Þá eru liðin á leið inná völlinn. Þetta er alveg að hefjast - allir að drífa sig á völlinn, veðrið er ekkert svo slæmt í stúkunni

Pétur Pétursson heldur sig við sama byrjunarlið og í síðasta leik sem var stórsigur gegn Tindastól.

Andri Hjörvar Albertsson gerir 4 breytingar á sínu liði frá tapinu gegn Þrótturum.

Elín Metta virðist vera að komast á skrið eftir hljóðláta byrjun. Hún skoraði eitt mark í tapinu gegn Breiðablik og setti tvö í sigrinum gegn Tindastóli. Það er náttúrulega bara veisla fyrir Val, já og deildina sjálfa, ef hún er komin í gang.

Þór/KA er í 8. sæti deildarinnar með 6 stig, einu stigi meira en Fylkir sem er í fallsæti.

Þór/KA hefur tapað fjórum leikjum af síðustu fimm. Töpin komu gegn Selfossi, Breiðablik, Stjörnunni og Þrótti. Þarna inni á milli unnu þær mikilvægan sigur gegn "nágrönnum" sínum í Tindastól.

Valsliðið hefur lítið heillað hingað til á tímabilinu en þær sitja nú samt í 2. sæti deildarinnar með 13 stig úr 6 leikjum.

Þær töpuðu eftirminnilega 3-7 gegn Breiðablik í ótrúlegum leik 27. maí en komu vel til baka í næsta leik gegn Tindastól þann 5. júní. Þar unnu Valsstelpur 0-5 stórsigur.

Nú er bara að bíða og sjá hvernig þær koma til leiks eftir landsleikjahlé.

Góðan og blessaðan daginn kæru lesendur og verið hjartanlega velkomin í þessa beinu textalýsingu frá leik Vals og Þór/KA í 7. umferð Pepsi-Max deildar kvenna.
Leikurinn hefst klukkan 18:00 og fer fram á Origo vellinum.