FH
6
5
Þór/KA
Elísa Lana Sigurjónsdóttir '7 1-0
1-1 Arna Sif Ásgrímsdóttir '59
1-2 Sandra Nabweteme '120 , víti
Sunneva Hrönn Sigurvinsdóttir '120 , víti 2-2
2-2 Arna Sif Ásgrímsdóttir '120 , misnotað víti
Andrea Marý Sigurjónsdóttir '120 , víti 3-2
3-3 Hulda Ósk Jónsdóttir '120 , víti
Rannveig Bjarnadóttir '120 , víti 4-3
4-4 Karen María Sigurgeirsdóttir '120 , víti
Erna Guðrún Magnúsdóttir '120 , víti 5-4
5-5 Hulda Björg Hannesdóttir '120 , víti
Selma Dögg Björgvinsdóttir '120 , víti 6-5
01.06.2021  -  18:00
Kaplakrikavöllur
Mjólkurbikar kvenna
Dómari: Ásmundur Hrafn Magnússon
Maður leiksins: Katelin Talbert
Byrjunarlið:
1. Katelin Talbert (m)
Sigrún Ella Einarsdóttir ('90)
Erna Guðrún Magnúsdóttir
Selma Dögg Björgvinsdóttir
6. Hildur María Jónasdóttir
9. Rannveig Bjarnadóttir
11. Sunneva Hrönn Sigurvinsdóttir
14. Brittney Lawrence ('60)
16. Tinna Sól Þórsdóttir ('108)
17. Elísa Lana Sigurjónsdóttir
25. Katrín Ásta Eyþórsdóttir

Varamenn:
12. Þórdís Ösp Melsted (m)
5. Margrét Sif Magnúsdóttir
8. Þóra Kristín Hreggviðsdóttir
19. Esther Rós Arnarsdóttir
21. Elín Björg Norðfjörð Símonardóttir ('60)
23. Andrea Marý Sigurjónsdóttir ('108)
26. Eydís Arna Hallgrímsdóttir
27. Katrín S. Vilhjálmsdóttir

Liðsstjórn:
Guðni Eiríksson (Þ)
Árni Freyr Guðnason
Arna Sigurðardóttir
Tarvia Philip
Magnús Haukur Harðarson
Jónas Grani Garðarsson

Gul spjöld:
Rannveig Bjarnadóttir ('55)

Rauð spjöld:
Leik lokið!
FH-ingar vinna þennan hörkuleik í vítaspyrnukeppni. Þær lögðu allt í þetta og verðskulda sigurinn.

Ég þakka fyrir mig og minni á viðtöl og skýrslu síðar í kvöld.
120. mín Mark úr víti!
Selma Dögg Björgvinsdóttir (FH)
SELMA DÖGG SKÝTUR FH ÁFRAM Í 8-LIÐA ÚRSLITIN!
120. mín Mark úr víti!
Hulda Björg Hannesdóttir (Þór/KA)
Varnarjaxlinn klínir þessum alveg út við stöng!
120. mín Mark úr víti!
Erna Guðrún Magnúsdóttir (FH)
Erna skorar örugglega!
120. mín Mark úr víti!
Karen María Sigurgeirsdóttir (Þór/KA)
Örugg spyrna hjá Karen Maríu!
120. mín Mark úr víti!
Rannveig Bjarnadóttir (FH)
Sara Mjöll er í þessum en Rannveig skorar!
120. mín Mark úr víti!
Hulda Ósk Jónsdóttir (Þór/KA)
Öruggt hjá Huldu! Lyftir boltanum í vinstra hornið.
120. mín Mark úr víti!
Andrea Marý Sigurjónsdóttir (FH)
Varamaðurinn er ísköld og klárar frábærlega í hægra hornið.
120. mín Misnotað víti!
Arna Sif Ásgrímsdóttir (Þór/KA)
Katelin Talbert ver frá Örnu Sif. Spyrnan slök og beint á markið.
120. mín Mark úr víti!
Sunneva Hrönn Sigurvinsdóttir (FH)
Selfyssingurinn sendir Söru í vitlaust horn og leggur boltann örugglega í vinstra hornið.
120. mín Mark úr víti!
Sandra Nabweteme (Þór/KA)
Sandra skorar örugglega úr fyrstu spyrnu vítaspyrnukeppninnar.
120. mín
Þetta er einn með öllu. Vítaspyrnukeppni mun skera úr um hvort liðið verður í pottinum þegar dregið verður í 8-liða úrslit bikarsins.
119. mín
Þór/KA setur pressu. María Catharina var að reyna enn eitt skotið rétt utan teigs en setur boltann yfir.
118. mín
A+ á stúkuna sem öskrar FH-inga áfram á lokametrunum. Það munar svo sannarlega um tólfta manninn þegar komið er á síðustu mínútur í framlengdum leik.
116. mín
Taktar hjá Söndru sem tásar boltann aftur fyrir varnarlínu FH og í hlaup hjá Maríu Catharinu. Eins og svo oft áður í leiknum gerir Katelin hrikalega vel í að koma út og hreinsa áður en raketturnar í framlínu gestanna komast í boltann.
114. mín
SLÁIN!

Þarna átti Sandra að klára leikinn fyrir Þór/KA.

Fékk frábæra sendingu frá hægri og var ALEIN á vítapunktinum. Neglir boltanum í slánna!!!

Þvílíkar senur hérna!
113. mín
ELÍSA!

Stendur af sér brot og brunar í átt að teignum. Hótar skoti í tvígang en Hulda Björg nær að henda sér fyrir þegar Elísa lætur loks vaða.
111. mín
KATELIN TALBERT!

Karen María með hættulegt skot frá hægri. Boltinn virðist vera á leiðinni í fjærhornið en enn og aftur er Katelin að sýna hvers megnug hún er. Nær einhvern veginn að teygja sig eftir boltanum og koma í veg fyrir mark.
108. mín
Inn:Andrea Marý Sigurjónsdóttir (FH) Út:Tinna Sól Þórsdóttir (FH)
Þriðja skipting FH.
105. mín
Leikur hafinn
Þetta var stutt stopp og áfram heldur fjörið. Korter eftir af leiknum. Fáum við sigurmark eða verður þetta alvöru bikardrama þar sem vítaspyrnukeppni ræður úrslitum?
105. mín
Hálfleikur
FH á stórhættulegt horn hér rétt áður en að Ásmundur flautar fyrri hálfleik framlengingarinnar af. Heimakonur sterkari í þessum leikhluta.
104. mín
Stúkan öskrar á hendi!

Elín Björg fær boltann í teignum. Leggur hann út á Tinnu Sól sem skýtur í varnarmann. FH-ingar vilja meina að boltinn hafi farið í hönd og vilja víti.

Ég held að þetta hafi nú ekki verið hendi - en eðlilegt að stúkan öskri. Það er vel mætt í kvöld og það sem betra er er að fólk lætur í sér heyra.
101. mín
Geggjaður sprettur hjá Örnu Sif. Elísa Lana fékk langan bolta í gegn en Arna Sif náði að vera á undan og bægja hættunni frá.

Hinum megin á vellinum reynir María Catharina langskot en setur boltann rétt framhjá.
98. mín
Katelin á misheppnaða sendingu út úr markinu og Hulda Ósk fær boltann úti á velli með opið mark fyrir framan sig. Skot hennar er alltof laust og Katelin hefur nægan tíma til að koma sér aftur á sinn stað og handsama boltann.
97. mín
Lengjudeildarlið FH gefur efstu deildarliðinu að norðan ekkert eftir. FH-ingar eru óhræddar við að pressa hátt og reyna að sækja.

Þetta er hörku, hörkuleikur og getur farið hvernig sem er!
92. mín
STÖNGIN!

Þvílíkir taktar hjá Elísu Lönu!

Leikur framhjá varnarmanni og setur boltann svo í stöngina!

Svekkjandi fyrir Elísu og FH, undirbúningurinn var geggjaður.
91. mín
Arna kemur inn af krafti og hennar fyrsta verk er að skrokka andstæðing sinn kröftuglega og fá dæmda á sig aukaspyrnu. Statement.
90. mín
Leikur hafinn
Þór/KA byrjar fyrri hálfleik framlengingarinnar.
90. mín
Inn:Arna Sigurðardóttir (FH) Út:Sigrún Ella Einarsdóttir (FH)
Guðni gerir eina breytingu á FH-liðinu fyrir framlenginguna.
90. mín
Venjulegum leiktíma er lokið og staðan er 1-1. Við erum því á leið í framlengingu og nú er ég afskaplega þakklát fyrir kaffisopann sem FH-ingar bjóða uppá.
90. mín
Uppbótartími er þrjár mínútur og nú fer hver að verða síðust til að klára leikinn fyrir framlengingu.
86. mín
Klaufalegt. Álitleg sókn hjá Þór/KA. Sandra lætur boltann fara svo María Catharina geti tekið við honum við vítateig FH. Hún missir hinsvegar af honum og fínt tækifæri rennur í sandinn.
85. mín
Það er fjör í þessu. Fimm mínútur eftir og bæði lið vilja klára þetta í venjulegum leiktíma.
83. mín
Hörkusprettur hjá Sigrúnu Ellu. Hún geysist inná teig og það þarf fjóra varnarmenn til að stoppa hana.

FH fær horn sem Rannveig tekur en Þór/KA konur koma boltanum frá.
81. mín
Hinum megin reynir Sigrún Ella skot sem fer í varnarmann.

Þór/KA brunar svo í sókn en Sunneva verst virkilega vel. Nær að hægja á Maríu Catharinu og þvinga hana í langskot í stað þess að hleypa henni inná teig.
79. mín
KATELIN!

Aftur er hún að verja!

Í þetta skiptið fínasta skot frá Söndru eftir skemmtilega sókn.

Boltinn fer aftur fyrir og Þór/KA fær sína áttundu hornspyrnu.

Karen María setur boltann á markið en Katelin blakar hann út í teig. Þar á leikmaður Þór/KA skot en boltinn framhjá.
76. mín
Gestirnir eru að reyna langa bolta yfir varnarlínu FH en Katelin í markinu kann ágætlega vel við það. Er óhrædd við að koma út úr markinu sínu og er að hirða flestar þessar sendingar.
72. mín
Inn:Ísfold Marý Sigtryggsdóttir (Þór/KA) Út:Arna Kristinsdóttir (Þór/KA)
Arna virðist hafa meiðst og hin efnilega Ísfold Marý kemur inn í hennar stað. Ísfold fer í hægri bakvörðinn og við það færist Hulda Björg í miðvörð.
69. mín
Aftur gerir Katelin vel. Er fljót út í teiginn og nær að vera á undan Söndru í boltann. Munaði litlu þarna að Þór/KA næði að spila Söndru í gegn.

Fjórfalda skiptingin hefur hleypt lífi í sóknarleik gestanna og þær eru líklegri um þessar mundir.
66. mín
Kapphlaup!

Þetta var vel gert. Tinna Sól reyndi að senda Elínu Björgu í gegn með góðri ristarspyrnu. Hulda Björg þó vel vakandi og náði að stíga inn í þetta.

FH-liðið er ennþá inní þessu þó markið hafi slegið þær aðeins útaf laginu.
65. mín
KATELIN!

Hún ver skot Karenar Maríu og Þór/KA fær horn.

Karen María notast við sömu uppskrift og áðan og setur boltann beint á kollinn á Örnu Sif. Hún skallar boltann hinsvegar yfir i þetta skiptið.
62. mín
HRAAAAÐI!

Vá hvað María Catharina er fljót. Geysist upp vinstra megin. Brunar framhjá Katrínu Ástu og inná teig. Reynir skot sem fer af varnarmanni og aftur fyrir..

Aftur horn en í þetta skiptið snýr Karen María boltann beint aftur fyrir endamörk.
60. mín
Inn:Elín Björg Norðfjörð Símonardóttir (FH) Út:Brittney Lawrence (FH)
Brittney ekki búin að ná sér á strik. Elín Björg fer uppá topp hjá FH í hennar stað.
59. mín MARK!
Arna Sif Ásgrímsdóttir (Þór/KA)
Stoðsending: Karen María Sigurgeirsdóttir
MAAARK!

Hulda Ósk brunar upp hægri kantinn og vinnur hornspyrnu. Karen María setur boltann fyrir og hver önnur en Arna Sif skallar hann í netið?

Drottning háloftanna, hvort sem er á Íslandi eða í Skotlandi.

Frábært mark og staðan orðin 1-1!
57. mín
Selma Dögg er eins og Duracell-kanína á miðjunni hjá FH. Var að vinna boltann á miðsvæðinu og reyna vinstrifótarskot sem fór framhjá.

Væri til í að sjá hlaupatölurnar hennar.
55. mín Gult spjald: Rannveig Bjarnadóttir (FH)
Frekar soft en í bókina fer Rannveig og Þór/KA fær aukaspyrnu úti hægra megin.

Hulda Björg á slaka sendingu í átt að teignum en boltinn dettur á endanum fyrir Maríu Catharinu sem skýtur yfir.
55. mín
KAREN MARÍA!

Katelin á slaka sendingu út úr markinu og boltinn berst til Karenar Maríu rétt utan teigs. Hún elskar að fá boltann þarna. Leggur hann fyrir sig og reynir að lyfta honum yfir Katelin sem er illa staðsett í markinu. Setur boltann þó aðeins yfir!
53. mín
Rannveig!

Reynir skot utan af velli sem flýgur yfir mark gestanna!

Það gengur hvorki né rekur hjá gestunum að halda í boltann um þessar mundir.
52. mín
Vó!

Enn er Elísa Lana að ógna marki!

FH-ingar færðu boltann hratt yfir til vinstri þar sem Elísa Lana beið og lék svo inn á teig og í átt að marki áður en hún setti boltann rétt framhjá fjærstönginni!
48. mín
Fínar sóknir hjá FH.

Elísa Lana fær að munda skotfótinn í tvígang. Fyrst setur hún boltann vel yfir. Í seinna skiptið er skot hennar varið og dettur fyrir Brittney í teignum en hún er of lengi að átta sig og nær ekki að nýta sér frákastið.
46. mín
Leikur hafinn
Þetta er byrjað og heimakonur geysast í sókn. Elísa Lana lætur reyna aftur á Söru Mjöll en hún sér við henni.
46. mín
Inn:María Catharina Ólafsd. Gros (Þór/KA) Út:Saga Líf Sigurðardóttir (Þór/KA)
Jú, jú. Fjórföld skipting hjá gestunum í hálfleik!
46. mín
Inn:Hulda Ósk Jónsdóttir (Þór/KA) Út:Rakel Sjöfn Stefánsdóttir (Þór/KA)
Jú, jú. Fjórföld skipting hjá gestunum í hálfleik!
46. mín
Inn:Miranda Smith (Þór/KA) Út:Margrét Árnadóttir (Þór/KA)
Jú, jú. Fjórföld skipting hjá gestunum í hálfleik!
46. mín
Inn:Karen María Sigurgeirsdóttir (Þór/KA) Út:Kimberley Dóra Hjálmarsdóttir (Þór/KA)
Jú, jú. Fjórföld skipting hjá gestunum í hálfleik!
45. mín
Hálfleikur
Það er komin skýring á nýju taktíkinni hjá þjálfarateymi FH. Hlynur ku víst vera í sóttkví og er því einn í annarri stúkunni. Engu síður skemmtileg útfærsla sem er hægt að vinna með í framtíðinni ef vel reynist.
45. mín
Hálfleikur
Það er haldinn alvöru liðsfundur með varamönnum Þór/KA í hálfleik. Þær Hulda Ósk, Karen María, María Catharina og Miranda eru allar að fara yfir taktík með Perry aðstoðarþjálfara. Ætli það komi fjórföld skipting?

Nokkuð ljóst að þessi leikmenn geta sprengt upp hvaða leik sem er með hraða sínum og gæðum. Þetta gæti orðið eitthvað.

Á sama tíma sýnir varamarkvörðurinn Harpa Jóhanns snilli sína í að halda á lofti. Röltir yfir völlinn með boltann á tánum, gerir þetta eins og að drekka vatn.
45. mín
Hálfleikur
Hálfleikstölur 1-0 fyrir FH og það verður að teljast sanngjarnt. Heimakonur hafa verið mun kröftugri og lagt meira í leikinn til þessa.

Gleymum því þó ekki að Þór/KA hefur komið til baka úr stöðunni 0-1 í báðum sigurleikjum sínum í sumar.

Hvað gerist í seinni hálfleik?
45. mín
FH fær aukaspyrnu á miðjum vallarhelmingi Þórs/KA. Setja boltann inná teig en ná ekki að skapa hættu.

Þetta reynist síðasta tilraun fyrri hálfleiksins og á sama tíma byrjar að hellirigna.
44. mín
Það er gaman að fylgjast með þjálfurum liðanna. Þekktir fyrir að sýna mikla ástríðu á hliðarlínunni. FH-ingarnir Guðni og Hlynur fara með þetta upp á næsta stig en Guðni stendur í boðvangnum og Hlynur í stúkunni á móti og það heyrist vel í þeim báðum. Andri Hjörvar tekur svo þátt í leiknum líka að vanda.

Líf og fjör!
40. mín
Landsliðsþjálfarinn Þorsteinn Halldórsson er mættur í stúkuna. Hann tilkynnti hópinn fyrir leikina gegn Írlandi fyrr í dag. Hvorugt liðið á fulltrúa (núverandi leikmanna) í þeim hópi en nóg er af efniviði til að fylgjast með hér í kvöld.
39. mín
Illa farið með gott færi!

Brittney fær boltann óvænt og er komin alein á vítateigslínuna. Hún reynir skot sem er afleitt og beint á Söru Mjöll. Hefði getað farið nær eða að minnsta kosti gefið sér betri tíma til að stilla miðið.

Illa farið með góðan séns.
35. mín
STÓRHÆTTA!

Gestirnir ógna eftir horn og Katelin Talbert sýnir úr hverju hún er gerð.

Fyrst ver hún krefjandi skallabolta áður en Hildur María bjargar á línu frá Örnu Sif!

Þór/KA fær svo annað horn sem þær taka stutt. Saga Líf á í kjölfarið hörkuskot sem Katelin gerir vel í að verja.

FH-ingar virðast hafa náð sér í flottan markmann.
34. mín
Þetta hefði getað orðið hættulegt. Margrét laumar boltanum inná teig í hlaupið hjá Rakel Sjöfn. Rakel rennir boltanum fyrir en nær ekki að tengja við Söndru sem hikaði aðeins með hlaupið.
29. mín
Aftur ógna FH-ingar. Tinna Sól átti hættulega fyrirgjöf eftir laglega sendingu Katrínar Ástu en boltinn flaug hárfínt yfir kollinn á Brittney.

Gestirnir ekki að finna taktinn sinn. Það er kannski ekki skrítið þegar gerðar eru 7 breytingar á milli leikja en sjáum hvort þær nái ekki að vinna sig betur inn í þetta.
28. mín
SAMÚEL!

Vá, vá, vá!

Selma Dögg er búin að vera langbest á vellinum fyrsta hálftímann og á hér dúndurskot sem smellur í samskeytunum.

Sú er að koma inn í þetta sumar í geggjuðu formi!
26. mín
Sandra minnir á sig!

Það er hraði í fremstu línu Þórs/KA og þarna tókst þeim að skapa sér séns. Sandra átti ágæta tilraun úr teignum en Katelin sá við henni.

Stuttu síðar munaði engu að Sandra næði að þræða Sögu Líf í gegn en Katelin var á undan í boltann.
23. mín
FÆRI!

Þetta var vel gert hjá FH-ingum og þarna munaði engu að þær tvöfölduðu forystuna!

Sigrún Ella heldur breiddinni vel, fékk skiptingu frá vinstri, fór framhjá Jakobínu og átti bara eftir að leggja boltann í fjærhornið!

Því miður fyrir hana og FH setti hún boltann þó rétt framhjá!
22. mín
Þarna kom ágætur séns. Tinna Sól fékk boltann utarlega í teignum. Það vantaði þó uppá eigingirnina og hún reyndi að spila á samherja í stað þess að negla bara á markið.
19. mín
Það er meiri kraftur í FH-liðinu þessar mínúturnar en heimakonum vantar aðeins uppá að skapa sér alvöru færi.
16. mín
Gestirnir brjóta á Selmu Dögg úti hægra megin og FH fær aukaspyrnu. Brittney setur hættulegan bolta fyrir. Fyrirliðinn Erna Guðrún er á leiðinni í boltann en Sara Mjöll gerir vel og nær að henda sér fyrst á boltann.
15. mín
Sigrún Ella er búin að vera spræk hægra megin hjá FH. Hún var að leika inná völlinn og reyna skot en setti boltann beint á Söru Mjöll.
8. mín
Þór/KA hótar að jafna strax í næstu sókn. Liðið nær laglegu uppspili og litlu munar að Margrét nái skoti á markið. Varnarmaður FH nær að komast fyrir og Þór/KA fær horn.

Aftur skapast hætta og mér sýnist það vera Hulda Björg sem gerir sig líklega en nær ekki almennilega til boltans.
7. mín MARK!
Elísa Lana Sigurjónsdóttir (FH)
MAAARK!

Þetta gerði Elísa Lana vel!

Sá tækifæri í að munda skotfótinn rétt utan teigs og skilaði boltanum fallega í netið.

Frábært mark hjá þessum bráðefnilega leikmanni!
5. mín
Það er stemmning í þessu fyrstu mínúturnar. FH búnar að vera meira með boltann og reyna nokkur skot utan af velli. Hvorgut liðanna búið að skapa sér opið færi ennþá.
1. mín
Leikur hafinn
Við erum farin af stað!

Fínustu aðstæður. Fallegur völlur, létt gola, skýjað en hlýtt.
Fyrir leik
Við sjáum að byrjunarliðin eru klár. Bræðurnir Guðni og Hlynur gera tvær breytingar á byrjunarliðinu sínu frá 2-0 tapinu gegn KR í síðasta deildarleik. Þær Tinna Sól og Katrín Ásta koma inn í liðið á kostnað Eydísar Örnu og Elínar Bjargar.

Breytingarnar á milli leikja hjá Þór/KA eru töluvert fleiri eða sjö talsins! Sara Mjöll fær traustið í markinu en Harpa Jóhanns er á bekknum. Sandra Nabweteme kom funheit af bekknum í síðasta leik og skoraði bæði mörkin í 2-1 sigri liðsins á Tindastól. Hún er verðlaunuð fyrir þá frammistöðu með byrjunarliðssæti. Þá koma þær Margrét Árnadóttir, Saga Líf, Rakel Sjöfn, Arna Kristins og Kimberley Dóra allar inn í liðið líka.
Fyrir leik
FH leikur í Lengjudeildinni og hefur verið spáð toppbaráttu þar. Liðið er í 4. sæti eftir 4. umferðir með tvo sigra og tvö töp.

Þór/KA situr í 6. sæti Pepsi Max deildarinnar eftir 5 umferðir. Hefur unnið tvo leiki og tapað þremur.

Það verður spennandi að sjá liðin eigast við hér á eftir.
Fyrir leik
FH rúllaði yfir ÍR á leið sinni í 16-liða úrslitin en liðið vann þá 10-1 sigur. Arna Sigurðardóttir, Sigrún Ella og Þóra Kristín Hreggviðsdóttir skoruðu eitt mark hver, þær Brynhildur Brá og Elín Björg skoruðu báðar tvívegis og Selma Dögg setti þrennu.

Lið Þórs/KA er hinsvegar að hefja leik í bikarnum þetta árið, koma ferskar inn í 16-liða úrslitin.
Fyrir leik
Heil og sæl!

Verið velkomin í beina textalýsingu frá viðureign FH og Þórs/KA í 16-liða úrslitum bikarsins.

Ásmundur Hrafn Magnússon flautar til leiks á slaginu 18:00.
Byrjunarlið:
25. Sara Mjöll Jóhannsdóttir (m)
Saga Líf Sigurðardóttir ('46)
Snædís Ósk Aðalsteinsdóttir
8. Kimberley Dóra Hjálmarsdóttir ('46)
10. Sandra Nabweteme
11. Arna Sif Ásgrímsdóttir (f)
14. Margrét Árnadóttir ('46)
16. Jakobína Hjörvarsdóttir
18. Rakel Sjöfn Stefánsdóttir ('46)
20. Arna Kristinsdóttir ('72)
24. Hulda Björg Hannesdóttir

Varamenn:
1. Harpa Jóhannsdóttir (m)
9. Karen María Sigurgeirsdóttir ('46)
12. Miranda Smith ('46)
13. Colleen Kennedy
17. María Catharina Ólafsd. Gros ('46)
22. Hulda Ósk Jónsdóttir ('46)
22. Hulda Karen Ingvarsdóttir
23. Iðunn Rán Gunnarsdóttir
26. Ísfold Marý Sigtryggsdóttir ('72)

Liðsstjórn:
Andri Hjörvar Albertsson (Þ)
Perry John James Mclachlan (Þ)
Bojana Besic
Haraldur Ingólfsson
Anna Catharina Gros

Gul spjöld:

Rauð spjöld: