Liðin hafa lokið sinni upphitun og halda inn. Stuðningsmannasveit Aftureldingar, Rothöggið, sest í stúkuna og KALEO hljómar í græjunum. 5 mínútur í leik! Góða skemmtun.

Jæja það styttist í leik og byrjunarliðin eru klár. Magnús gerir engar breytingar frá sigurleiknum í Ólafsvík. Óskar Elías Zoega, Sigurður Grétar og Nökkvi Már koma allir inn í lið ÍBV.

Byrjunarliðin ættu að detta inn eftir nokkrar mínútur en það eru nokkrir möguleikar fyrir báða þjálfara.

AFTURELDING
Eftir fjögur mörk í síðasta leik gegn Víking Ólafsvíks er Kristófer Óskar eflaust fullur sjáfstraust uppi á topp í liði heimamanna. Arnór Gauti kom heim frá Fylki fyrir mót en er enn að jafna sig á meiðslum. Tveir spánverjar hafa svo bæst við á síðustu vikum. Pedro fékk nokkrar mínútur í Ólafsvík og Albert Serran hefur lokið sóttkví og ætti að vera klár í slaginn. Reynslu mikill hafsent þar á ferðinni sem hefur meðal annars spilað fyrir Swansea.

ÍBV
Gestirnir frá Vestmannaeyjum koma eflaust hungraðir til leiks og vilja sanna ágæti sitt frá fyrstu mínútu. Sigurður Arnar er fjarri góðu gamni í dag en hann fékk rautt spjald í síðasta leik gegn Fram og er því í leikbanni. Það er spurning hvort að Atli Hrafn Andrason verði í byrjunarliðinu en hann kom frá Breiðablik fyrir stuttu. Góður leikmaður þar á ferð sem getur reynst ÍBV vel. Óskar Elías Zoega gæti komið inn eftir bekkjarsetu í síðasta leik og svo má Gonzalo fara að sýna sitt rétta andlit. Helgi Sig þarf á honum að halda í þessum leik.

GUNNI GISKAR

Gunnar Birgisson íþróttafréttmaður og meðlimur Innkastsins á Fotbolti.net þykir fróður um Lengjudeildina í sumar. Gefum Gunnari orðið:

,,Allt farið í bál og brand hjá Eyjamönnum því miður. Þeir koma og eiga von á auðveldum leik en léttleikandi Maggi Ball menn verða komnir i 3-0 eftir 20 mín. Kristó frændi líklega með tvö. Eftir það róast leikurinn og á 91.mín stangar Eiður Aron einn i netið"

Hér má sjá skemmtilega mynd frá árinu 2013 en það sumar spiluðu þjálfarar dagsins, Magnús Már og Helgi Sig, saman hjá Aftureldingu. Á myndinni er stórhljómsveitin KALEO með liði Aftureldingar fyrir leik en þarna voru þeir að byrja ferilinn í Mosfellsbæ.

Í dag er KALEO aðalstyrktaraðili meistaraflokks karla í Aftureldingu og hafa merki sitt framan á búningum félagsins. Spennandi samstarf þar á ferðinni!

Fyrir leiki dagsins sitja heimamenn í Aftureldingu í 4.sæti deildarinnar með fjögur stig. Jafntefli við Kórdrengi í fyrsta leik og svo sterkur 1-5 sigur gegn Víking Ólafsvík.

ÍBV aftur á móti, sem margir spá 1.sæti í sumar, sitja í 11.sæti deildarinnar og hafa tapað fyrstu tveimur leikjum sínum gegn Grindavík og Fram. Eyjamenn þurfa því nauðsynlega á sigri að halda hér í dag ef þeir ætla sér stóra hluti í sumar.

Góðan daginn og verið velkomin í beina textalýsingu frá leik Aftureldingar og ÍBV í Lengjudeild karla.

Leikurinn sem er í 3. umferð deildarinnar hefst klukkan 18:00 á Fagverksvellinum Varmá.