Þetta er að bresta á! Liðin ganga inn á völlinn og ég býð spenntur. Það er geggjað veður í fótboltaleik. Hlýtt og smá vindur. Skelltu þér á völlinn!

KR hefur átt frekar slæmu gengi að fagna á heimavelli. Frá 13 september 2020 hafa þeir spilað 8 leiki á heimavelli og einungis náð í einn sigur. Það var á móti ÍA í lok Maí á þessu ári.

KR sitja fyrir leikinn í kvöld í 4.sæti deildarinnar með 17 stig og 11 leiki spilaða. Þeir eru tíu stigum á eftir toppliði Vals með leik til góða.

Keflvíkingar sitja í 6. sæti með 13 stig og hafa spilað 10 leiki. Þeir hafa ekki tapað í fjórum leikjum í röð.

Dómari leiksins
Einar Ingi Jóhannsson er dómari leiksins. Bryngeir Valdimarsson er AD1 og Antoníus Bjarki Halldórsson er AD2. Frosti Viðar Gunnarsson er svo eftirlitsmaður og Egill Arnar Sigurþórsson er varadómari.

Tölfræðin

Ef við skoðum aðeins tölfræði liðanna í innbyrðisviðreignum frá KSÍ og miðum við A deild að þá hafa liðin spilað 101 leik. Heimamenn í KR hafa þar betur eða með 40 sigra. Keflvíkingar eru með 32 sigra og í 29 skipti hafa þau gert jafntefli.

Liðin mættust síðast í efstu deild 2018 og einmitt í Vesturbænum. Þar sigruðu KR 3 - 1. Pálmi Rafn skoraði 2 mörk og Atli Sigurjónsson 1. Ef ég fer með rétt mál að þá er eini Keflvíkingurinn sem spilaði þann leik í Keflavíkurliðinu í dag, markmaður Sindri Kristinn Ólafsson.

KR eru með 7 leikmenn í byrjunarliðinu í kvöld sem spilaði þann leik.

Byrjunarliðin eru klár

Fjórar breytingar eru á liði KR frá 1-2 sigrinum á Dalvíkurvelli. Kristján Flóki Finnbogason fékk tvö gul spjöld í þeim leik og er í banni í kvöld. Grétar Snær Gunnarsson er einnig í banni í kvöld. Þá setjast þeir Stefán Árni Geirsson og Theódór Elmar Bjarnason á bekkinn. Inn í liðið koma þeir Ægir Jarl, Atli Sigurjónsson, Aron Bjarki og Kennie Chopart.

Tvær breytingar eru á liði Keflavíkur frá 2-3 sigrinum á Samsungvellinum. Sindri Þór Guðmundsson og Christian Volesky setjast á bekkinn og inn koma þeir Dagur Ingi Valsson og Marley Blair sem byrjar sinn fyrsta deildarleik með Keflavík.

Mun tvíeykið skipta sköpum í kvöld?
Kjartan Henry og Theódór Elmar mættu í útvarpsþáttinn Fótbolti.net á laugardaginn. Þeir eru sameinaðir á ný í KR eftir að hafa byrjað ferilinn sinn saman þar og fóru saman í atvinnumennsku til að byrja með.

Útvarpsþátturinn Fótbolti.net

Hvað gerir Joey Gibbs í kvöld?
Joey Gibbs hefur verið á eldi undanfarna leiki og er kominn með 7 mörk í efstu deild. Keflavík vann góðan 2- 3 sigur á Stjörnunni í síðustu umferð þar sem Joey setti tvö mörk

Beitir var frábær í síðustu umferð
Beitir Ólafsson var valinn maður leiksins þegar KR sigraði KA í síðustu umferð. Sá sigur var afskaplega mikilvægur fyrir KR til þess að eiga von til þess að stríða efstu liðum. Afrekið líka stórgott þar sem KR var manni færri frá 22. mínútu þegar Kristján Flóki fékk að líta sitt annað gula spjald og þar með rautt.

Velkomin í beina textalýsingu frá Meistaravöllum þar sem heimamenn í KR taka á móti Keflvíkingum. Leikurinn hefst kl. 19:15 en þá mun Einar Ingi Jóhannsson flauta til leiks.