Fyrir leik
Liðin gera sig klár í að ganga út á völl, tilbúnar í slaginn.

Ansi þunnskipað í stúkunni, enda ekkert sérstaklega gott veður sem við fáum hérna í dag.
Eyða Breyta

Fyrir leik
Dómararnir

Guðmundur Páll Friðbertsson dæmir þennan leik og honum til aðstoðar eru Sigurður Schram og Hafþór Bjartur Sveinsson.


Eyða Breyta

Fyrir leik
Bara Kristbjörg spáir sigri Blika

,,Þessi lið eru bæði komin í sína lokastöðu þetta árið. Breiðablik endar árið í 2. Sæti og Þróttur í því þriðja. Þróttarar eru það lið sem mér hefur fundist einna skemmtilegast að fylgjast með en þær hafa verið skipulagðar og agaðar í sínum leik og þær verða bara betri ár frá ári. Breiðablik er búið að vera svoldið upp og niður þetta tímabilið miðað við að vera Breiðablik en þær voru að komast áfram í meistaradeildinni með frábærum sigri sem gefur þeim bullandi sjálfstraust. Þetta verður skemmtilegur leikur að horfa á þar sem Andrea Rut skorar 1 fyrir Þrótt en Agla María og Birta Georgs skora sitthvort markið fyrir Blika og þær vinna 2-1," sagði Bára í spá fyrir umferðina sem birtist á Fótbolti.net.
Eyða Breyta

Fyrir leik
Byrjunarliðin eru klár!

Hægt að sjá þau hér til hliðanna.

Breiðablik gerir eina breytingu á sínu liði eftir Meistaradeildarsigurinn. Selma Sól er væntanlega í leikbanni eftir að hún fékk rautt spjald gegn Stjörnunni í síðasta deildarleik. Inn í hennar stað kemur Vigdís Edda.

Lið Þróttar R. er óbreytt frá sigrinum gegn ÍBV.
Eyða Breyta

Fyrir leik
Liðin mættust í Laugardalnum í fyrri umferð deildarinnar þann 6. júlí og þar fóru Blikar með 2-3 sigur.

Tiffany, Agla María og Vigdís Edda skoruðu mörk Breiðabliks en Linda Líf og Katie Cousins mörk Þróttar.
Eyða Breyta

Fyrir leik


Breiðablik mæta fullar sjálfstrausts í þennan leik eftir að hafa á fimmtudaginn brotið blað í sögunni þegar þær tryggðu sér sæti í riðlakeppni Meistaradeildarinnar!

Þær mættu Króatíumeisturum ZNK Osijek á Kópavogsvelli og unnu 3-0 sigur með mörkum frá Hildi Antons, Taylor Marie Ziemer og Öglu Maríu. Fyrri leikurinn fór 1-1.

Blikarnir sjálfsagt svekktar að hafa misst af Íslandsmeistaratitlinum í ár en það er ekki hægt að tala um þetta tímabil sem vonbrigði eftir þetta sögulega afrek í Meistaradeildinni. Riðlakeppnin er spiluð frá október til desember svo það er nóg framundan hjá liðinu. Þar að auki er bikarúrslitaleikur framundan!
Eyða Breyta

Fyrir leik


Gestirnir úr Laugardalnum tóku 3 stig úr síðustu umferð með 3-2 sigri á ÍBV. Álfhildur Rósa kom Þrótti í 1-0 á 18. mínutu og Andrea Rut bætti við öðru rétt fyrir hálfleik, á 45. mínútu. Selma Björt klóraði í bakkann fyrir ÍBV á 65. mínútu og 3 mínútum síðar jafnaði Clara leikinn. Andrea Rut bætti svo við sínu öðru marki og tryggði Þrótturum sigurinn með marki á 87. mínútu.

Þetta sumar búið að vera ansi gott í Laugardalnum, 3. sætið í deildinni nú þegar tryggt og farmiðinn í bikarúrslitinn klappaður og klár!
Eyða Breyta

Fyrir leik
Þessi leikur mun ekki hafa áhrif á stöðu liðanna í deildinni, en Blikar eru í 2. sæti með 33 stig og Þróttur R. er í 3. sætinu með 29 stig.

Það er því ekki mikið undir hér í kvöld annað en að enda deildina á góðum nótum.

Þess má þó geta að þetta eru einmitt liðin sem munu mætast í bikarúrslitunum þann 1. október!
Eyða Breyta

Fyrir leik


Góðan daginn!

Verið velkomin í beina textalýsingu frá Kópavogsvelli þar sem Breiðablik tekur á móti Þrótti R. í lokaumferð Pepsi-Max deildar kvenna.

Leikurinn hefst kl. 14:00!
Eyða Breyta