Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
45' 2
1
Breiðablik
Fylkir
1
2
HK
Daði Ólafsson '31 1-0
1-1 Birnir Snær Ingason '60
1-2 Martin Rauschenberg '73
09.07.2021  -  19:15
Würth völlurinn
Pepsi Max-deild karla
Dómari: Jóhann Ingi Jónsson
Áhorfendur: 780
Maður leiksins: Birkir Valur Jónsson (HK)
Byrjunarlið:
1. Aron Snær Friðriksson (m)
Daði Ólafsson ('65)
2. Ásgeir Eyþórsson
3. Unnar Steinn Ingvarsson ('71)
5. Orri Sveinn Stefánsson
8. Ragnar Bragi Sveinsson (f)
10. Orri Hrafn Kjartansson
11. Þórður Gunnar Hafþórsson ('71)
11. Djair Parfitt-Williams
22. Dagur Dan Þórhallsson ('71)
28. Helgi Valur Daníelsson

Varamenn:
1. Ólafur Kristófer Helgason (m)
6. Torfi Tímoteus Gunnarsson ('65)
9. Jordan Brown ('71)
15. Axel Máni Guðbjörnsson
17. Birkir Eyþórsson ('71)
20. Hallur Húni Þorsteinsson
77. Óskar Borgþórsson ('71)

Liðsstjórn:
Ólafur Ingi Stígsson (Þ)
Atli Sveinn Þórarinsson (Þ)
Björn Metúsalem Aðalsteinsson
Óðinn Svansson
Ólafur Ingvar Guðfinnsson
Hilmir Kristjánsson

Gul spjöld:
Helgi Valur Daníelsson ('20)
Djair Parfitt-Williams ('39)
Ragnar Bragi Sveinsson ('73)
Orri Hrafn Kjartansson ('93)

Rauð spjöld:
Leik lokið!
HK vinnur endurkomusigur!
94. mín
Inn:Bjarni Páll Linnet Runólfsson (HK) Út:Atli Arnarson (HK)
93. mín Gult spjald: Orri Hrafn Kjartansson (Fylkir)
93. mín
Orri Hrafn brýtur á Atla og þeir liggja báðir. Alvöru tækling.
91. mín
Orri Sveinn með skalla framhjá! Þetta var séns.

Þremur mínútum bætt við.
90. mín
Fylkir fær aukasprnu.
88. mín
Ekkert búið að gerast síðustu mínútur.
82. mín
Inn:Örvar Eggertsson (HK) Út:Stefan Ljubicic (HK)
Örvar djöflast í fremstu línu.
82. mín
Það eru 780 áhorfendur á vellinum. Það er alveg ágætis mæting!
81. mín Gult spjald: Ásgeir Marteinsson (HK)
Brýtur á Orra Hrafni.
79. mín
Hornspyrnan tekin stutt og kjölfarið fylgir alvöru stórsókn. Helgi Valur fyrst með skot í varnarmann og svo á Djair algjört þrumuskot af stuttu færi. Boltinn á nærstöngina og Arnar Freyr gerir vel að verja!
79. mín
Fylkir á hornspyrnu.
78. mín
Ragnar Bragi með fyrirgjöf inn á teiginn úr aukaspyrnu. Orri Sveinn skallar boltann en nær ekki að koma honum nálægt marki HK.
73. mín MARK!
Martin Rauschenberg (HK)
Stoðsending: Ásgeir Marteinsson
Ásgeir tekur aukaspyrnuna, kemur með sendingu inn á teiginn. Einhvern veginn nær Martin að taka þennan bolta niður og hann nær skoti sem Aron Snær ræður ekki við.

HK er komið yfir!
73. mín Gult spjald: Ragnar Bragi Sveinsson (Fylkir)
Braut á Birni úti á vinstri kantinum.
72. mín
Inn:Ásgeir Marteinsson (HK) Út:Ólafur Örn Eyjólfsson (HK)
71. mín
Inn:Óskar Borgþórsson (Fylkir) Út:Unnar Steinn Ingvarsson (Fylkir)
71. mín
Inn:Birkir Eyþórsson (Fylkir) Út:Dagur Dan Þórhallsson (Fylkir)
71. mín
Inn:Jordan Brown (Fylkir) Út:Þórður Gunnar Hafþórsson (Fylkir)
70. mín
BIRKIR VALUR!!

Bjargar aftur á línu!!!!

Fylkir í rosalegri skyndisókn, fylla teiginn vel og boltinn berst á Orra Hrafn í teignum eftir að Arnar slær boltann út í teiginn. Birkir Valur er mættur niður og bjargar!

Orri hefði átt að gera betur!
67. mín
Smá end-to-end stuff í gangi þessa stundina. Það endar á skelfilegu skoti frá Stefani.

Fylkir átti hörkusókn áðan þar sem Þórður Gunnar kemst upp að endamörkum en á ekki nægilega vandaða fyrirgjöf og finnur engan samherja.
65. mín
Inn:Torfi Tímoteus Gunnarsson (Fylkir) Út:Daði Ólafsson (Fylkir)
64. mín
Arnþór Ari með skot sem fer framhjá.
62. mín
Ívar Örn með langa sendingu inn á teiginn en enginn kemst í þennan bolta sem fer afturfyrir.
60. mín MARK!
Birnir Snær Ingason (HK)
Stoðsending: Stefan Ljubicic
Birnir Snær mætir inn á teiginn og klárar með skoti í þaknetið af stuttu færi eftir fyrirgjöf frá Birki Val. Ég sá ekki hvort Stefan náði eitthvað að snerta boltann inn á teignum.

Staðan orðin jöfn!

Uppfært eftir leik: Ég hef fengið þær upplýsingar að Stefan kom við boltann.
59. mín
Lagleg tilraun frá Jóni Arnari eftir snögga sókn. Aron ver boltann til hliðar og Ragnar Bragi nær til hans þar.
56. mín
Geggjuð sókn hjá Fylki!!!

Djair tekur sprett á vinstri kantinum, kemur sér inn á miðjan vallarhelming HK og rennir boltanum á Dag Dan.

Dagur á fyrirgjöf sem Orri Hrafn kemst í en skotið frá Orra fer rétt framhjá.
52. mín
Arnþór með skot eftir samspil við Birni. Aron Snær ver boltann til hliðar þar sem Jón Arnar kemst í boltann. Jón Arnar á fyrirgjöf og finnur Arnþór inn á teignum. Arnþór með skalla sem Aron ver.
51. mín
Unnar Steinn heppinn með að sleppa við að vera dæmdur brotlegur. Fannst hann grípa í Arnþór Ara á sprettinum.
49. mín
Orri Hrafn með frábæran sprett og reynir að finna Þórð en Þórður fór í annað hlaup en Orri bjóst við og HK byggir upp sókn.
48. mín
Helgi Valur kemst í veg fyrir skot frá Arnþóri og Þórður Gunnar brunar upp. Þórður er að bíða eitthvað eftir Degi og sóknin rennur út í sandinn.
47. mín
Helgi Valur skallar fyrirgjöf frá Birni í burtu.
46. mín
Seinni hálfleikur hafinn!
Fylkir byrjar með boltann í seinni.
45. mín
Hálfleikur
Fylkir hefur verið betra liðið eftir markið. HK færði menn aðeins framar og það opnaði möguleikann á skyndisóknum.
45. mín
45+1

Fylkir fær aðra hornspyrnu. Seinni spyrnan tekin stutt og Orri Hrafn á fyrirgjöf sem skölluð er í burtu.

Einni mínútu bætt við.
45. mín
Dagur Dan með flottan sprett og nær að valda miklum usla inn á teig HK áður en boltanum er hreinsað í horn.
44. mín
Daði með flottan bolta fyrir sem Arnar Freyr slær í burtu.
43. mín
Orri Hrafn með skot sem fer af Ólafi Erni og afturfyrir. Fylkir á hornspyrnu!
42. mín
Snögg sókn hjá Fylki, Þórður fær boltann í miklu svæði, sendir boltann á Orra Hrafn eftir langan sprett og Orri sendir boltann á Djair. Djair þarf að færa boltann yfir á hægri og Birkir Valur fær tíma til að komast fyrir skotið.
40. mín
Orri brýtur á Birni. HK á aukaspyrnu á vallarhelmingi Fylkis.
39. mín Gult spjald: Djair Parfitt-Williams (Fylkir)
Gult spjald fyrir kjaftbrúk.
39. mín Gult spjald: Guðmundur Þór Júlíusson (HK)
Braut á Þórði Gunnari í sókninni áðan. Klárt gult!
38. mín
Dagur Dan með skot eftir snarpa sókn Fylkis. Það fer beint á Arnar Frey.
36. mín
Fylkir fær aðra aukaspyrnu, ofar á vellinum og Daði kemur með boltann fyrir. Gummi Júl kemur þessum bolta í burtu.
35. mín
Arnþór rennir sér og fer í Unnar. Fylkismenn vilja spjald en fá ekkert.
34. mín
Fylkir fær hornspyrnu upp úr þessu. Dagur tók aukaspyrnuna stutt og Daði kom með bolta inn á teiginn. Boltinn berst út fyrir teig á Unnar sem lyftir boltanum inn á teig og Fylkir fær horn.

Djair gerir hins vegar ekki nógu vel og tapar boltanum eftir seinna hornið.
33. mín
Djair krækir í aukaspyrnu við endalínuna. Fín fyrirgjafarstaða fyrir Dag.
31. mín MARK!
Daði Ólafsson (Fylkir)
Stoðsending: Þórður Gunnar Hafþórsson
GEGGJAÐ MARK!!!

Daði klínir boltanum upp í hægra markhornið. Arnar kemst aðeins í boltann en ekki nóg til að koma í veg fyrir mark!
30. mín
Fylkir á aukaspyrnu við vítateig HK. Ólafur braut á Þórði.
28. mín
Dagur Dan kemur með bolta út fyrir teiginn í hornspyrnu tvö. Boltinn á Ragnar Braga sem á skot sem fer yfir mark HK. Áhugaverð útfærsla.
27. mín
Daði með hornspyrnuna. Gummi Júl skallar yfir og Fylkir á annað horn.
26. mín
NAUUUUUUUUU - Sú björgun, þetta færi, vá!!

Dagur Dan fær flottan bolta úti hægra megin, kemur sér inná teiginn, á sendingu fyrir sem fer á Djair en Birkir Valur stendur á línunni og kemst fyrir. Boltinn af Birki og yfir markið. Fylkir á hornspyrnu.

Djair átti auðvitað að gera betur þarna!!
25. mín
HK með tvær tilraunir. Fyrst á Atli tilraun sem fer í vanrarmann og svo á Birnir skot með vinstri sem fer yfir mark Fylkis.
25. mín
Orri Sveinn á fyrirgjöf en hún fer of hátt og út fyrir völlinn.
24. mín
Ívar reynir frekar mikið bjartsýnisskot sem fer framhjá nærstönginni. Lítil hætta.
23. mín
Unnar brýtur á Jóni Arnari á miðjum vallarhelmingi Fylkis. Ívar Örn stendur yfir boltanum.
21. mín
Ívar með bolta inn á teiginn en honum er skallað í burtu af Unnari og sókn HK rennur svo út í sandinn.
20. mín Gult spjald: Helgi Valur Daníelsson (Fylkir)
Brýtur á Martin.
19. mín
HK á innkast hátt uppi á hægri vængnum.
16. mín
Daði með frábæra tilraun í markmannshornið. Arnar nær að teygja sig í boltann og ver hann í slána!
15. mín Gult spjald: Ólafur Örn Eyjólfsson (HK)
Daði með fyrirgjöfina, boltinn skallaður út og þar kemst Orri í hann. Hann var tekinn niður af Ólafi Erni við vítateiginn.
15. mín
Fylkir á aukaspyrnu úti á hægri kantinum. Menn vilja fá gult á Martin fyrir brot á Þórði en Martin sleppur.
14. mín
Liggur aðeins á Fylki síðustu rúmu mínútuna. Tvær fyrirgjafir í röð sem Helgi Valur nær að koma í burtu.
12. mín
Aron Snær!!!!

Veeeel varið í markinu. Birnir Snær kemst framhjá Ragnari og á fínt skot en Aron ver boltann. Stefan kemst í frákastið en nær ekki að stýra boltanum á markið og sókninn rennur út í sandinn.
12. mín
Boltinn berst á Helga Val fyrir utan teig HK og Helgi lætur vaða með vinstri en Martin kemst fyrir, þetta skot var á leiðinni á rammann!
8. mín
Lið Fylkis:
Aron
Ragnar - Orri - Ásgeir - Daði
Unnar
Helgi
Dagur - Orri - Djair
Þórður
7. mín
Ívar Örn með fyrirgjöf sem Daði skallar í burtu. Boltinn berst út á Birki Val sem á tilraun með vinstri en sú fer vel framhjá.
7. mín
Lið HK:
Arnar
Birkir - Gummi Júl - Martin - Ívar
Atli - Ólafur
Jón - Arnþór - Birnir
Stefan
6. mín
Hornspyrnan tekin stutt og svo kemur fyrirgjöf sem ratar á Ásgeir á fjærstönginni en tilraun Ásgeirs laus og Arnar Freyr grípur.
5. mín
Fylkir á núna hornspyrnu!
4. mín
Birnir með boltann fyrir og finnur Birki inn á teignum en Birkir á tilraun framhjá.
4. mín
HK fær fyrstu hornspyrnu leiksins.
1. mín
Leikur hafinn
HK byrjar með boltann.
Fyrir leik
Ég var að heyra það áðan að Jóhann Ingi, dómari leiksins, á afmæli í dag. Hann fagnar 36 ára afmælisdeginum í Árbænum, til verri staðir!

Fyrir leik
Fylkir spilar í appelsínugulum treyjum og svörtum stuttbuxum. HK spilar í hvítum og rauðum treyjum og rauðum stuttbuxum.
Fyrir leik
Svona held ég að liðunum sé stillt upp:
Fylkir:
Aron
Ragnar - Orri - Ásgeir - Daði
Unnar - Helgi
Dagur - Orri - Djair
Þórður

HK
Arnar
Birkir - Guðmundur - Martin - Ívar
Ólafur - Arnþór - Atli
Jón Arnar - Stefan - Birnir
Fyrir leik
Það er fjórtán stiga hiti, gleði í hátölurunum og allt klárt fyrir hörkuleik.
Fyrir leik
Arnór Borg er ekki í lekmannahópi Fylkis í dag. Hann greindist með Covid fyrir rúmri viku síðan og er í einangrun. Fréttaritari spurði Arnór út í hvernig heilsa hans væri í dag.

,,Heilsan er fín, ég er í einangrun sem ég vonandi losna úr á sunnudag."
Fyrir leik
Byrjunarliðin eru klár og má sjá hér til hliðar!
Fylkir gerir þrjár breytingar frá jafnteflinu gegn Val í síðasta leik. Þórður Gunnar, Unnar Steinn og Daði Ólafs koma inn í liðið fyrir þá Arnór Gauta, Jordan Brown og Torfa Tímoteus. Arnór Gauti er í leikbanni en þeir Torfi og Jordan eru á bekknum. Guðmundur Steinn Hafsteinsson er ekki í leikmannahópi Fylkis en hann er kominn með leikheimild með liðinu.

HK gerir tvær breytingar frá 2-3 tapinu gegn Breiðabliki í síðasta leik. Ólafur Örn og Jón Arnar koma inn fyrir Ásgeir Börk Ásgeirsson og Valgeir Valgeirsson en þeir taka út leikbann.
Fyrir leik
,,Á hraðri niðurleið, þráðbeint í Lengjudeildina"
Það var rætt um HK í Innkastinu eftir síðasta deildarleik, en fyrir mót var búist við betri árangri en að liðið yrði í ellefta sæti deildarinnar á þessum tímapunkti.

,,Innanhúss fótboltalið deildarinnar er fimm stigum frá öruggu sæti. Ég skil ekki alveg hvað er í gangi," sagði Tómas Þór Þórðarson.

,,Ég held að það sé mest lítið sem er í gangi," sagði Ingólfur Sigurðsson.

,,Voru mistök að bæta ekki meira í liðið til þess að fá nýjar víddir í þetta? Ég veit að þeir fá Valgeir (Valgeirsson) rétt fyrir mót en það var ekki reiknað með honum. Það átti að vera lottóvinningur. Þeir geta ekki varist til að bjarga lífi sínu og Arnar (markvörður) hefur bara farið niður á við eftir frábæra fyrstu leiktíð í deildinni. Það er afskaplega lítið að gerast fram á við," sagði Tómas.

,,Þeir gefa þetta mikið í leikinn (gegn Breiðabliki), þeir eru 2-1 yfir þegar sjö mínútur eru eftir. En þeir tapa honum samt, tapa niður forystuna og fá á sig sigurmark í lokin," sagði Ingó.

,,HK á eftir að fara í Breiðholtið, upp á Skaga, þeir eiga eftir að fara í Krikann, í Víkina, á Kópavogsvöll og til Akureyrar. Bara sem dæmi um hvað er að fara að gerast hjá þeim í seinni umferðinni," sagði Tómas og bætti Ingó við:

,,Eins og staðan er núna þá eru þeir hraðri niðurleið, þráðbeint í Lengjudeildina."

HK hefur endað í níunda sæti Pepsi Max-deildarinnar síðastliðin tvö tímabil. ,,Ég bjóst við þeim tveimur sætum, alls ekki tveimur sætum niður," sagði Tómas.

,,Kannski er það vandinn líka bara hjá liðinu sjálfu. Kannski héldu þeir að þeir væru að fara að taka framfaraskref, þetta kemur rosalega flatt upp á þá, og þeir eru í einhverjum neikvæðum spíral. Aðeins til að hughreysta þá; það er hellingur eftir og nægur tími, en eins og staðan er núna þá er HK á leið niður. Það er fallfnykur af þessu liði," sagði Ingó.
Fyrir leik
Leikmannamál (1. hluti)
Arnór Borg Guðjohnsen verður samningslaus eftir tímabilið. Arnór gekk í raðir Fylkis í fyrra frá Swansea en hann fór til velska félagsins frá Breiðabliki á sínum tíma. Arnór er tvítugur sóknarmaður og hefur heyrst að Breiðablik, FH og Víkingur hafi viljað fá hann í sínar raðir.

Frá því var svo greint í Dr. Football í gær að Arnór væri búinn að ná samkomulagi við Víking um að ganga í raðir félagsins.

Arnór hefur skorað fjögur mörk í 25 leikjum fyrir Fylki.

Fyrir leik
Leikmannamál (2. hluti)
Fjallað hefur verið um áhuga Víkings á Birni Snæ Ingasyni leikmanni HK. Víkingur hefur boðið í Birni en HK neitaði tilboðinu.

,,Já, við gerðum tilboð í Birni Snæ og vonandi náum við að fara með það eitthvað lengra," sagði Arnar Gunnlaugsson, þjálfari Víkings, eftir leik gegn ÍA í vikunni.

Birnir er 24 ára og hefur skorað tíu mörk í 40 leikjum fyrir HK.

Fyrir leik
Leikmannamál (3. hluti)
Guðmundur Steinn Hafsteinsson gekk í raðir Fylkis í vikunni og mun leika með Fylki út þetta tímabil. Greint var frá því fyrir einhverjum dögum síðan að hann væri á leið til félagsins og hann fékk svo leikheimild í vikunni. Ekkert hefur þó verið fjallað um þessi skipti á vefsíðu Fylkis eða samfélagsmiðlum félagsins.

Guðmundur er 32 ára gamall framherji sem lék með KA síðasta sumar en hélt til Þýskalands og lék með Abtswind í vetur.

Hann er uppalinn Valsari og hefur einnig leikið með HK, Víkingi Ólafsvík, Fram, ÍBV og Stjörnunni hér á landi.

Guðmundur Steinn skoraði sex mörk í sautján leikjum með KA í fyrra. Alls hefur hann skorað 37 mörk í 145 leikjum í efstu deild á Íslandi.

Fyrir leik
HK
HK er í 11. sæti deildarinnar með sex stig eftir tíu leiki. Liðið hefur unnið einn leik, gert þrjú jafntefli og skorað sex mörk. Liðið er með -8 í markatölu, 12 mörk skoruð og 20 fengin á sig. Liðið hefur tapað síðustu þremur leikjum en fékk fjögur stig út úr leikjunum þar á undan.

Í síðasta leik tapaði liðið 2-3 gegn Breiðabliki. Það voru þeir Arnþór Ari Atlason og Birnir Snær Ingason sem skoruðu mörk HK í þeim leik.

Stefan Alexander Ljubicic er markahæsti leikmaður liðsins með fjögur mörk og Birnir Snær Ingason er næstmarkahæstur með þrjú mörk.
Fyrir leik
Fylkir
Fylkir er í 9. sæti deildarinnar með ellefu stig eftir tíu leiki. Liðið hefur unnið tvo leiki, gert fimm jafntefli og tapað þremur leikjum. Liðið er með -3 í markatölu, 14 skoruð og 17 fengin á sig. Liðið hefur fengið sex stig í síðustu fimm leikjum.

Í síðasta leik gerði liðið 1-1 jafntefli gegn Val og var það Arnór Borg Guðjohnsen sem skoraði mark Fylkis.

Markahæsti maður liðsins er Djair Parfitt Williams með fimm mörk. Orri Hrafn Kjartansson er næstmarkahæstur með tvö mörk skoruð.

Fyrir leik
Veriði velkomnir lesendur góðir í beina lýsingu frá leik Fylkis og HK í Pepsi Max-deild karla. Sæbjörn Steinke heiti ég og textalýsi beint frá Würth vellinum í Árbæ.

Leikurinn er liður í elleftu umferð deildarinnar. Hann átti upprunalega að fara fram síðasta sunnudag en var frestað þar sem upp kom smit í leikmannahópi Fylkis.

Leikurinn hefst klukkan 19:15 og það er Jóhann Ingi Jónsson sem er dómari leiksins.


Úr leik á Würth vellinum
Byrjunarlið:
25. Arnar Freyr Ólafsson (m)
5. Guðmundur Þór Júlíusson (f)
6. Birkir Valur Jónsson
7. Birnir Snær Ingason
8. Arnþór Ari Atlason
11. Ólafur Örn Eyjólfsson ('72)
17. Jón Arnar Barðdal
18. Atli Arnarson ('94)
21. Ívar Örn Jónsson
28. Martin Rauschenberg
30. Stefan Ljubicic ('82)

Varamenn:
1. Sigurður Hrannar Björnsson (m)
4. Leifur Andri Leifsson
7. Örvar Eggertsson ('82)
10. Ásgeir Marteinsson ('72)
14. Bjarni Páll Linnet Runólfsson ('94)
16. Eiður Atli Rúnarsson
20. Ívan Óli Santos

Liðsstjórn:
Brynjar Björn Gunnarsson (Þ)
Bjarni Gunnarsson
Gunnþór Hermannsson
Viktor Bjarki Arnarsson
Alma Rún Kristmannsdóttir
Sandor Matus
Birkir Örn Arnarsson

Gul spjöld:
Ólafur Örn Eyjólfsson ('15)
Guðmundur Þór Júlíusson ('39)
Ásgeir Marteinsson ('81)

Rauð spjöld: