Fyrir leik
Þá eru liðin mætt til vallar og allt að verða klárt. Fyrirliðarnir Hallbera og Sonný Lára fara yfir málin með Þorvaldi Árnasyni dómara.
Eyða Breyta

Fyrir leik
Það er áhugaverð staðreynd að Blikar hafa ekki unnið á Valsvelli í síðustu fjórum leikjum. Breytist það í kvöld?
Eyða Breyta

Fyrir leik
Liðin eru á fullu í sinni upphitun og það er farið að bætast aðeins í stúkuna á þessu fallega haustkvöldi. Korter í leik sumarsins!
Eyða Breyta

Fyrir leik
Blikar gera eina breytingu frá 8-0 sigrinum á ÍBV. Bakvörðurinn Hildur Þóra kemur aftur inn í liðið og Bergþóra Sól fer á bekkinn.


Eyða Breyta

Fyrir leik
Við sjáum að byrjunarliðin eru klár og þar er nákvæmlega ekkert sem kemur á óvart.

Valur stillir upp sama byrjunarliði og í stórsigrinum gegn Fylki. Stóra spurningin er hversu framarlega Mist mun spila í leiknum en hún verður líklega fyrir aftan Elínu Mettu.


Eyða Breyta

Fyrir leik
Bæði lið mæta sjóðheit til leiks eftir stórsigra í síðustu umferð. Valur vann Fylki 7-0 og Breiðablik sigraði ÍBV 8-0. Þar á undan höfðu fjölmargir leikmenn úr liðunum tveimur átt farsæla viku með A-landsliðinu sem valtaði yfir Letta og gerði jafntefli við Svíþjóð.

Leikmannahópar beggja liða ættu því að vera með sjálfstraustið skrúfað í botn.
Eyða Breyta

Fyrir leik
Helena Ólafsdóttir, þáttastjórnandi Pepsi Max markanna, spáði í leikinn hér á .net í gær. Hún á von á jafnteflismarkaveislu!

Valur 3 - 3 Breiðablik
Þvílík spenna fyrir þennan leik. Ég held að það verði mikið um mörk enda skarta bæði lið frábærum sóknarmönnum. Ég get varla beðið eftir þessari skemmtun. Ég held að þessi leikur veri ólíkur fyrri leik liðanna í sumar þegar Blikar unnu Val 4-0 sem voru óvenjulegar tölur miðað við þessi tvö lið. Valur hefur verið að finna sig betur og Blikar haldið sínu striki. Valsliðið veit að þær þurfa að vinna og munu sækja sigurinn en það getur líka verið hættulegt að sækja of mikið gegn sókndjörfu liði Blika. Ég á mjög erfitt með að spá en held að þetta fari jafntefli miðað við báða leiki liðanna í fyrra. Sveindís og Agla María verða í markaskorun Blika en Elín Metta og Hlín eru líklegar hjá Val. Svo er spurning hvort Pétur tefli fram nýjasta trompinu sínu henni Mist.
Eyða Breyta

Fyrir leik
Fyrri leikur liðanna endaði með 4-0 sigri Breiðabliks. Sveindís Jane Jónsdóttir fór þá á kostum. Hún skoraði þrennu og Berglind Björg Þorvaldsdóttir, sem nú leikur með Le Havre í Frakklandi, skoraði eitt mark.

Það eru rúmir tveir mánuðir frá síðustu viðureign og margt vatn hefur runnið til sjávar síðan þá. Liðin eru bæði orðin öflugri og samstilltar og það er ljóst að byrjunarlið beggja liða verða aðeins breytt frá fyrri leiknum.
Eyða Breyta

Fyrir leik
Það er öflugt dómarateymi sem kemur til með að halda um stjórnartaumana í þessum mikilvæga leik.

Þorvaldur Árnason kemur til með að dæma leikinn og honum til aðstoðar verða þeir Egill Guðvarður Guðlaugsson og Bergur Daði Ágústsson.

Sigursteinn Árni Brynjólfsson er eftirlitsmaður og Bríet Bragadóttir varadómari.
Eyða Breyta

Fyrir leik
Það er komið að því!

Hér verður boðið upp á textalýsingu frá stórleik tímabilsins. Valur tekur á móti Breiðablik á Origo-vellinum. Margir hafa talað um þennan leik sem "úrslitaleik" tímabilsins en bæði lið hafa verið frábær í sumar og mjög líklegt að mótið komi til með að ráðast á innbyrðis viðureignum.

Valskonur sitja á toppnum fyrir leik. Eru með 40 stig eftir 15 leiki. Blikar hafa hinsvegar leikið einum leik færra og eru stigi á eftir Valskonum í töflunni. Heimakonur verða því að vinna leikinn þar sem að gestirnir eru með færri töpuð stig.
Eyða Breyta