Fimm mínútur í leik og fólk er farið að flykkjast utan um gervigrasvöllinn hér í Mjóddinni en ÍR-ingar munu spila heimaleiki sína í ár á gervigrasi en ekki á grasvellinum eins og venjan hefur verið.

Athygli vekur að í 18 manna hópi Þróttar eru þrír leikmenn sem leikið hafa fyrir ÍR.

Viktor Segatta lék 37 leiki fyrir ÍR árin 2013 og 2014 og skoraði 12 mörk.

Sigurður Gísli Snorrason lék átta leiki fyrir ÍR sumarið 2016 og skoraði eitt mark. Þá spilaði hann einnig einn leik sumarið 2019 án þess að skora.

Andri Már Hermannsson á þá tvo leiki fyrir ÍR sumarið 2016.

Þá má einnig nefna það að sumarið 2012 kom Hermann Hreiðarsson, þjálfari Þróttar, ÍR-ingum til aðstoðar í nokkurn tíma eftir að Nigel Quashie hafði tekið við stjórnartaumunum í kjölfarið á brottrekstri Andra Marteinssonar.

Byrjunarliðin eru komin inn.

Heimamenn byrja með sömu ellefu leikmennina og hófu leikinn gegn Völsungi í síðustu umferð. Rees Greenwood og Jorgen Pettersen byrja báðir.


Hermann Hreiðarsson gerir tvær breytingar á liði sínu milli umferða.

Sigurður Gísli Snorrason og Dagur Guðjónsson taka sér sæti á bekknum en í þeirra stað byrja Viktor Smári Segatta og Dagur Ingi Hammer Gunnarsson.

Liðin sem mætast í Breiðholtsblíðunni í kvöld hafa í þrígang mæst í Íslandsmóti og það á síðustu tveimur tímabilum.

ÍR sigraði fyrstu viðureign liðanna á Vogaídýfuvellinum sumarið 2019 með mörkum frá Reyni Haraldssyni og Andre Solorzano sem nú leikur með Hetti/Huginn í þriðju deildinni.

Þegar liðin mættust svo í Mjóddinni síðar um sumarið skildu þau jöfn þar sem Alexander Kostic skoraði mark heimamanna áður en Alexander Helgason jafnaði.

Liðin mættust eingöngu í eitt skipti á síðasta tímabili, að sjálfsögðu vegna áhrifa kórónuveirufaraldursins, en sá leikur fór fram hér í Breiðholtinu og hrepptu Þróttarar stigin þrjú eftir 3-1 sigur þar sem tveir fyrrum leikmenn ÍR, Andri Jónasson og Viktor Smári Segatta skoruðu mörk fyrir Þrótt auk þess sem að Tómas Helgi Ágústsson Hafberg skoraði sitt fyrsta mark í Íslandsmóti.

Varnarjálkurinn Halldór Arnarson skoraði sárabótarmark fyrir ÍR-inga í síðari hálfleik leiksins og þar við sat.

Þjálfari Þróttar V. er að sjálfsögðu fyrrum landsliðsfyrirliðinn Hermann Hreiðarsson en hann var á dögunum ráðinn aðstoðarþjálfari Davíðs Snorra Jónassonar hjá U21 landsliði karla.

Þróttarar hafa ekki byrjað tímabilið eins og þeir vonuðust eftir. Hafandi verið spáð 1.sæti deildarinnar af þjálfurum liðanna hafa lærisveinar Hermanns Hreiðarssonar gert jafntefli í fyrstu tveimur umferðum tímabilisins og sitja í áttunda sæti.

Eftir 3-3 jafntefli í stórleik gegn Njarðvík í fyrstu umferð fylgdi 1-1 leikur gegn Fjarðabyggð í annarri umferð og er ljóst að Þróttarar munu gera allt til að koma með fyrstu þrjú stig tímabilsins á Vatnsleysuströndina í kvöld.

Þróttarar hafa skorað fjögur mörk í fyrstu umferðunum og hafa dreift þeim vel því fjórir leikmenn hafa hvor um sig skorað. Ragnar Þór Gunnarsson, Rubén Lozano Ibancos og Hubert Rafal Kotus skoruðu mörkin gegn Njarðvík og Andy Pew sá um markaskorun gegn Fjarðabyggð.

Breiðhyltingar hafa byrjað tímabilið af krafti og hafa sankað að sér sex stigum í deildinni eftir sigra gegn Leikni Fáskrúðsfirði og Völsungi í fyrstu tveimur umferðunum.

Eftir þessa sterku byrjun eru ÍR í öðru sæti deildarinnar, eingöngu á eftir KF, á markatölu en bæði lið eru með fullt hús stiga eftir fyrstu tvær umferðirnar.

Arian Ari Morina, sem gekk til liðs við ÍR frá grönnunum í HK, hefur skorað fyrsta markið í báðum leikjum ÍR hingað til en önnur mörk liðsins hafa komið frá fyrirliðandum Axeli Kára Vignissyni og norðmanninum Jörgen Petterson.

Góðan daginn góðir hálsar og verið velkomin í beina textalýsingu frá Hertz-vellinum í Breiðholti.

Heimamenn í ÍR munu í dag mæta liði Þróttar frá Vogum í þriðju umferð 2. deildar karla sumarið 2021.