Uppbótartíminn í síðari hálfleik er að lágmarki þrjár mínútur.

Stjarnan geysast upp hægri kantinn. Shameeka með boltann en virðist missa hann undir sig. Tekur þó tvo varnarmenn á og nær skoti sem Erin þarf að verja áður en Jana kemst í boltann og hann berst aftur fyrir.

Shameeka með skot með vinstri sem fer framhjá.

Arna Dís með takta fyrir utan teig KR. Dansar framhjá varnarmönnum KR eftir að klobba Katrínu Ómars en skotið framhjá markinu.

Fínt færi hjá KR. Kristín Erna kemst inn á teiginn en skot hennar á Erin er máttlítið.

Aukaspyrna er dæmd á vítateigslínunni, virðist vera rangur dómur. Angela fór framhjá Örnu Dís sem tæklar hana bara niður. Bríet stillir boltanum síðan upp á vítateigslínunni, sem er partur af vítateignum, fyrir aukaspyrnuna. Allt skrýtið við þetta og ekkert verður úr aukaspyrnunni.

Kristín Erna í dauðafæri! Gumma með góða sendingu á Kristínu sem skóflar boltanum yfir markið.

KR byrja seinni hálfleikinn.

Lágmarks uppbótartími í fyrri hálfleik er ein mínúta.

Sturluð fyrirgjöf frá Gummu sem fer yfir Önnu Maríu og virðist stefna á Krístínu Ernu en Erin gerir vel í að slá boltann frá áður en Kristín stangar hann í netið.

Sókn hjá KR, gott spil úti hægra megin eftir innkast og skot frá Hlíf en Erin handsamar boltann.

Gumma keyrir fram en skotið hennar, sem hún tók fyrir utan teig, er ömurlegt og lengst framhjá.

KR næstum því komnar í færi þegar Katrín fer vintra megin inn á teiginn en sendingin hennar nær ekki á samherja og Stjarnan hreinsar.

Stjarnan skorar "ekki" mark. Hornspyrna sem endar í höndunum á Ingibjörgu og leikmaður Stjörnunnar skallar boltann úr höndunum hennar og inn. Réttur dómur hjá Bríeti.

Lítið gerst síðustu mínútur leiksins og liðin virðast aðeins vera að þreifa fyrir sér.

Stjörnukonur í enn einu færinu. Arna Dís með flottan sprett hægra megin inn á teig KR og nær skoti en aftur ver Ingibjörg og hornspyrna fyrir Stjörnuna. Ingibjörg grípur hornið líka.

ENN EITT DAUÐAFÆRIÐ! Shameeka í svakalegu færi eftir fyrirgjöf frá Betsy en Ingibjörg ver vel og boltinn berst í horn.

Aníta Ýr virðist vera að sleppa í gegn eftir góða sendingu frá Angelu en rangstæða dæmd á hana, tæpt sýndist mér.

SHAMEEKA AFTUR! Ennþá betra færi heldur en áðan, núna stingur hún varnarmenn KR af en nær ekki góðu skoti og Ingibjörg gerir vel í að koma út og handsama boltann.

Shameeka í hörkufæri! Kemst hægra megin inn í teig KR en skotið fer yfir.

Gumma í baráttu inn á teig en Stjarnan hreinsar boltann frá, bruna í sókn sem endar með skoti frá Shameeku en skotið auðvelt fyrir Ingibjörgu.

Stjarnan sækir í átt að Frostaskjóli í fyrri hálfleik en heimakonur sækja í hina áttina, sem vísar nú í norðurátt.