Fyrir leik
Geggjuð stemning!

Stuðningsmenn KA láta vel í sér heyra, fleiri Blikar að mæta og vonandi fáum við glimrandi góðan leik!
Eyða Breyta

Fyrir leik
20 mínútur í leik. Nokkur gulklædd mætt í stúkuna og ég hef það eftir áreiðanlegum heimildum að söngvökvi hafi verið innbyrtur! Bíð spenntur eftir Blikum og hlakka til að heyra í þeim syngja sig hása.
Eyða Breyta

Fyrir leik
Umræðan dásamlega um Greifavöll

Sæbjörn Steinke spurði þjálfara liðanna eftir síðasta leik hvernig þeir sæju fyrir sér seinni leikinn og voru sammála um að ástand Greifavallar myndi hafa áhrif á hraða leiksins og flot boltans.

,,Það verður ekki sami hraði í þeim leik því völlurinn bara býður ekki uppá það,'' sagði Arnar Grétarsson, þjálfari KA.

Halldór Árnason, aðstoðarþjálfari Blika, tók í svipaðan streng: ,,Við reynum alltaf að spila fótbolta en auðvitað hefur það áhrif þegar boltinn rúllar ekki eins og á sléttu gervigrasi og skoppar kannski í kálfa eða hné þegar menn senda beinar innanfótarsendingar.''


Úr síðasta leik á Greifavelli. Þar höfðu KA betur gegn Stjörnunni.


Eyða Breyta

Fyrir leik
Tveir Blikar í leikbanni

Viktor Örn Margeirsson og Alexander Helgi Sigurðarson taka út leikbann gegn KA í dag. Báðir fengu spjald í fyrri leik liðanna á laugardaginn. Halldór Árnason, aðstoðarþjálfari Breiðabliks, var ósáttur við spjaldið sem að Viktor fékk.

,,Viktor fær gjörsamlega galið spjald þar sem að hann er að taka aukaspyrnu á nákvæmlega sama hraða og allar aukaspyrnur í leiknum. Dómarateymið ákveður að hann sé að tefja leikinn á þeim tímapunkti sem að við stýrðum leiknum ágætlega.''


Viktor tekur út leikbann í dag.


Eyða Breyta

Fyrir leik
Í fyrra á Greifavellinum

Í fyrra gerðu liðin ævintýralegt 2-2 jafntefli þar sem að Guðmundur Steinn Hafsteinsson virtist hafa tryggt KA sigurinn í uppbótartíma þegar hann skoraði úr vítaspyrnu. Blikar brunuðu upp í sókn og fengu sjálfir víti og Daninn magnaði, Thomas Mikkelsen, bjargaði stigi fyrir gestina.


Mikkelsen bjargaði stigi á dramatískan hátt fyrir Blika í fyrra.


Eyða Breyta

Fyrir leik
Dusan enn í banni

Líkt og í fyrri leiknum er Dusan Brkovic í banni. Miðvörðurinn sterki hefur verið virkilega flottur í hjarta varnarinnar hjá KA. Ívar Örn Árnason kom inn í liðið í hans stað í síðasta leik og líklegt að hann haldi sæti sínu.


Ekki með.

Eyða Breyta

Fyrir leik
Skemmst er þó frá því að segja að Þórsarar tóku hreint ekki vel í þessa bón og verða galvaskir Blikar bara að treysta á eigin söngva og styrk í dag. Efast ekki um að þau láti vel í sér heyra.

Follow up. Óhætt að segja að tilboðið glæsta er ekki að skora. Þakka góðum vini sem sendi mér. pic.twitter.com/OJXAtIlEZq

� Gunni Nella (@gunni_nella) August 24, 2021

Eyða Breyta

Fyrir leik
Stuðningsmenn Blika verða líklega ekki margir í stúkunni á Greifavellinum og þá er oft ráð að biðja um aðstoð. Í þessu tilfelli ákváðu tveir þeirra að athuga hvort að hjálpina væri að finna hinu megin við ána.

,,Ætlum að smala í amk eitt borð�. Djöf ertu til í að leggja vel í þetta. pic.twitter.com/WWhFqJxk6C

� Gunni Nella (@gunni_nella) August 24, 2021

Eyða Breyta

Fyrir leik
Dómari leiksins er Jóhann Ingi Jónsson. Honum til aðstoðar eru Jóhann Gunnar Guðmundsson og Sveinn Þórður Þórðarson.

Jóhann dæmdi leik FH og Keflavíkur í síðustu umferð, en þar gaf hann Nacho Heras beint rautt spjald. Davíð Þór Viðarsson, aðstoðarþjálfari FH, sagði að um klárt rautt spjald hefði verið að ræða en annar þjálfari Keflavíkur, Sigurður Ragnar Eyjólfsson, taldi pressu frá þjálfarateymi FH hafa haft sitt að segja og sagði að dómararnir hefðu rætt saman í margar mínútur áður en að þeir loksins komust að niðurstöðu.


Jóhann mundar flautuna í dag.


Eyða Breyta

Fyrir leik
Góðan daginn!

Hér fer fram textalýsing á stórleik KA og Breiðabliks í Pepsi Max-deild karla. Leiknum hefur verið frestað oftar en einu sinni og endaði skipulagið á þann veg að liðin spila tvisvar í röð gegn hvoru öðru.

Liðin mættust á laugardaginn síðasta á Kópavogsvelli og þar unnu Blikar verðskuldað en KA menn yfirgáfu völlinn með óbragð í munninum - þar sem að Vilhjálmur Alvar, dómari leiksins, sleppti nokkuð augljósri vítaspyrnu í stöðunni 1-0. Heilt yfir voru heimamenn þó betri og KA þurfa að spila margfalt betur í dag ef að þeir ætla að blanda sér í Evrópu- og titilbaráttu.


Gísli Eyjólfsson skoraði glæsimark á laugardaginn.


Eyða Breyta