Byrjunarliðin eru klár og má sjá hér til hliðar! Liðin eru að ljúka sinni upphitun og mætingin virðist ætla að vera góð á Fagverskvöllinn í Mosfellsbæ í kvöld enda stórleikur! Vonandi fáum við hörkuleik með nóg af mörkum!


Rebekka Sverrisdóttir fyrirliði KR.

þegar 15 umferðir er búnir í Lengjudeild kvenna trónir Guðrún Björgvins á toppnum yfir markahæstu leikmenn deildarinnar. Hún hefur skorað 21 mark í sumar og verið algjörlega á eldi. Ef Afturelding fer ekki upp í Pepsi Max deildina er ansi líklegt að hún geri það engu að síður.

Markahæst hjá liði KR er reynsluboltinn Guðmunda Brynja Óladóttir með 13 mörk.

Liðin mættust í fyrri umferð deildarinnar í júní og lauk leiknum með 1-1 jafntefli í vesturbænum. Afturelding er á rosa skriði og hafa unnið síðustu 5 leiki sína. KR stúlkur hafa aðeins hikstað. 1 tap, tvö jafntefli og tveir sigrar er uppskeran úr síðustu fimm leikjum þeirra.

Hér má sjá Alexander Aron þjálfara Aftureldingar í leik gegn KR árið 2020. Hann verður samt bara á hliðarlínunni á eftir.

Liðin eru fyrir leikinn í 2. og 3.sæti deildarinnar. Afturelding er með 34 stig en KR 33 stig. FH situr svo á toppnum með 35 stig.
Það eru aðeins þrír leikir eftir í deildinni og því algjör 6 stiga leikur hér í kvöld.

Afturelding vann Augnablik 0-3 í síðasta leik á meðan KR tók Víking R. í kennslustund, 6-0.

VELKOMIN Á BEINA TEXTALÝSINGU FRÁ LEIK AFTURELDINGAR OG KR Í LENGJUDEILD KVENNA! SANNKALLAÐUR ÚRSLITALEIKUR UM LAUST SÆTI Í PEPSI MAX DEILDINNI Á NÆSTA ÁRI!