Byrjunarliðin eru klár

Þór/KA er með óbreytt lið frá 1-1 jafntefli gegn Stjörnunni í Garðabæ í síðustu umferð. Steingerður Snorradóttir sem er fædd árið 2005 byrjar annan leikinn sinn í röð.

Tindastóll gerir eina breytingu á sínu liði frá 3-1 tapi gegn Breiðablik á heimavelli í síðustu umferð Dominiqe Evangeline Bond-Flasza kemur inn í liðið, Bergljót Ásta Pétursdóttir sest á bekkinn.

Það var mikil dramatík í leik liðanna á Sauðárkróki fyrr í sumar. Murielle Tiernan kom Stólunum yfir en Sandra Nabweteme, sem nú er farin á lán í FH, kom inná sem varamaður á 69. mínútu jafnaði tveimur mínútum síðar og skoraði sigurmarkið með síðustu snertingu leiksins á 94. mínútu.

Tindastóll hefur náð tveimur góðum og mikilvægum sigrum í síðustu fimm leikjum, gegn Stjörnunni og Fylki. Töp gegn Þrótti, ÍBV og Breiðablik. Liðið er í 9. sæti með 11 stig og á leik til góða á Þór/KA og getur því komist í fína stöðu með sigri hér í dag.

Þór/KA er í 7. sæti með 15 stig eftir 14 umferðir. Liðið hefur verið í erfiðu programmi að undanförnu en liðinu hefur ekki tekist að vinna í 5 síðustu leikjum. Tap gegn Val og jafntefli gegn ÍBV, Selfossi, Breiðablik og Stjörnunni.

Góða kvöldið og velkomin. Hér verður bein textalýsing frá leik Þór/KA og Tindastóls í Pepsi Max deild kvenna. Algjör sex stiga leikur. Leikurinn fer fram á SaltPay Vellinum á Akureyri og hefst kl 18:00.