Liðin hafa lokið sinni upphitun og halda inn í hús. 5 mínútur í leik og fólk er farið að týnast á völlinn. Mikil spenna fyrir leiknum enda baráttan um Blikastaði. Hamborgarar á grillinu og nýja KALEO treyja Aftureldingar til sölu í sjoppunni.

Góða skemmtun!

Nú styttist í leik og liðin eru mætt út á völl í upphitun. Byrjunarliðin eru klár og má sjá hér til hliðar. Arnór Gauti Ragnarsson er í fyrsta sinn í hóp hjá heimamönnum eftir erfið meiðsli í upphafi tímabils. Arnór Gauti kom á láni frá Fylki.

Þessi lið mættust síðast í Lengjudeildinni árið 2019. Leikur liðanna í Mosfellsbæ fór 1-3 fyrir Fjölni en í Grafarvogi varð niðurstaðan 1-1 jafntefli.

Svo er það spurningin, hvernig fer leikurinn í kvöld. Virtasti fjölmiðlamaður landsins, Gunnar Birgsisson á RÚV, ætlar að spá í spilin fyrir okkur. Gefum Gunnari orðið.

GUNNI GISKAR

,,0-0. Varnarleikur liðanna verður eins og vel prjónuð lopapeysa. Þétt og hlý. Bæði lið átta sig snemma á því að það koma engin mörk í þennan leik og byrja í halda bolta æfingum á eigin vallarhelmingi. Ási og Maggi labba í boðvang hvors annars og sættast á stig þegar 75 mín eru eftir af leiknum." Sagði Gunnar Birgis.

Kristófer Óskar sóknarmaður Aftureldingar sem er á láni frá Fjölni má ekki spila leikinn í kvöld. Kristófer hefur verið mikilvægur í liði Mosfellinga og er kominn með 5 mörk í deildinni.

Andri Freyr Jónasson, fyrrum fyrirliði Aftureldingar, mætir í dag á sinn gamla heimavöll. Andri hefur verið á bekknum í síðustu leikjum Fjölnis em samkvæmt heimildum fotbolti.net er Andri í byrjunarliðinu í kvöld.

Fyrir leikinn eru Mosfellingar með 4 stig í 9.sæti deildarinnar en Fjölnir með 9 stig í 2.sæti.

Í síðustu umferð tapaði lið Aftureldingar 2-1 fyrir Þór á Akureyri en Fjölnismenn tóku á móti Fram og þurftu að sætta sig við 0-1 tap í Grafarvoginum.

Góða kvöldið og velkomin á beina textalýsingu frá leik Aftureldingar og Fjölnis í 5.umferð Lengjudeildarinnar.

Nágrannaslagur af bestu gerð.