Fyrir leik
"Þér er ekki boðið" með XXX Rottweiler botnað í Lautinni þegar liðin ganga út á völlinn. Víkingar í varabúningnum í kvöld, eru hvítir, hvítar stuttbuxur og hvítir sokkar.
Eyða Breyta

Fyrir leik
Stuðningsmenn Víkings mættu á þessum til leiks í kvöld! Rússastemning hjá þeim!



Eyða Breyta

Fyrir leik
Það urðu mögnuð úrslit í bikarnum áðan þegar Lengjudeildarlið Vestra sló út Val og kom sér þannig í undanúrslitin. ÍA er einnig komið í undanúrslit eftir sigur gegn ÍR.
Eyða Breyta

Fyrir leik
Byrjunarliðin eru komin inn.

Kári Árnason og Nikolaj Hansen eru báðir á bekknum hjá Víkingum. Einnig fer Logi Tómasson á bekkinn frá 3-0 sigrinum gegn HK í deildinni. Inn koma Sölvi Geir Ottesen, Atli Barkarson og Viktor Örlygur Andrason.

Hjá Fylki koma Unnar Steinn Ingvarsson, Dagur Dag Þórhallsson og Jordan Brown inn í byrjunarliðið í staðinn fyrir Malthe Rasmussen, Guðmund Stein Hafsteinsson og Helga Val Daníelsson. Hvorki Guðmundur Steinn né Helgi Valur eru í leikmannahópi Fylkis. Ragnar Sigurðsson er enn fjarverandi.
Eyða Breyta

Fyrir leik
Þegar liðin mættust í deildinni í sumar:
2-2 enduðu leikar á Heimavelli hamingjunnar. Það var alvöru rússíbanaleikur þar sem Fylkir skoraði í fyrri hálfleik. Víkingar snéru dæminu sér í vil með mörkum á 81. og 86. mínútu en Nikulás Val Gunnarsson bjargaði stigi fyrir Fylki á 89. mínútu.

Þann 16. ágúst mættust liðin svo hér í Árbænum. Víkingar unnu öruggan 3-0 sigur. Kristall Máni Ingason skoraði tvö.


Eyða Breyta

Fyrir leik
Leið liðanna í 8-liða úrslit:

Úlfarnir sem eru í 4. deildinni voru auðveld bráð Fylkismanna í 32-liða úrslitum. 7-0 enduðu leikar hér í Árbænum. Þórður Gunnar Hafþórsson með þrennu og Djair með tvö mörk. Svo kom 2-1 sigur gegn Haukum í 16-liða úrslitum en Malthe Rasmussen skoraði sigurmarkið.

Víkingur vann Sindra 3-0 í 32-liða úrslitum. Auðvelt og þægilegt. Svo vannst 3-1 sigur gegn KR í 16-liða úrslitum. Víkingar áttu þar hörkugóðan leik
Eyða Breyta

Fyrir leik
Ég er með nesti og er undirbúinn yfirvinnu í kvöld. Það verður leikið til þrautar, framlengt og vítaspyrnukeppni ef á þarf að halda. En það verður ekki framlengt ef Gunnar Birgisson, Gunni giskar, spáir rétt.



Fylkir 0 - 2 Víkingur
Sem stendur er Vikes bara talsvert betra lið. Fylkir þarf meira á því að halda að halda sér í Pepsi en ef einhver óvænt úrslit verða í kvöld þá verða þau á Wurtharanum (tvítryggingin góða)
Eyða Breyta

Fyrir leik


Ríkjandi bikarmeistarar!
Ekki má gleyma því að Víkingur er ríkjandi bikarmeistari. Liðið vann keppnina 2019 en vegna Covid-19 var keppnin ekki kláruð í fyrra. Lærisveinar Arnas Gunnlaugssonar hafa verið á feikilega flottu skriði í Pepsi Max-deildinni, eru í öðru sæti og í harðri baráttu við Breiðablik um Íslandsmeistaratitilinn.

Eftir sigur gegn HK sagðist Arnar búast við því að gera nokkrar breytingar á liði sínu frá þeim leik, hvíla menn, dreifa álaginu og nýta breiddina í hópnum.
Eyða Breyta

Fyrir leik


Erfitt sumar Fylkismanna
Árbæjarliðið er í fallsæti í Pepsi Max-deildinni þegar tvær umferðir eru eftir af deildinni. Rúnar Páll Sigmundsson var ráðinn nýlega í það verkefni að bjarga liðinu frá falli eftir að Atli Sveinn Þórarinsson og Ólafur Stígsson voru látnir fara. Fylkismenn töpuðu 2-0 fyrir KA í fyrsta leiknum undir stjórn Rúnars Páls um síðustu helgi.

En bikarinn er allt önnur keppni og allt það...
Eyða Breyta

Fyrir leik


Reyndasti dómari landsins, Erlendur Eiríksson, verður með flautuna í kvöld. Varadómari er svo annar reynslubolti; Sigurður Óli Þórleifsson. Gylfi Már Sigurðsson og Oddur Helgi Guðmundsson eru aðstoðardómarar. Eftirlitsmaður KSÍ er Þórður Georg Lárusson.
Eyða Breyta

Fyrir leik
Góðan og gleðilegan, velkomin með okkur í Würth lautina þar sem Fylkir og Víkingur eigast við í 8-liða úrslitum Mjólkurbikarsins. Leikurinn verður flautaður á 19:15, undir ljósunum í Árbænum.
Eyða Breyta