Aerial Chavarin er markahæsti leikmaður Keflavíkur á tímabilinu með 5 mörk. Það verður fróðlegt að sjá hana kljást við Liönu Hinds varnarmann ÍBV sem hefur verið frábær á tímabilinu.

Guðný Geirsdóttir er í marki ÍBV í dag en hún var kölluð til baka úr láni frá Selfossi fyrir síðasta leik. Hún heldur Auði Scheving út úr liðinu eftir góða frammistöðu gegn Val í síðustu umferð þar sem liðið tapaði 1-0.

Byrjunarliðin eru komin inn og Keflavík gerir 2 breytingar á liði sínu frá 1-2 tapi gegn Fylki í síðustu umferð. Þær Ísabel Jasmín og Amelía Rún koma inn í byrjunarliðið.

Eyjakonur gera einnig 2 breytingar á liði sínu en Liana Hinds og Thelma Sól koma inn fyrir Antoniette Williams og Bertu Sigursteinsdóttur sem eru báðar á bekknum í dag.

ÍBV vann fyrri leik liðanna á tímabilinu 1-2 en þar var alvöru dramatík á loka mínútunum þar sem að ÍBV skoraði á 90 mínútu og síðan var dæmt mark af Keflavík rétt eftir það.

ÍBV missti sinn markahæsta leikmann á dögunum þegar Delaney Baie Pridham gekk til liðs við Kristianstad.Hún hafði verið frábær á tímabilinu og verður fróðlegt að sjá hvernig ÍBV ætlar að bregðast við því að hafa misst hana.

Góðan dag og verið velkomin í beina textalýsingu frá Hásteinsvelli þar sem ÍBV og Keflavík eigast við í Pepsí max deild kvenna. Leikurinn er mikilvægur fyrir bæði lið en Keflavík situr á botni deildarinnar með 9 stig eftir 13 leiki. ÍBV eru hins vegar í 6.sæti með 16 stig en eru aðeins 4 stigum frá 3.sætinu.