Magnamenn ganga fyrst inn á völlinn. Þeir leika í svörtu með hvítu á treyjunum. Afturelding kemur í kjölfarið inn á völlinn, gestirnir eru í rauðum treyjum og svörtum stuttbuxum.

https://www.youtube.com/watch?v=R559kRTtQxM - Bein útsending frá leiknum á Magni TV.

Sjö mínútur í leik. Það er kalt á Grenivík og rigningarlegt. Sjö stiga hiti þegar síminn er skoðaður.

Byrjunarliðin eru komin inn!
Sveinn Þór Steingrímsson, þjálfari Magna, gerir þrjár breytingar frá síðasta leik. Baldvin Ólafsson, Costelus Lautaro og Kristinn Þór Rósbergsson koma inn í liðið. Á bekkinn fara þeir Ágúst Þór Brynjarsson og Kairo en Alejandro, Spánverjinn sem lék sinn fyrsta leik í síðustu umferð, er ekki með í dag.

Enes Cogic stýrir liði Aftureldingar í dag. Venjulega er hann astoðarmaður Magnúsar Más Einarssonar en Maggi er í sóttkví og er því ekki á hliðarlínunni í dag. Ein breyting er á liði Aftureldingar. Valgeir Árni Svansson kemur inn í liðið fyrri Hafliða Sigurðarson sem fékk að líta rauða spjaldið gegn Fram.

Gengi liðanna í síðustu fimm leikjum
Magni hefur náð í öll sín fimm stig í sumar í síðustu fimm leikjum. Jafntefli gegn Grindavík og ÍBV auk sigursins gegn Leikni F.

Afturelding hefur ekki unnið síðan gegn Ólsurum þann 17. júlí. Tvö jafntefli og þrjú töp í síðustu fimm

Gengi Magna heima og Aftureldingar úti
Magni er með tvö stig á heimavelli í sumar í sex leikjum og með markatöluna sex mörk skoruð og þrettán fengin á sig. Á meðan Afturelding er með fjögur stig sótt á útivelli, tíu mörk fengin á sig og sex skoruð.

Markahæstir
Andrei Freyr Jónasson er markahæstur hjá Aftureldingu og hefur hann skorað sjö mörk. Jason Daði Svanþórsson er næstmarkahæstur með fjögur mörk. Alls hefur Afturelding skorað 23 mörk í deildinni.

Hjá Magna er Kairo markahæstur með þrjú mörk. Kristinn Þór Rósbergsson er næstur á eftir honum með tvö mörk. Alls hefur Magni skorað tíu mörk í sumar.

Staðan í deildinni
Magni er í botnsæti deildarinnar með fimm stig þegar öll lið hafa lokið tólf leikjum. Afturelding situr í 8. sætinu með tólf stig.

Síðasta umferð
Magni vann sinn fyrsta sigur í sumar í síðustu umferð þegar liðið gerði góða ferð austur á Reyðarfjörð og lagði Leikni F. að velli. Leikurinn fór 1-3 og voru það þeir Tómas Örn Arnarson, Kairo og Louis Wardle sem skoruðu mörk Magnamanna.

Afturelding tapaði gegn Fram, 1-2, á heimavelli eftir að hafa komist yfir. Það var Andri Freyr Jónasson sem skoraði mark Aftureldingar.

Fyrri leikurinn í sumar
Liðin mættust snemma í júlímánuði á Fagverksvellinum. Þá vann Afturelding risasigur. Sjö mörk gegn engu urðu lokatölur leiksins.

Góðan daginn lesendur góðir og veriði velkomnir í beina textalýsingu frá leik Magna og Aftureldingar í Lengjudeild karla.

Leikurinn hefst klukkan 17:30 og fer fram á Grenivíkurvelli. Athygli er vakin á því að 100 áhorfendur komast að í stúkunni í kvöld.