Fyrir leik
10 mínútur í leik!

Byrjunarliðin eru klár og KA gerir fyrirsjáanlega breytingu á sínu liði. Miðvörðurinn sterki Dusan Brkovic kemur inn í liðið í stað Ívars Arnar Árnasonar.

Hjá ÍA eru tvær breytingar. Wout Droste og Sindri Snær Magnússon koma inn, en þeir Guðmundur Tyrfingsson og Hlynur Sævar Jónsson fá sér sæti á bekknum.
Eyða Breyta

Fyrir leik
Gengi liðanna í undanförnum leikjum.

Gengi KA manna undanfarið hefur verið brokkgengt. Tvö töp í röð gegn Blikum, fínt stig á útivelli gegn Víkingi R. og svo sigrar gegn Keflavík og Stjörnunni. Möguleikinn á titlinum rann þeim úr greipum með tapi í síðasta leik gegn Breiðabliki. Þó er Evrópusæti ennþá í boði og KA eiga heimaleiki í síðustu þremur af fjórum leikjum sínum.

ÍA rær nú lífróður til að halda sínu sæti í deildinni. Skagamenn eru fjórum stigum frá öruggu sæti og sitja á botninum. Jóhannes Karl Guðjónsson hefur trú á því að sínir menn geti sótt þrjú stig í dag.

,,Við getum bara náð í þrjú stig í einu og næsti leikur er úti á móti KA og verður virkilega erfitt að sækja þrjú stig þar, en við höfum trú á því að við getum gert það,'' sagði Jói Kalli.


Jói Kalli hefur enn trú á verkefninu.

Eyða Breyta

Fyrir leik
Fyrri leikur liðanna í sumar.

Liðin mættust á Akranesi fyrr í sumar og þá höfðu KA betur, unnu góðan 2-0 sigur. Mörk KA skoruðu Dusan Brkovic og Ásgeir Sigurgeirsson. Atvik leiksins var líklega þegar að Óttar Bjarni Guðmundsson, fyrirliði ÍA, tæklaði Hallgrím Mar Steingrímsson svo illa að sár sáust á viðkvæmum stöðum á Húsvíkingnum. Óttar fékk umsvifalaust rautt spjald.

Hrannar Björn, bróðir Hallgríms og leikmaður KA, brást ókvæða við og fékk sömuleiðis að líta rauða spjaldið fyrir viðbrögð sín við tæklingunni.


Fyrirliðinn skoraði í fyrri leik liðanna, á Skaganum.
Eyða Breyta

Fyrir leik
Dómari leiksins er Elías Ingi Árnason.

Síðasti leikur sem að hann dæmdi í efstu deild var viðureign HK og KR í Kórnum. Þar rak hann Arnþór Inga Kristinsson útaf eftir 12 mínútna leik og gaf síðar meir hinum geðþekka markmannsþjálfara KR, Kristjáni Finnbogasyni, reisupassann fyrir mótmæli.


Stjórnar ferðinni í dag.
Eyða Breyta

Fyrir leik
Góðan daginn!

Hér mun fara fram textalýsing á leik KA og ÍA í Pepsi Max-deild karla. Leikurinn er báðum liðum gríðarlega mikilvægur þar sem að mikil barátta stendur yfir bæði á botni deildarinnar og í efri hlutanum.

Heimamenn vilja komast aftur á beinu brautina eftir tvo tapleiki gegn Breiðabliki í röð. Skagamenn þurfa nauðsynlega að safna stigum í pokann þar sem að falldraugurinn andar ansi kröftuglega ofan í hálsmálið á þeim.


Búast má við baráttuleik. Hér tengist Almarr Ormarsson Greifavellinum nánar en flestir!

Eyða Breyta