Fyrir leik
Bekkurinn sterkur hjá KR
Bekkurinn er sterkur hjá KR-ingum og má þar meðal annars finna Kristján Flóka Finnbogason. Hann hefur lítið spilað á undirbúningstímabilinu vegna meiðsla.
Eyða Breyta

Fyrir leik
Vall tæpur
Johannes Vall, sænskur bakvörður sem kom til Vals á dögunum, er ekki með í dag. Hann er tæpur og engar áhættur teknar með hann.

Tryggvi Hrafn Haraldsson, sem kom frá ÍA í vetur, byrjar á bekknum í dag.
Eyða Breyta

Fyrir leik
Ég var að heyra það að Kaj Leo, leikmaður Vals, hefði verið að trúlofa sig. Óska Færeyingnum innilega til hamingju með það. Hann byrjar hér í dag og er á leið í sitt þriðja tímabil með Val.
Eyða Breyta

Fyrir leik
Sigurvin á skýrslu
Sigurvin Ólafsson er á skýrslu sem aðstoðarþjálfari KR. Hann er úti á velli í takkaskóm að halda boltanum út á velli. Líklegt þykir að hann verði aðstoðarþjálfari KR í sumar en það á enn eftir að staðfesta það. Bjarni Guðjónsson fór náttúrulega til Svíþjóðar þar sem hann gerðist þjálfari U19 liðs Norrköping.



Eyða Breyta

Fyrir leik
Byrjunarliðin eru klár!
Ef ég ætti að giska þá er þessu stillt svona upp:

Valur (4-2-3-1): Hannes; Birkir Már, Sebastian, Rasmus, Magnus; Haukur Páll, Arnór; Kaj Leo, Kristinn Freyr, Sigurður Egill; Patrick.

KR (4-3-3): Betir; Hjalti, Grétar Snær, Arnór Sveinn, Kristinn; Pálmi, Atli, Ægir; Stefán Árni, Gaui Baldvins, Óskar Örn.
Eyða Breyta

Fyrir leik
Eitt lið komið áfram
Það er eitt lið komið áfram í undanúrslit Lengjubikarsins en það er Keflavík sem hafði betur gegn Víkingi Reykjavík í vítaspyrnukeppni í gær.

Aðrir leikir í átta-liða úrslitum eru:

Valur - KR (12:00)
Stjarnan - Fylkir (14:00)
Breiðablik - KA (16:00)

Þessir þrír leikir sem eru eftir eru allir í dag.
Eyða Breyta

Fyrir leik
Dómarar
Dómari í dag er Ívar Orri Kristjánsson og hans aðstoðardómarar eru Egill Guðvarður Guðlaugsson og Steinar Gauti Þórarinsson.

Arnar Ingi Ingvarsson er varadómari og Viðar Helgason eftirlitsmaður.



Eyða Breyta

Fyrir leik
Ótímabæra spáin
Ótímabæra spáin er skemmtilegur liður í útvarpsþættinum Fótbolta.net.

Það hafa verið birtar tvær ótímabærar spár til þessa og var Valur á toppnum í þeim báður. Andstæðingar þeirra í dag, KR, voru hástökkvararnir í síðustu spá. Vesturbæjarstórveldið fór upp úr sjötta sæti og í það þriðja.

"Eitt af allra heitustu liðunum á undirbúningstímabilinu eru gömlu karlarnir, Knattspyrnufélag Reykjavíkur. Gömlu karlarnir eru bestir," sagði Tómas Þór Þórðarson.



Eyða Breyta

Fyrir leik
Valur vann Reykjavíkurmótið
Þessi lið tóku bæði þátt í Reykjavíkurmótinu en þar vann Valur lið Fylkis í úrslitaleik. Leikurinn fór í vítaspyrnukeppni og þar hafði Valur betur. KR-ingar höfnuðu í öðru sæti í B-riðlinum eftir 4-0 tap gegn Fylki.
Eyða Breyta

Fyrir leik
Einn til að fylgjast með úr hvoru liði
Hér útnefni ég leikmann úr hvoru liði sem ég ætla að fylgjast sérstaklega vel með í dag. Þetta eru báðir nýir leikmenn Vals og KR.

Arnór Smárason (Valur)
Kominn heim úr atvinnumennsku og það verður spennandi að sjá hvaða hlutverk hann fær í Val í sumar. Verður hann á miðjunni, í holunni eða hvað? Kallaður Smáradona og ég hlakka til að sjá hann spila í dag.

Guðjón Baldvinsson (KR)
Kominn aftur í KR frá Stjörnunni. Hefur verið að spila vel á undirbúningstímabilinu og skoraði fjögur mörk í riðlakeppni Lengjubikarsins. Sóknarmaður sem Valsmnenn þurfa að hafa góðar gætur á.



Eyða Breyta

Fyrir leik
Breytingar frá síðasta tímabili
Það hafa orðið breytingar á liðunum frá síðustu leiktíð. Þær eru eftirfarandi:

Valur

Komnir
Almarr Ormarsson frá KA
Arnór Smárason frá Lilleström
Kristófer Jónsson frá Haukum
Johannes Vall frá Ljungskile
Tryggvi Hrafn Haraldsson frá Lilleström

Farnir
Aron Bjarnason til Ujpest (Var á láni)
Eiður Aron Sigurbjörnsson í ÍBV
Einar Karl Ingvarsson í Stjörnuna
Kasper Högh til Randers (Var á láni)
Lasse Petry til HB Köge
Valgeir Lunddal Friðriksson í Hacken

KR

Komnir
Grétar Snær Gunnarsson frá Fjölni
Guðjón Baldvinsson frá Stjörnunni

Farnir
Ástbjörn Þórðarson í Keflavík
Finnur Orri Margeirsson í Breiðablik
Finnur Tómas Pálmason til Norrköping
Gunnar Þór Gunnarsson hættur
Jóhannes Kristinn Bjarnason til Norrköping
Pablo Punyed í Víking R.



Eyða Breyta

Fyrir leik
Leikir liðanna á síðasta tímabili
Þessi lið mættust auðvitað tvisvar í Pepsi Max-deildinni á síðasta tímabili.

Þau mættust í opnunarleik tímabilsins hér á Hlíðarenda og þá hafði KR betur, 1-0. Valur kom fram hefndum í seinni leiknum í Vesturbæ. Það var mikill markaleikur sem endaði 4-5 fyrir Valsmenn. Valur varð Íslandsmeistari og KR hafnaði í fimmta sæti eftir að hafa orðið Íslandsmeistarar 2019.



Eyða Breyta

Fyrir leik
Lengjubikarinn
Valur vann sinn riðil í Lengjubikarnum, riðil 1, með 13 stig úr fimm leikjum. Valur vann 1-0 sigur á KA, 8-1 sigur gegn Grindavík, 3-0 sigur á Víkingi Ólafsvík, 2-2 jafntefli við HK og 3-0 sigur á Aftureldingu.

KR lenti í öðru sæti í riðli 2 á eftir Víkingum. KR endaði með 11 stig eftir 1-1 jafntefli við Víkinga, 8-2 sigur á KR, 4-0 sigur á Þór, 3-1 sigur á Kórdrengjum og 1-1 jafntefli gegn FH.
Eyða Breyta

Fyrir leik
Hádegisleikur!
Það er ekki oft sem við fáum hádegisleiki í íslenska boltanum en það verður flautað til leiks hérna klukkan 12:00, á slaginu!

Liðið sem ber sigur úr býtum í dag kemst í undanúrslit Lengjubikarsins, eins og gefur að skilja. Ef staðan er jöfn í leikslok, þá verður farið beint í vítaspyrnukeppni - engin framlenging!

Tvö hundruð áhorfendur eru leyfðir á íþróttaviðburðum að uppfylltum ákveðnum skilyrðum.
Eyða Breyta

Fyrir leik
Reykjavíkurstórveldin
Góðan og gleðilegan daginn og verið velkomin í beina textalýsingu frá Reykjavíkurslag Vals og KR í átta-liða úrslitum Lengjubikars karla.

Þetta verður fjör!



Eyða Breyta