Þá eru byrjunarliðin komin inn og Afturelding gerir tvær breytingar frá síðasta leik en það eru þeir Jökull Jörvar Þórhallsson og Birgir Baldvinsson sem koma inn fyrir Pedro Vasquez og Ými Halldórsson.

Þróttarar gera líka 2 breytingar en það eru þeir Alberto Gomariz og Samuel George Ford sem koma inn fyrir Guðmund Friðriksson og Gunnlaug Hlyn Brigisson

Dómari leiksins er Þorvaldur Árnason og honum til halds og trausts verða Daníel Ingi Þórisson og Bergur Daði Ágústsson.

Eftirlitsmaður verður Bergur Þór Steingrímsson.

Liðin mættust síðast í lengjudeildinni 26. júní síðast liðinn og þar tóku Mosfellingar 3-1 sigur á útivelli. Það voru þeir Kristófer Óskar Óskarsson, Kári Steinn Hlífarsson og Arnór Gauti Ragnarsson sem skoruðu mörk Aftureldingar. Kairo Edwards-John skoraði svo sárabótamark Þróttara.

Siðasti séns fyrir Þróttara að gera fallbaráttuna spennandi

Þróttarar eiga bara 4 leiki eftir af mótinu og sitja í 11. sæti með 11 stig og eins og áður var greint frá í dálkinum hér að neðan eru 5 stig í næsta lið. Því verða Þróttarar og ef þeir gera það þá draga þeir Mosfellinga með sér í fallbaráttuna. Í síðasta leik gerðu þeir mjög sterkt jafntefli 2-2 við topplið Fram þar sem þeir skoruðu alveg í byrjun leiks og svo á loka mínútum leiksins en það voru þeir Róbert Hauksson og Sam Hewson sem voru hetjurnar.

Afturelding þarf að tryggja sætið í Lengjunni

Nú þegar 5 leikir eru eftir af tímabilinu hjá Mosfellingum sitja þeir í 9. sæti með 19 stig 6 stigum frá Þrótti sem sitja í fallsæti. Því myndu þeir næstum tryggja sætið sitt í næst efstu deild með sigri hér í dag. Í síðasta leik töpuðu þeir illa 3-0 gegn Selfoss sem gerði stöðu Þróttara ansi erfiða þar sem það er nú 5 stig upp í Selfyssinga.

Góðan daginn og verið velkomin á beina textalýsingu af leik Aftureldingar gegn Þróttum hér á Fagverksvellinum.

Leikurinn hefst kl 14:00