Fyrir leik
Grótta vinna uppkastið og velja að byrja undan vindinum.

KR byrja með boltann.
Eyða Breyta

Fyrir leik
Eins og vanalega núna mætir dómarinn fyrstur út á völlinn og bíður eftir hvoru liði fyrir sig.

Skrýtið að venjast ólíkum hlutum þessa ástands...
Eyða Breyta

Fyrir leik
Liðin halda til klefann í lokaundirbúninginn. Veðrið spilar líklega inní og það verður hluti spjallsins.

Eyða Breyta

Fyrir leik
Ég minni á að þeir sem hafa áhuga á að segja eitthvað uppbyggilegt og/eða skemmtilegt að segja um leikinn þá er að henda sér á twitter, skrifa og henda #fotboltinet inn í umræðuna.

Þá er það vel gerlegt að skutla ummælunum inn í lýsinguna.
Eyða Breyta

Fyrir leik
Bóas er hreinlega einn mættur í stúkuna í dag, nú treystum við á það að menn hópist af stað og nýti plássið. Það er vissulega óvanaleg tímasetning hér á ferð en það er engin afsökun.
Eyða Breyta

Fyrir leik
Byrjunarliðin eru komin inn.

Rúnar Kristinsson þjálfari KR gerir eina breytingu á liði sínu frá 0 - 2 útisigrinum á Breiðabliki á mánudaginn. Frá þeim leik kemur Kristján Flóki Finbogason inn fyrir fyrirliðann Óskar Örn Hauksson og Pálmi Rafn Pálmason fær þá fyrirliðabandið.

Síðasti leikur Gróttu var 3 - 0 tap gegn ÍA á Akranesi á mánudagskvöldið. Ágúst Gylfason þjálfari liðsins gerir þrjár breyingar á liði sínu frá þeim leik. Arnar Þór Helgason, Sigurvin Reynisson og Karl Friðleifur Gunnarsson koma inn í liðið.

Bjarki Leósson, Halldór Kristján Baldursson og Óliver Dagur Thorlacius setjast á bekkinn.
Eyða Breyta

Fyrir leik
Dómaraliðið er svona skipað í kvöld.

Egill Arnar Sigurþórsson flautar leikinn, honum til aðstoðar með flögg og míkrófón eru Gylfi Már Sigurðsson og Ragnar Þór Bender. Fjórði dómarinn er Arnar Þór Stefánsson.

Eftirliti dagsins er sinnt af Þórði Inga Guðjónssyni.
Eyða Breyta

Fyrir leik
Gróttumenn sitja í 11. og næstneðsta sæti deildarinnar með 7 stig eftir 15 leiki, 9 stigum frá öruggu sæti næsta tímabil.

Það fer hver að verða síðastur hjá þeim að bjarga sætinu, sigur í dag gæti vissulega orðið lykill að góðu framhaldi.
Eyða Breyta

Fyrir leik
Fyrir leik dagsins sitja KR-ingar í 4.sæti deildarinnar með 23 stig eftir 13 leiki. Eiga því í raun 2 leiki á flest lið deildarinnar.

Með sigri í dag og hagstæðum úrslitum annars staðar gæti heimasigur lyft KR í 3.sætið í deildinni. Þeir unnu sterkan 0-2 útisigur í Kópavoginum gegn Breiðablik í síðustu umferð.
Eyða Breyta

Fyrir leik
Samkvæmt upphaflegri uppsetningu mótsins hefði þessi leikur átt að fara fram á Vivaldivellinum en eftir allar Covid hræringarnar samþykktu liðin að skipta á heimaleikjum enda viðbúið að erfitt verði að spila leik á Meistaravöllum 31.október þrátt fyrir vallarvörðinn magnaða, Bö-vélina.

Því fáum við grasleik á miðjum degi í dag.
Eyða Breyta

Fyrir leik
Á sama hátt eru endalausar tengingar á milli þessara félaga, leikmenn í báðum liðum sem hafa leikið leiki með yngri flokkum hins og því of langt mál að fara í það allt.

Nýjustu félagaskiptin eru úr KR í Gróttu. Í vetur skiptu Axel Sigurðsson og Bjarki Leósson varanlega og Ástbjörn Þórðarson fór á milli í tímabundnum félagaskiptum. Hann er því ekki gjaldgengur í dag.
Eyða Breyta

Fyrir leik
Það er vel viðbúið að margir gallharðir KR-ingar eigi erfitt með leik dagsins því gríðarstór áhangendahópur þeirra kemur af Seltjarnarnesinu og liðsbarinn þar sem öllum titlum Vesturbæjarrisans er staðsettur á Nesinu.

Svo líklega gæti alltaf einhver fagnað þar í dag...óháð úrslitum.
Eyða Breyta

Fyrir leik
Leikurinn er fyrsti opinberi leikur KR og Gróttu í deildarkeppni á Íslandi. Vissulega hefur það komið upp reglulega hjá Gróttunni í sumar, en það hefur ekki verið stóri bróðir fyrr en nú.

Heimasvæði liðanna eru allt að því samofin, Vesturbærinn og Seltjarnarnesið útverðir höfuðborgarinnar og gríðarlegur samgangur á milli á allan hátt.
Eyða Breyta

Fyrir leik
Góðan og blessaðan daginn og hjartanlega velkomin í beina textalýsingu af Meistaravöllum.

Hér fer fram söguleg viðureign í dag!!!
Eyða Breyta