Liðin ganga hér inn á völl með lagið Draumalandið undir, ekki alveg við hæfi eins og er.

Selfyssingar byrja með boltann og fá Gróttumenn meðvindinn.

Eins og hefur komið fram á heimasíðu okkar hafa 2 leikjum í Lengjudeildinni verið frestað vegna veðurs.

Leik Vestra gegn Víking Ó og leik Kórdrengja og Þróttar var frestað fyrr í dag. Vestramenn fá loksins heimaleik á sunnudaginn en ekki hefur verið sett ný dagsetning á leik Kórdrengja og Þróttar.

En þessi leikur fer fram og það er það eina sem skiptir okkur máli.

Varamenn Gróttu labba inná völlinn þegar rétt rúmlega 10 mínútur eru í leik. Ástráður Leó í liðstjórn Gróttu fylgir þeim hér inn og hann er líklegast mikilvægasti hlekkurinn í velgengni nesmanna hingað til myndi ég halda.

Proper lad hann Ási.

Ekki er sál mætt í stúkuna enda mótvindur og rigning en búumst nú við því að sjá þá allra hörðustu mæta á næstu mínútum.

Spá leiksins

Stubbur, markmaður KA er spámaður umferðarinnar hjá fótbolta.net og spáði hann því fyrir leik kvöldsins.

Selfoss 1 - 3 Grótta (Í kvöld, 19:15)
,,Pétur Theódór heldur áfram að setja þrjú og Gary Martin minnkar muninn undir lokin."

Chris Brazell vandaði val sitt á keilum í dag og tók háu keilurnar sem fjúka að sjálfsögðu ekki.

Bretinn kann á þetta.

Leikmenn eru hér hægt og rólega farnir að koma sér á völlinn en flestir vilja held ég halda sér í klefanum eins lengi og þeir mögulega geta.

Fyrstu menn inná völl sýnist mér vera nafnarnir á varamannabekk heimamanna Aron Einarsson og Aron Darri Auðunsson.

Byrjunarliðin eru komin inn

Axel Sigurðarson er kominn á bekkinn hjá Gróttu en sagði Gústi Gylfa það okkur líka eftir seinasta leik að hann yrði til í þennan leik. Engin breyting á byrjunarliði Gróttumanna frá 5-0 sigrinum gegn Vestri.

Selfyssingar gera tvær breytingar á sínu liði frá tapinu gegn Þrótti. Þeir ungu og efnilegu Aron Einarsson og Valdimar Jóhannsson detta á bekkinn en inn fyrir þá koma Ingvi Rafn Óskarsson og Jón Vignir Pétursson. Þeir detta í meiri varnastöðu fyrir þennan leik skiljanlega enda fremstu leikmenn Gróttu á eldi.

Veðrið hérna á Selfossi algjörlega ömurlegt. Rigning og rok í kringum 20 m/s.

Dean Martin reynir að stilla upp keilum en ekkert að ganga hjá kallinum enda allar að fjúka burt. Samt frábært að leikurinn fer fram, alvöru víkingaveður og ekkert sem menn eru óvanir.

Selfoss - Grótta fer fram

Flautaður á klukkan 19:15. Töluvert betra veður á Selfossi en í Reykjavík. Gunnar Oddur dómari er búinn að meta aðstæður og leikurinn mun fara fram.

Lið 3. umferðar var valið eftir seinustu umferð og voru 2 úr Gróttu í liðinu. Kristófer Melsted og Pétur Theódór átti fyrirsagnirnar þessa umferðina og voru því eðlilega í liði umferðarinnar. Enginn selfyssingur var valinn í liðið.

Er Pétur Theódór bara besti framherji sögunnar í lengjudeildinni?

— SigurÄ‘ur Gìsli (@SigurdurGisli) May 22, 2021

Siggi Bond veltir steinum.

Orð frá þjálfurum

Gústi Gylfa, þjálfari Gróttu var spurður eftir seinasta leik um leikinn í kvöld og hafði hann þetta að segja.

,,Það verður gríðarlega erfiður leikur og við munum leggja leikinn vel upp á móti góðu liði þannig að það verður góð vika fram undan og við munum æfa vel."

Dómarar leiksins

Gunnar Oddur Hafliðason er aðaldómari á Selfossi í kvöld. Honum til aðstoðar verða Smári Stefánsson og Bergur Daði Ágústsson. Eftirlitsmaður er Þórður Georg Lárusson.

Liðin hingað til


Heimamenn sitja í 11. sæti deildarinnar eftir 3 leiki. Þeir hafa aðeins sigrað 1 leik í deildinni hingað til og var það gegn Kórdrengjum í Breiðholtinu þar sem þeir unnu 3-1. Þeir koma inn í þennan leik á 3-1 tapi gegn Þrótti á útivelli og verður pressa á varnarmönnum Selfyssinga að stoppa markamaskínuna hann Pétur Theódór Árnason.

Gróttumenn sitja í 3. sæti deildarinnar eftir 3 leiki með 6 stig. Pétur Theódór og Kristófer Melsted fóru hamförum í seinasta leik gegn Vestri í 5-0 sigri þar sem Pétur var með þrennu annan heimaleikinn í röð á meðan Melsted átti líka stórleik í vinstri vængbakverðinum og lagði upp heil 4 mörk. Risastórt fyrir Gróttu að hafa þá í svona stuði.

Gott kvöld og verið velkomin í beina textalýsingu fótbolta.net á leik Selfoss og Gróttu í Lengjudeild karla.

Jáverk-völlurinn hefur aldrei litið betur út og stemningin er uppá 10,5 eins og alltaf hér á Selfossi, enda alltaf sumar hérna.