Þetta er að fjara út.. Við erum komin í uppbótartíma.

Markið hennar Dani kom á frábærum tíma fyrir Þrótt. Stjörnukonur voru farnar að komast hærra á völlinn en Þróttarar svöruðu því vel. Eru þær að lyfta sér upp í 3. sætið eða eiga Stjörnukonur enn einhver vopn í vopnabúrinu?

Stjörnukonur eru farnar að bíta aðeins frá sér. Eru farnar að halda betur í boltann og færa sig ofar á völlinn.

Mögnuð tilþrif!

Fyrst lyftir Katie Cousins boltanum laglega inn fyrir á Ólöfu Sigríði. Tilþrifin eru svo ekki síðri þegar Anna María rennir sér og kemst inn í sendingu frá Ólöfu sem hefði komið Dani einni gegn markmanni.

Hættulegt!

Betsy fær góða sendingu og brunar af stað. Virðist vera að hlaupa varnarmenn Þróttar af sér þegar hún missir jafnvægið og dettur.

Þarna munaði litlu að Stjörnukonur kæmu sér í gott færi. Það er aðeins eitt mark sem skilur liðin að og allt getur gerst ennþá.

Þróttarar fá enn eina hornspyrnuna. Málfríður Erna skallar frá en Shea vinnur boltann. Kemur honum inn á teig þar sem Þróttarar ná að tengja tvær sendingar áður en boltinn er lagður út á Sóley Maríu sem þrumar yfir!

Andrea Rut vinnur hornspyrnu og tekur hana sjálf. Setur boltann inná teig en gestirnir koma honum frá.

Það er að lifna yfir þessu. Alma kemst í ágæta stöðu við vítateig Þróttar og á skot sem fer af varnarmanni og breytir um stefnu þannig að hann spýtist rétt framhjá.

Stjarnan fær í kjölfarið horn. Anna María er nálægt því að ná til boltans en fær þess í stað högg á andlitið og þarf aðhlyninngu. Virðist ekki vera alvarlegt, líklega blóðnasir.

Andrea Rut heldur áfram að búa til færi fyrir liðsfélagana. Setur boltann fyrir og beint á kollinn á Ólöfu Sigríði sem skallar framhjá!

Klaufagangur hjá báðum liðum. Fyrst á Jelena arfaslaka sendingu úr öftustu línu Þróttar. Alma vinnur boltann en á svo líka misheppnaða sendingu sem hefði getað sent Gyðu Kristínu í gegn.

Alma Mathisen reynir skot aðeins utan við teiginn vinstra megin. Ágætt skot en beint á Írisi Dögg sem hefur verið örugg í markinu í kvöld.

Dani Rhodes hótar að bæta við marki fyrir Þrótt! Á skot úr teignum sem hún setur rétt framhjá fjærstönginni.

Þróttarar byrja síðari hálfleikinn á að vinna aukaspyrnu hægra meign. Andrea Rut setur boltann á fjær. Mér sýnist það vera Álfhildur sem skallar boltann fyrir en enginn samherji nær til hand.

Ólöf Sigíður eltir háan bolta inn fyrir. Halla Margrét gerir vel í að koma út og teygja sig hátt eftir boltanum.

Katie Cousins á laglegan snúning á miðjum vellinum sem tekur bæði Ingibjörgu og Heiðu úr leik. Katie brunar svo af stað og kemst að teignum þar sem hún fellur við - tekin aðeins úr jafnvægi af andstæðingi.

Þróttur fær aukaspyrnu sem Katie tekur sjálf. Setur boltann í varnarvegginn og gestirnir koma boltanum frá.

Varnaveggurinn hennar Höllu var áhugaverður þarna. Það stóð engin beint fyrir boltanum heldur skipti veggurinn sér í tvennt til að kovera sitt hvort hornið og Halla stóð fyrir miðju marki og bauð upp á skot þangað.

Áhugavert.. En svínvirkaði.

Sóknarþungi Þróttar er mikill. Andrea Rut var að setja hættulegan bolta á fjær úr hornspyrnu. Þar voru tveir Þróttarar sem rétt misstu af boltanum!

SLÁIN!

Andrea Rut setur boltann í slánna!

Fékk boltann frá Katie Cousins sem hafði haldið vel í boltann, aðþrengd varnarmönnum, eftir fyrirgjöf frá hægri.

Þróttarar sterkari þessar mínúturnar. Vinna horn sem Stjörnukonur ná að verjast!

Hættuleg sókn hjá Þrótti!

Dani á frábæra skiptingu yfir til hægri á Shea sem fer af stað og setur boltann svo fyrir. Ólöf Sigríður ræðst á boltann en finnur ekki skotið. Varnarmenn Stjörnunnar ná að komast inn í sendinguna og boltinn dettur út í teig en það er enginn Þróttari mættur í seinni boltann!

Mark dæmt af Þrótti vegna rangstöðu.

Dani skallar boltann sem er á leið að marki. Katie Cousins setur hann svo yfir marklínuna en er dæmd rangstæð.

Þetta stóð tæpt.

Arna Dís brýtur á Andreu Rut utan við vítateiginn vinstra megin. Andrea tekur aukaspyrnuna sjálf en setur boltann of háan á fjær og Ólöf Sigríður nær ekki að stýra skalla sínum á rammann.

Landsliðsþjálfarinn Þorsteinn Halldórsson er mættur á völlinn. Steini gerði garðinn frægan sem hægri bakvörður í karlaliði Þróttar rétt fyrir aldamót og þekkir Laugardalinn vel. Spurning hvaða leikmönnum hann er helst að gefa auga hér í kvöld.

Olla!

Ólöf Sigríður á skot eftir fyrirgjöf en setur boltann beint á Höllu Margréti markvörð!

Hröð sókn hjá Þrótti. Dani leggur boltann út á Katie en sendingin er ekki nógu góð og Katie endar á að negla í varnarmann með vinstri fæti.

Íris!

Aftur ver Íris Dögg!

Í þetta skiptið frá Ölmu sem hafði fengið góða sendingu inná teig frá Ingibjörgu Lúcíu.

Sóley María skallar fyrstu hornspyrnu Stjörnunnar í leiknum frá!

VÁ!

Hættuleg sókn hjá Stjörnunni!

Elín Helga finnur Gyðu Kristínu í teignum. Hún reynir skot sem fer af varnarmanni og berst út í teiginn á Betsy.

Pollróleg Betsy leikur á varnarmann með laglegri hreyfingu áður en hún lætur vaða en Íris Dögg ver vel!

Sóley María á skalla framhjá eftir hornspyrnu Andreu Rutar!

Þvílíkur hraði!

Dani Rhodes fær sendingu og brunar inná teig hægra megin. Ákveður að skjóta sjálf úr þröngu færi. Halla Margrét lokar vel á nærstöng og ver í horn.

Þróttarar eru búnar að eiga tvær ágætar fyrirgjafir inná vítateig Stjörnunnar - án þess þó að búa sér til alvöru séns.

Katrín Ásbjörnsdóttir meiddist eftir tæklingu í leik gegn Þór/KA á dögunum og er skráð í liðsstjórn í dag. Hvernig tekst Stjörnukonum til í fjarveru hennar?

Ingibjörg Lúcía á fyrstu skottilraun Stjörnunnar. Skotið kemur vel utan teigs og skapar enga hættu.

Lið Stjörnunnar:

Halla Margrét

Arna Dís - Anna María - Málfríður Erna - Sædís

Heiða Ragney - Ingibjörg Lúcía

Betsy

Elín - Gyða Kristín - Alma

Sædís verst Ólöfu Sigríði. Boltinn af Sædísi og aftur fyrir. Heimakonur fá fyrsta horn leiksins.

Andrea setur boltann fyrir en Elín Helga skallar frá.

Lið Þróttar:

Íris Dögg

Elísabet - Sóley - Jelena - Lorena

Álfhildur Rósa

Shea - Andrea Rut

Katie Cousins

Dani - Ólöf Sigríður