Liðin eru komin inn hérna sitthvorum megin við textann. Danny Guthrie sem hefur mikla reynslu í ensku úrvalsdeildinni er á varamannabekk Fram í dag. Hans fyrsti leikur í leikmannahóp liðsins.

Tíu mínútur í leik og liðin að ljúka upphitun. Framarar munu spila í sínum hefðbundnu bláu treyjum og sokkum og hvítum buxum. Þórsarar eru í varabúningum í dag, bleik treyja og sokkar og svartar buxur.

Axel Óskar Andrésson leikmaður Ríga FC í Lettlandi spáði í leiki umferðarinnar á Fótbolta.net

Fram 3 - 1 Þór
,,Þessi leikur fer 3-1. Framarar halda ótrauðir áfram, og spila í deild þeirra sterkustu að ári."

Aðalbjörn Heiðar Þorsteinsson er dómari leiksins í dag. Hann er með þá guðmund Valgeirsson og Magnús Garðarsson sér til aðstoðar á línunum en að þessu sinni er enginn skiltadómari. Sigurður Hannesson er svo sendur frá KSÍ sem eftirlitsmaður til að taka út umgjörðina og frammistöðu dómara.
Aðalbjörn Heiðar dæmir leikinn í dag.

Danny Guthrie sem uppalinn er hjá Liverpool en er þekktari fyrir tíma sinn hjá Newcastle og Reading gekk í raðir Fram á dögunum. Hann losnaði úr sóttkví sama dag og liðið mætti ÍBV í síðustu viku og ferðaðist með liðinu og sat í stúkunni. Hann má sjá í hvítri peysu á myndinni. Hann verður vonandi í leikmannahópi liðsins í dag.

Þegar liðin mættust á Framvelli 26. júlí í fyrra fóru Framarar með stórsigur af hólmi, 6-1.

Liðin mættust svo aftur 26. september á Þórsvelli og þá unnu Framarar aftur, nú 0 - 2.

Fram og Þór mættust svo einnig í Lengjubikarnum í febrúar en leikið var í Egilshöll og Fram vann þá 3 - 2.


Úr leik liðanna í september.

Heimamenn í Fram fara virkilega vel af stað á mótinu og hafa unnið báða leiki sína til þessa.

Í fyrsta leik unnu þeir 4 - 2 sigur á Víkingi Ólafsvík í Safamýrinni og fyrir viku unnu þeir svo sterkan 0 - 2 útisigur á ÍBV í Vestmannaeyjum.

Þórsarar byrjuðu mótið á hörkuleik við Gróttu á Seltjarnarnesinu sem þeir töpuðu 4 - 2. Þeir fengu svo Grindavík í heimsókn í Bogann í síðustu viku og unnu þá 4 - 1 sigur.


Framarar fagna í Vestmannaeyjum síðasta föstudag.

Góðan daginn og verið velkomin í beina textalýsingu frá viðureign Fram og Þórs í 3. umferð Lengjudeildar karla.

Leikurin fer fram á Framvelli í Safamýri og hefst klukkan 18:00. Hér fylgjumst við með öllu því sem gerist og komum svo með viðtöl eftir leik.