Óskar Örn vinnur uppkastið gegn Ásgeiri, Óskar velur að byrja á þeim vallarhelming sem snýr frá Frostaskjóli svo KA-menn byrjar með boltann.

Liðin eru að labba til vallar og stúkan klappar vel og innilega.

Maggi Bö er nýbúinn að skrúfa fyrir kerfið svo völlurinn ætti að vera skemmtilega blautur.

Sólin skín og liðin eru að hita upp, kjöraðstæður hérna í Vesturbænum!

Maggi Bö er byrjaður að vökva völlinn við mikla hrifningu krakkanna og Bóas er mættur á sinn stað.

Vladan Djogatovic er kominn í KA á láni frá Grindavík út tímabilið. Þetta staðfesti KA í morgun. Vladan er 36 ára gamall og kom til Íslands árið 2019 og lék með liðinu síðustu tvö tímabil. Vladan fer í samkeppni við Stubb, Steinþór Má Auðunsson, um markvarðarstöðuna. Stubbur hélt hreinu gegn HK í fyrstu umferð og ver mark liðsins gegn KR í kvöld.

Vladan er ekki í leikmannahópi KA í kvöld.

Sveinn Margeir Hauksson, leikmaður KA, meiddist á dögunum og er ekki með í kvöld.

"Þetta er ekki ósvipað og það sem gerðist við Sebastiaan Brebels. Sveinn var að blokkera skot og það snýst upp á ökklann og stígur svo niður. Þetta fór held ég ekki jafn illa og hjá Seba," sagði Arnar Grétarsson, þjálfari KA, við Fótbolta.net í vikunni.

"Ég veit ekki með leikinn gegn Leikni í næstu viku. Það gæti verið að hann sé of snemma. Þetta gæti verið 10 dagar eða hálfur mánuður, ég veit það hreinlega ekki og er persónubundið."

"Við vorum að tala um það rúmri viku fyrir mót að við þyrftum að lána menn því við vorum með svo rosalega stóran hóp. En svo fara menn að detta út og leikmenn komast ekki heim út af covid."

"Brebels er mjög duglegur og er byrjaður að æfa sjálfur en ekkert farinn að hlaupa. Vonandi getur hann byrjað um eða eftir helgi og þá kemur í ljós hvað er langt í hann. Hann missir pottþétt út næstu tvo leiki og sennilega eitthvað aðeins meira."

Arnar talar um að leikmenn komist ekki heim út af covid. Þeir Bjarni Aðalsteinsson og Ýmir Már Geirsson eru vestanhafs en ættu að koma til landsins um eða eftir helgi. Að sögn Arnars hafa þeir báðir greinst með veiruna í vetur og óvíst í hvernig standi þeir koma til baka.

"Ég er að fá inn meiri breidd sem vantaði. Við vorum að fá leikmann sem þekkir allt sem við erum að gera. Hann hefur verið með okkur síðastliðin tvö ár og þó hann hafi verið erlendis síðustu mánuði þá veit hann nákvæmlega hvað við viljum og þurfum. Það þarf ekkert að skóla hann mikið til."

Sagði Rúnar Kristinsson, þjálfari KR, þegar fréttaritari heyrði í honum í vikunni. Finnur Tómas Pálmason er genginn í raðir félagsiðs á láni frá Norrköping.

En af hverju er hann að ganga í raðir félagsins?

"Þú verðu að ræða það við hann. Hann vildi koma og ég get ekki alveg svarað fyrir ástæðuna."

"Ég veit að þegar það kom upp að það væri hægt að fá hann á láni þá fórum við á fullt í það. Ég er virkilega sáttur með að fá hann."

Finnur er tvítugur miðvörður sem KR seldi til Norrköping í janúar. Finnur lék stórt hlutverk þegar KR varð Íslandsmeistari árið 2019. Hann er í sóttkví og ekki með í leiknum í kvöld.

Byrjunarliðin eru komin inn.

Kristján Flóki Finnbogason er á meiðslalista KR-inga og er ekki í leikmannahópnum en Guðjón Baldvinsson reynslubolti kemur inn í byrjunarliðið í hans stað.

KA er með óbreytt byrjunarlið frá því í Kórnum.

Einar Ingi fær það verðuga verkefni að flauta þennan leik í dag, honum til aðstoðar verða þeir Bryngeir og Andri, flott teymi þar á ferð!

Ekki gerir það neitt verra að hafa Erlend Eiríks sem fjórða dómara.

Heimavöllurinn var að stríða KR-ingum í fyrra þar sem þeir unnu aðeins 3 af 10 leikjum sínum í Frostaskjólinu, það er árangur sem enginn KR-ingur sættir sig við og ætla þeir sér klárlega að gera betur í ár.

KA-menn eru jafntefliskóngar landsins ef ekki bara heimsins, með 13 jafntefli úr síðustu 18 leikjum sínum...

Ef þessum leik er ætlað að fara jafntefli, þá er eins gott að það verði 4-4 en ekki 0-0, ég vill bara mörk og skemmtun!

Leikurinn er fyrsti leikur 2. umferðar í Pepsi Max deild karla.

Í fyrstu umferðinni vann KR hrikalega sterkan 2-0 sigur á Blikum í Kópavoginum á meðan að KA átti ekki jafn góða ferð í Kópavog og gerði steindautt 0-0 jafntefli við HK inni í Kórnum.

Góðan daginn kæru lesendur og verið velkomin í þráðbeina textalýsingu frá leik KR og KA!