teig andstæðinganna. Síðasta sending fyrir skot var ekki nógu nákvæm og hættan rann hjá.
46. mín
Það tekur Eyjakonur 10 sekúndur að vinna hornspyrnu. Þóra Björg tekur og snýr boltann inn að markteig. Þar mætir Karlina á ferðinni og skallar yfir! Lendir á Jasmín í leiðinni og hún liggur eftir. Harkar þó af sér.
46. mín
Leikur hafinn
Síðari hálfleikur er farinn af stað.
45. mín
Hálfleikur
Hálfleikur. Staðan markalaus í nokkuð fjörugum leik. Bæði lið hafa fengið fín færi en sénsarnir hjá Eyjakonum hættulegri.

Ég hef enga trú á að það komi ekki mörk í seinni hálfleik.

Tökum okkur korterspásu og höldum svo áfram.
43. mín
Fatma Kara á góða sendingu inná teig á Karlina. Hún er í baráttunni við Örnu Dís en kemst ekki framhjá henni.

Þetta er skondinn leikur því nánst í hvert skipti sem annað liðið skapar sér færi brunar hitt liðið í sókn og gerir eitthvað svipað. Auður Scheving var að koma vel út í teiginn og koma í veg fyrir að Shameeka kæmist ein í gegn.
38. mín
Laglegar hreyfingar hjá Gyðu Kristínu rétt utan teigs og hún lætur svo vaða. Gott skot en aðeins yfir!
33. mín
Stjarnan kemst svo í stórhættulegan séns hinum megin en Eyjakonur ná að hreinsa í horn sem verður svo ekkert úr.
32. mín
Þvílíkt klúður!

Olga með frábæra rispu og kemst upp að endalínu í vítateig Stjörnunnar. Bíður eftir aðstoð og Miyah Watford birtist alveg ein og óvölduð á vítapunktinum. Olga rennir draumabolta út á Miyah en hún HITTIR EKKI BOLTANN!
29. mín
VEL VARIÐ!

Erin skutlar sér á eftir hörkuskoti Karlina úr teignum og bjargar í horn.

Olga Sevkova tekur hornspyrnuna og setur boltann í slánna!
28. mín
Grace Hancock sem hefur leikið vel í Eyjavörninni í sumar er á hækjum í varamannaskýli gestanna og skráð í liðsstjórn í dag.

Mjög slæmt fyrir Eyjaliðið ef hún verður lengi frá.
25. mín
Laglegt uppspil hjá ÍBV endar á því að Fatma Kara fær boltann rétt utan teigs. Ætlar af stað inn á teig en fellur við eftir baráttu við Betsy. Eyjakonur vilja víti. Eiður segir nei. Held það hafi verið rétt hjá honum.
22. mín
Aníta Ýr sækir aukaspyrnu fyrir Stjörnuna á miðjum vallarhelmingi ÍBV. Karlina braut á henni.

Gyða Kristín tekur spyrnuna og reynir skot!

Setur boltann beint á Auði en hún missir hann frá sér. Er þó snögg eins og köttur og nær að handsama boltann rétt áður en Jasmín mætti í frákastið.
21. mín
Bæði lið ógna!

Það losnar um Karlina sem kemst inn á teig hjá Stjörnunni en nær þó ekki að klára. Stjörnukonur bruna svo í stórhættulega sókn þar sem Aníta Ýr fær mjög gott færi eftir misskilning á milli varnarmanna ÍBV. Aníta setur boltann þó beinT á Auði sem var við öllu búin í markinu.
20. mín
Þóra Björg tekur hornspyrnuna sem er hættuleg. Erin misreiknar boltann og missir hann framhjá sér en mér sýnist það vera Ingibjörg Lúcía sem er grimmust í teignum og nær að hreinsa.

Ingibjörg er að mæta sínum gömlu félögum í dag. Rétt eins og liðsfélagi hennar Shameeka.
19. mín
ERIN!

Frábær varsla hjá kanadísku kempunni. Gerði vel í að blaka langskot Olgu aftur fyrir!
17. mín
Önnur fín sókn hjá Stjörnunni endar á að Betsy skýtur hátt yfir.

Þetta er jafnt og skemmtilegt.
15. mín
Örstuttu síðar fær ÍBV svo aukaspyrnu úti á miðjum velli. Olga setur háan bolta inn á teig en Erin rýkur langt út úr markinu og kýlir boltann frá.
14. mín
Stjörnukonur fá fyrstu aukaspyrnu leiksins. Dæmt á brot úti á miðjum velli og það verður ekkert úr spyrnunni. Bara áhugavert að það hafi tekið heilar 14 mínútur að fá aukaspyrnu í leikinn.
13. mín
Og hinum megin!

Eyjakonur komast í stórhættulegan séns. Miyah Watford snýr af sér varnarmann í teignum og neglir svo í hliðarnetið.

Fjör í þessu.
12. mín
VÁ!

Hættulegasta færi leiksins. Gyða Kristín á frábæra stungusendingu inn á Shameeka. Shameeka er í fínni stöðu hægra megin í teignum en neglir yfir!
9. mín
ÍBV fær fyrstu hornspyrnu leiksins. Þóra Björg tekur hana. Setur boltann hátt utarlega í teiginn. Ingibjörg Lúcía hreinsar en Eyjakonur öskra á hendi.

Þetta virtist ekki neitt séð héðan úr blaðamannastúkunni.
7. mín
Jasmín er að vinna varnarvinnuna vel á miðjunni. Er búin að komast inn í tvær lofandi sendingar ÍBV og koma þannig í veg fyrir að gestirnir komist í séns.
5. mín
Lið ÍBV:

Auður

Kristjana - Ragna Sara - Júlíana - Eliza - Þóra Björg

Hanna - Karlina

Fatma

Miyah - Olga
4. mín
Fín sókn Stjörnunnar endar á því að Hildigunnur tekur laglegan snúning á vítateigslínunni en skýtur svo framhjá með vinstri.
2. mín
Lið Stjörnunnar:

Erin

Arna Dís - Ingibjörg - Katrín Ósk - Sædís

Jasmín - Betsy

Shameeka - Gyða Kristín - Aníta

Hildigunnur
1. mín
Gestirnir eiga fyrsta skot leiksins. Miyah Watford lætur vaða rétt utan teigs en skotið er heldur máttlaust og Erin Mcleod á ekki í neinum vandræðum með að verja.
1. mín
Leikur hafinn
Þetta er farið af stað. Hildigunnur Ýr tekur upphafsspyrnuna fyrir Stjörnuna sem leikur í átt að læknum góða.
Fyrir leik
Liðin eru mætt til vallar og eru að taka "eina góða berju" fyrir leik. Það er skýjað yfir Samsungvellinum og létt gola. Ágætis boltaveður.
Fyrir leik
Byrjunarliðin eru klár eins og sjá má hér til hliðar. Kristján Guðmundsson gerir tvær breytingar á sínu liði frá 3-2 tapinu gegn FH í síðustu umferð. Þær Sædís Rún Heiðarsdóttir og Gyða Kristín Gunnarsdóttir koma inn í liðið fyrir hina ítölsku Angela Pia Caloia og Maríu Sól Jakobsdóttur sem er ekki með í dag.

Hjá ÍBV gerir Andri Ólafsson einnig tvær breytingar. Grace Hancock og Helena Jónsdóttir detta úr liðinu en þær Þóra Björg Stefánsdóttir og Eliza Spruntule fá tækifæri í byrjunarliðinu í þeirra stað. ÍBV vann Þór/KA 1-0 í síðustu umferð.
Fyrir leik
Knattspyrnuspekúlantinn Bára Kristbjörg Rúnarsdóttir spáði í umferðina hér á Fótbolta.net og hún á von á markaleik í Garðabænum.

Stjarnan 3 - 2 ÍBV
Stjörnustelpur töpuðu fyrir FH á dögunum þrátt fyrir að fá mikið af færum til að bæta við mörkum. Það hefur svolítið verið sagan þeirra í sumar, mikið af færum mikið af mörkum en hlutfallslega er nýtingin ekki alveg nógu góð. Þær fengu líka markmann sem fékk reyndar á sig 3 mörk í síðasta leik en hún leit hrikalega vel út í sínum fyrsta leik og augljóst að þetta er kona með reynslu og gæði. ÍBV er búið að vera vaxandi í síðustu leikjum og hafa heillað mig. Eru mjög þéttar og vel skipulagðar til baka. Sóknarleikurinn þeirra hefur hinsvegar verið misjafn í sumar. Þær skora eitthvað af mörkum í þessum leik, en Stjörnustelpur ná að stilla sig saman og nýta færin betur í þessum leik en í síðustu leikjum og sigra 3-2 í Garðabænum. Aníta, Snædís María og María Sól skora fyrir Stjörnuna á meðan Olga og Karlina skora fyrir eyjakonur.
Fyrir leik
Það eru 8 stig sem skilja liðin að í deildinni. ÍBV situr í 4. sæti með 16 stig en Stjarnan í því sjöunda með 8 stig.

Eyjakonur hafa verið á miklu skriði að undanförnu og eru taplausar í síðustu 5 leikjum sínum.

Stjörnukonur hafa hinsvegar ekki unnið leik síðan í 3. umferð en þá unnu þær einmitt ÍBV 1-0 í Vestmannaeyjum.

María Sól Jakobsdóttir skoraði þá eina mark leiksins á lokamínútunum.
Fyrir leik
Heil og sæl!

Verið velkomin í beina textalýsingu frá leik Stjörnunnar og ÍBV í 12. umferð Pepsi Max deildarinnar.

Eiður Ottó Bjarnason flautar til leiks kl.14:00 og hér verður hægt að fylgjast með gangi mála.
Byrjunarlið:
1. Auður Sveinbjörnsdóttir Scheving (m)
2. Ragna Sara Magnúsdóttir ('87)
3. Júlíana Sveinsdóttir
5. Miyah Watford ('78)
7. Þóra Björg Stefánsdóttir
8. Kristjana R. Kristjánsd. Sigurz
10. Fatma Kara (f)
14. Olga Sevcova
19. Karlina Miksone
23. Hanna Kallmaier
26. Eliza Spruntule

Varamenn:
30. Guðný Geirsdóttir (m)
6. Thelma Sól Óðinsdóttir
11. Berta Sigursteinsdóttir ('87)
22. Sara Dröfn Rikharðsdóttir
24. Helena Jónsdóttir ('78)

Liðsstjórn:
Andri Ólafsson (Þ)
Sigríður Sæland Óðinsdóttir
Jón Ólafur Daníelsson
Sonja Ruiz Martinez
Grace Elizabeth Haven Hancock
Birkir Hlynsson
Inga Dan Ingadóttir
Sigríður Ása Friðriksdóttir

Gul spjöld:
Ragna Sara Magnúsdóttir ('60)

Rauð spjöld: