Fyrir leik
Liðin eru komin inn á völlinn. Fjölnismenn eru í sínum hefbundnu gulu og bláu búningum. KA menn eru í sínum albláu varabúningum í dag.
Eyða Breyta

Fyrir leik
Liðin ganga til búnngsklefa og gera sig klár í upphafsflautið. Það er skítaveður hérna í Grafarvoginum. Hávaða rok og rigning. Vonandi hefur það ekki mikil áhrif á leikinn hér í dag.
Eyða Breyta

Fyrir leik
KSÍ var að gefa frá sér tilkynningu nú rétt í þessu.

Að beiðni Almannavarna um að íþróttahreyfingin sýni frumkvæði varðandi sóttvarnir hefur stjórn KSÍ ákveðið að að allir leikir í öllum flokkum og aðrir viðburðir á vegum KSÍ fari fram án áhorfenda þar til annað verður ákveðið og nær þessi ákvörðun til leikja sem hefjast eftir kl.14:00 í dag, laugardaginn 19. september. Staðan verður endurmetin á mánudagsmorgunn í samráði við yfirvöld og framhaldið ákveðið og tilkynnt eins fljótt og mögulegt verður.
Eyða Breyta

Fyrir leik
Korter í leik og liðið eru að halda bolta út á velli.
Schöttarar eru mættir í stúkuna og eru farnir að láta vel í sér heyra. Ég greip tvo shöttara í viðtal hér á vellinum nú rétt í þessu og er það viðtal væntanlegt á Fótbolti.net.
Eyða Breyta

Fyrir leik
Byrjunarliðin eru klár og má sjá þau hér til hliðana.

Guðmundur Karl Guðmundsson og Jeffrey Monakana byrja í stað Jóhanns Árna Gunnarssonar og Örvars Eggertssonar.

Sveinn Margeir Hauksson fékk að líta tvö gul spjöld og tekur út leikbann. Inn í byrjunarliðið kemur Bjarni Aðalsteinsson og er það eina breyting KA manna frá síðasta leik.
Eyða Breyta

Fyrir leik
Þrátt fyrir fréttir dagsins varðandi Kórónuveirufaraldurinn verður leikurinn spilaður hér í dag þangað til annað kemur í ljós og vonum við að hægt verði að halda áfram með mótið og klára það.
Eyða Breyta

Fyrir leik
Liðin mættust fyrr í sumar á Greifavellinum á Akureyri nánar tiltekið 13.júlí síðastliðin og lauk þeim leik með 1-1 jafntefli. Brynjar Ingi Bjarnason kom KA yfir en Orri Þórhallsson jafnaði leikinn fyrir Fjölnismenn og þannig stóðu leikar.

Hvað fáum við að sjá hér í dag?
Eyða Breyta

Fyrir leik
Fjölnismenn mættu Gróttu í síðasta leik og lauk þeim leik með 2-2 jafntefli. Orri Þórhallsson og Jóhann Árni Gunnarsson skoruðu mörk Fjölnis í leiknum.

KA menn fengu Fylkismenn í heimsókn norður í síðasta leik og lauk þeim leik með 2-0 sigri KA. Hallgrímur Mar Steingrímsson og Ásgeir Sigurgeirsson skoruðu mörk KA í leiknum.
Eyða Breyta

Fyrir leik
Fjölnismenn sitja á botni deildarinnar með aðeins fimm stig. Liðið hefur ekki enþá unnið fótboltaleik í sumar, gert fimm jafntefli og tapað níu

KA menn sitja fyrir leikinn í níunda sæti deildarinnar með fjórtán stig. Lið hefur unnið tvo, gert átta jafntefli og tapað aðeins þremur.
Eyða Breyta

Fyrir leik
Góðan og gleðilegan dag og verið hjartanlega velkomin í beina textalýsingu frá Extravellinum. Hér í dag mætast Fjölnir og KA í Pepsí Max-deild karla
Eyða Breyta