Liðin eru að mæta inn á. Leiknir er í hefðbundnu bláu og fjólubláu og Stjarnan er í hvítu.

In the ghetto í tækinu.

Það er geggjað veður!!!! Sólin skín í gegnum skýin og það er nánast logn!

Hjalti byrjar og Dagur er kominn aftur eftir höfuðhögg
Hjalti Sigurðsson er kominn inn í byrjunarlið Leiknis eftir að hafa verið keyptur frá KR þegar glugginn opnaði.

Dagur Austmann hefur þá ekkert spilað síðan hann fékk höfuðhögg gegn Val snemma í sumar. Hann er kominn inn í byrjunarlið Leiknis aftur.

Siggi Höskulds var spurður út í Hjalta á dögunum:

,,Okkur vantaði mann inn í hópinn til að breikka hann. Við þekkjum Hjalta vel og vitum að hann er frábær leikmaður. Að kaupa hann eru frábær viðskipti og þetta verður lykilmaður hjá okkur," sagði Siggi.

Hverjir eru Casper Sloth og Oliver Haurits hjá Stjörnunni?
Toddi Örlygs var spurður út í dönsku leikmennina í júní. Casper var einnig í byrjunarliðinu í seinni leiknum gegn Bohemians.

,,Þeir eru komnir til landsins, annar þeirra, Oliver, er 21 árs sprækur framherji og við bindum vonir um að hann geti bætt okkur og bætt sjálfan sig, ekki bara núna í ár heldur næstu árin," sagði Toddi.

,,Hinn heitir Casper og er miðjumaður. Við erum að koma honum í stand. Hann hefur verið víða, spilað með mörgum góðum. Undanfarið hefur hann ekki verið að spila mikið, hann er heill heilsu og verið það í langan tíma en hefur kannski ekki alveg lent á réttum liðum. Við vonumst til að geta komið honum á lappir og hann hjálpað okkur," sagði Toddi.

Casper Sloth á að baki nokkra A-landsleiki með Danmörku og lék síðast með Helsingör. Hann er 29 ára gamall. Oliver Haurits kemur til Stjörnunnar eftir að hafa skorað sjö mörk í 27 leikjum með Skive.

Casper er uppalinn hjá AGF en fór svo til Leeds á Englandi. Sloth hefur einnig spilað með AaB, Silkeborg, Motherwell, Notts County og síðast Helsingør.

Byrjunarliðin eru klár:
Sigurður Heiðar Höskuldsson, þjálfari Leiknis, gerir X breytingar á sínu liði frá leiknum gegn ÍA. Daníel Finns Matthíasson tekur út leikbann. Hjalti Sigurðsson byrjar sinn fyrsta leik í efstu deild sem leikmaður Leiknis og Dagur Austmann kemur inn í liðið eftir meiðsli. Loftur Páll Eiríksson er ekki í leikmannahópi Leiknis.

Þorvaldur Örlygsson, þjálfari Stjörnunnar, gerir tvær breytingar á sínu liði frá tapinu gegn Keflavík. Fyrirliðinn Daníel Laxdal kemur inn og Casper Sloth kemur einnig inn. Tristan Freyr Ingólfsson er á bekknum en Eyjólfur Héðinsson er ekki með, hann er í liðsstjórn í dag.

Daníel Finns tekur út leikbann

Daníel Finns Matthíasson er ekki með í dag þar sem hann tekur út leikbann.

Stjarnan:
Stjarnan er með þrettán stig í 10. sæti deildarinnar og liðið er búið með tólf leiki. Markatala liðsins er -6 og liðið hafði unnið þrjá af síðustu fjórum leikjum áður en liðið tapaði gegn Keflavík í síðasta leik.
Stjarnan féll úr leik í Sambandsdeildinni í síðustu viku eftir einvígi við Bohemians.
Stjarnan hefur náð í sex stig í sex útileikjum og markatalan er í -5.
Hilmar Árni Halldórsson er með fjögur mörk og er markahæsti leikmaður liðsins. Þorsteinn Már Ragnarsson er næstmarkahæstur með tvö mörk.

Leiknir:
Leiknir er með fjórtán stig í 8. sæti deildarinnar og liðið búið að spila tólf leiki. Markatala liðsins er -5 og liðið hefur unnið tvo af síðust þremur leikjum sínum.
Þrettán af fjórtán stigum Leiknis hafa komið á heimavellinum. Sex leikir, þrettán stig og markatalan +5.

Sævar Atli Magnússon er markahæsti leikmaður liðsins með níu mörk í tíu leikjum spiluðum. Næstmarkahæstu menn eru með einungis eitt mark skorað hver.

Óskar Már Alfreðsson hjá Domusnova, El Normale eða Sá venjulegi, er spámaður 13. umferðar Pepsi Max-deildarinnar.

Leiknir 2 - 0 Stjarnan
2-0 sigur Leiknis á Domusnova vellinum. Binni Hlö og Manga skora þetta gæti samt endað stærra ef Sævar Atli kemur sér í gang :)

Góðan daginn lesendur góðir og veriði velkomnir í beina textalýsingu frá leik Leiknis og Stjörnunnar í 13. umferð Pepsi Max-deildarinnar.

Leikurinn hefst klukkan 19:15 og fer fram á Domusnovavellinum í Breiðholti.