Gríðarlegt gleðiefni að sjá Keflavíkur legendið Joey Drummer rölta í stúkuna með trommu. Það veit á gott ef hann er í stuði.

Byrjunarliðin eru mætt í hús.
Keflavík gerir þrjár breytingar á liðinu sem tapaði gegn Val á dögunum. Helgi Þór Jónsson, Sindri Þór Guðmundsson og Olvier Kelarart detta út og inn fyrir þá koma þeir Magnús Þór Magnússon, Ara Stein Magnússon og Marley Blair.

Þá gerir FH eina breytingu á byrjunarliði sínu frá 5-0 sigrinum á Leikni. Björn Daníel Sverrisson fær sér sæti á bekknum en í hans stað kemur Eggert Gunnþór Jónsson inn í liðið.

Spámaðurinn

Framarinn Valtýr Björn Valtýsson er spámaður umferðarinnar hér á Fótbolta.net. Það er vel við hæfi þar sem Fram tryggði sér í gær sæti í efstu deild.

Keflavík - FH
Erfiður leikur að spá í. Leikir þessara liða hafa verið mjög sveiflukenndir það sem af er og þægilegast væri að spá jafntefli. Ég er þó á því að Lennon tryggi sigur FH á 89.mínútu. 0-1 eða 1-2.

Framarinn Valtýr Björn Valtýsson er spámaður umferðarinnar hér á Fótbolta.net. Það er vel við hæfi þar sem Fram tryggði sér í gær sæti í efstu deild.

Keflavík 1 - 2 FH
Erfiður leikur að spá í. Leikir þessara liða hafa verið mjög sveiflukenndir það sem af er og þægilegast væri að spá jafntefli. Ég er þó á því að Lennon tryggi sigur FH á 89.mínútu. 0-1 eða 1-2.

Tríóið

Jóhann Ingi Jónsson flautar leikinn hér í Keflavík í dag. Honum til aðstoðar eru þeir Eðvarð Eðvarðsson og Ragnar Þór Bender. Helgi Mikael Jónasson er fjórði dómari og eftirlitsmaður KSÍ er Eyjólfur Ólafsson.

Fyrri viðureignir

30 leiki hafa liðin leikið innbyrðis í efstu deild frá aldamótum og hallar tölfræðin verulega í átt til gestaliðsins. Keflavík hefur haft sigur í 4 leikjum, 9 leikjum hefur lokið með jafntefli en FH haft sigur alls 17 sinnum. Markatalan er svo 57-32 FH í vil.

Síðasti deildarsigur Keflavíkur á FH kom í upphafi móts árið 2009 þegar Magnús Sverrir Þorsteinsson tryggði þeim 1-0 sigur með marki í uppbótartíma.

Keflavík

Leikurinn í dag er svolítið nú eða ekki fyrir lið Keflavíkur. Sigur í dag slítur þá aðeins frá pakkanum við botninn sem er heldur farin að þéttast. Tapi Keflavík hinsvegar er allt eins líklegt að liðið sogist enn frekar niður í harða botnbaráttu.

Keflavík tapaði fyrir Val á Origovellinum í síðustu umferð 2-1 en átti þrátt fyrir það heilt yfir góðan leik þó mistök þeirra hafi verið dýru verði keypt í það sinni.

FH

Er FH liðið vonbrigði sumarsins í Pepsi Max deildinni?
Liðinu var spáð 3.sæti deildarinnar en situr í því 6. fyrir þennan leik. Það hljómar kannski ekki hræðilega en liðið er 10 stigum frá Evrópusæti þegar 6 umferðum er ólokið. FH á vissulega leik til góða en möguleikar þeirra á sæti í Evrópu verða að teljast takmarkaðir.

Það er þó ekki allt slæmt hjá gestunum úr Hafnarfirði sem unnu 5-0 sigur á Leikni í síðustu umferð. Mikill efniviður er í Krikanum og haldi menn rétt á spilunum eru margir gríðarlega spennandi leikmenn að koma upp hjá félaginu.

Tvíhöfði

Leikurinn í dag sem er hluti af 18.umferð deildarinnar. markar "seinni" viðureign liðanna á þessu tímabili en vegna frestanna hafa liðin ekki en mæst í þeirri fyrri. Liðin munu mætast aftur nú á miðvikudaginn og þá í 7.umferð deildarinnar.

Góðan dag kæru lesendur og verið velkomin í beina textalýsingu Fótbolta.net frá leik Keflavíkur og FH í Pepsi Max deild karla.