Liðin hafa lokið sinni upphitun og halda til búningsklefa. Styttist í leik! Veðrið í Mosfellsbæ er gott! Skýjað, logn og 11 stigi hiti. Vel vökvað gervigras og Kaleo í græjunum - Allt upp á 10!

Byrjunarliðin eru klár og má sjá hér til hliðar. Hrafn Guðmundsson er í hóp hjá Aftureldingu. Strákur fæddur árið 2006 sem var á dögunum valinn í u15 ára landslið Ísland fyrir leiki gegn Finnlandi.

Þjálfaramál.

Sigurbjörn Hreiðarsson mun ekki halda áfram með lið Grindavíkur á næsta tímabili. Greint var frá þessu fyrir nokkru síðan. Sigurbjörn var ráðinn í október 2019 og stýrði liðinu í tvö ár. Stefnan var sæti í Pepsi Max deildinni en það markmið hefur ekki náðst og nú skilja leiðir. Spurning hvað tekur við hjá Sigurbirni eftir þetta.

Magnús Már þjálfari Aftureldingar hefur unnið gott starf síðan hann tók við liðinu árið 2019 af Arnari Hallsyni þar sem Magnús var aðstoðarþjálfari fyrir. Ungur og spennandi þjálfari sem vill spila skemmtilegan fótbolta. Magnús rennur út á samning í lok tímabils og engar fréttir hafa borist af stöðu mála.

Afturelding og Vestri gerðu 2-2 jafntefli í síðustu umferð á meðan Grindavík tapaði 2-0 fyrir Fram.

Leikur dagsins er þýðingalítill í stóra samhenginu en bæði lið vilja eflaust enda mótið vel og eins ofarlega og mögulegt er.

Leikurinn hefst kl 14 á Fagverksvellinum í Mosfellsbæ. Fyrir leik sitja liðin í 7. og 8.sæti deildarinnar með 23 stig. Afturelding á þó leik inni á Grindavík. Fyrri leikurinn liðana í sumar endaði með 3-3 jafntefli í Grindavík.

Velkomin á beina textalýsingu frá leik Aftureldingar og Grindavíkur í 21.umferð Lengjudeild karla.