HALLI BJÖRNS MEIDDUR OG BYRJAR EKKI

Halli Björns markmaður Stjörnumanna var upprunarlega í byrjunarliði Stjörnumanna og var á skýrslu til að byrja með sem markmaður Nr.1 en Arnar Darri Pétursson mun byrja þennan leik þar sem Halli er að glíma við höfuðmeiðsli.

Risa tíðindi!!

Silfurskeiðin vs Kópacabana



Hverjir sigra baráttuna um stúkuna í kvöld? Verða það Silfurskeiðamenn eða Kópacabana? Undirritaður vill sjá allavega 30 manns frá hvoru liði enda stórleikur framundan.

Fyrri leikur liðanna

Fyrri leikur liðanna sem fór fram á Kópavogsvelli endaði með 4-0 sigri Blika.

Mörk Blika:
Kristinn Steindórsson
Viktor Örn Margeirsson
Árni Vilhjálmsson
Höskuldur Gunnlaugssson

Byrjunarliðin eru komin!
Þorvaldur Örylgsson gerir engar breytingar á sínu liði eftir 4-0 sigurinn gegn ÍA í síðustu umferð.

Óskar Hrafn þjálfari Blika gerir þrjár breytingar á sínu liði, Oliver Sigurjónsson, Gísli Eyjólfsson og Davíð Örn Atlason koma út. Viktor Karl Einarsson, Andri Rafn Yeoman og Árni Vilhjálmsson koma inn í stað þeirra.

Bæði lið koma inn í þennan leik með 4-0 sigur á bakinu

Stjarnan spiluðu líklega sinn besta leik gegn Skagamönnum í síðustu umferð þar sem þeir unnu öruggan 4-0 sigur. Mörk Stjörnunnar skoruðu Hilmar Árni, Magnus Anbo 2x og sjálfsmark.

Blikar unnu toppslag í síðustu umferð en liðið lagði Víkinga af velli örugglega 4-0 þar sem Jason Daði skoraði tvö og Viktor Margeirs og Gísli Eyjólfs bættu við mörkum.

Oliver Sigurjónsson miðjumaður Blika sem hefur leikið mjög vel síðustu leiki verður í banni í kvöld.

Thomas Mikkelsen kveður Blika

"Hann hefur verið frábær liðsmaður fyrir okkur Blika og á stóran þátt í þeim framgangi sem Breiðabliksliðið hefur sýnt á síðustu árum. Breiðablik kveður því þennan frábæra leikmann og karakter með söknuði á sama tíma og við óskum honum alls hins besta í framtíðinni,"

Sölvi Snær snýr aftur heim í Garðabæinn

Sölvi Snær Guðbjargarson gekk til liðs við Breiðablik snemma tímabils og var það mikið rætt og sumir telja það hafi fyllt mælinn hjá Rúnari Páli fyrrum þjálfara Stjörnunnar þegar hann sagði sjálfur upp störfum.

Sölvi hefur ekki spilað jafn mikið og margir bjuggust kannski við en þeir sem hafa fylgst með efstu deild karla seinustu ár vita alveg hvað Sölvi getur í fótbolta.

Það væri nú einhvað ef Sölvi myndi skora sigurmark Blika í kvöld

Horfir á Breiðablik sem erkióvin

Einn efnilegasti leikmaður landsins, Eggert Aron Guðmundsson sem er fæddur 2004 var spurður út í verkefnið gegn Blikum eftir sigurleikinn gegn ÍA í síðustu umferð.

Já auðvitað. Ég hef alltaf horft á Breiðablik sem erkióvin en við ætlum bara vinna þann leik og halda okkar striki áfram."

Dömur mínar og herrar verið hjartanlega velkomin að viðtækjunum í þráðbeina textalýsingu frá Samsung vellinum í Garðabæ en núna klukkan 19:15 hefst erkifjendaslagur milli Stjörnunnar og Breiðabliks!