Byrjunarliðin eru komin inn og má sjá hér til hliðar.

Í liði Fram kemur Hlynur Atli Magnússon fyrir Hilmar Frey Bjartþórsson.

Hjá gestunum er Vignir Snær Stefánsson í banni eftir að hafa fengið rautt spjald í síðustu umferð. Konráð Ragnarsson byrjar í markinu. Þá koma Þorleifur Úlfarsson, Bjartur Bjarmi Barkarson og Harley Willard inn í liðið

Þessi lið mættust í 4 umferð í Ólafsvík og þá höfðu Framarar betur, 1-2

Víkingar hafa misst markmann sinn, Brynjar Atla Bragason, en hann var á láni frá Breiðabliki og var kallaður til baka.

Í gær sömdu þeir við Aron Elí Gíslason, fyrrum markmann Magna. Það verður áhugavert að sjá hvort Aron byrjar í markinu í kvöld.

Víkingar virðast hafa þjappað sér betur saman og náðu í mjög góð úrslit í síðustu umferð en þá gerðu þeir 1-1 jafntefli við ÍBV á heimavelli.

Umferðina á undan gerðu þeir 3-3 jafntefli gegn Vestra á útivelli.

Jón Páll Pálmason var ráðinn sem þjálfari fyrir tímabilið en var látinn fara eftir fimm leiki. Hinn margreyndi þjálfari Guðjón Þórðarson tók við liðinu.

Þá þurftu Víkingar að sitja í sóttkví á tímabili og gátu lítið æft.

Emir Dokara, leikamður Víkinga tilkynnti á dögunum á Facebook að hann væri ekki lengur leikmaður liðsins og sagðist hafa verið rekinn af þjálfara liðsins, Guðjóni Þórðarsyni. Emir tók færsluna reyndar út seinna og stjórn Víkings sendi frá yfirlýsingu þar sem fram kom að Emir væri kominn í leyfi frá félaginu.

Víkingar sitja í 9 sæti með 11 stig fyrir leikinn í dag.

Það hefur ýmislegt gengið á í Ólafsvík á þessu tímabili.

Framarar hafa sýnt mun meiri stöðugleika á þessu tímabili miðað við síðustu ár. Þeir hafa náð í stig á útivöllum sem hefur verið höfuðverkur fyrir þá.

Framarar mættu Aftureldingu í síðustu umferð og höfðu þar betur, 1-2 á útivelli.

Jón Sveinsson virðist hafa fundið réttu blönduna af leikmönnum til að koma félaginu aftur upp í deild þeirra bestu.

Alexander Már Þorláksson og Þórir Guðjónsson komu til liðsins fyrir tímabilið og eru þeir markahæstir í liði Framara. Alexander með 7 og Þórir 6 mörk.

Þá hefur brasilíski miðjumaðurinn Fred verið einn af bestu leikmönnum Lengjudeildarinnar það sem af er móti.

Framarar sitja á toppi Lengjudeildarinnar með 27 stig.

Eftir nokkur ár í fyrstu deildinni er möguleikinn á að komast aftur í efstu deild í sjónmáli fyrir hið fornfræga félag úr Safamýri.

Góðan dag kæru lesendur og velkomin með okkur í Safamýrina eða Sambamýrina eins og heimamenn kalla hana.

Hér í kvöld eigast við Fram og Víkingur Ólafsvík í 15 umferð Lengjudeildar Karla