Fyrir leik
Besta stefið er komið í gang og liðin ganga á eftir Helga Mikael til leiks. Þetta er að fara af stað!
Eyða Breyta

Fyrir leik
Stemmingin er að magnast hérna á Samsungvellinum en hálft bæjarfélag Akranesar er mætt hingað í Garðabæinn, allir gulir og glaðir!

Silfurskeiðin er sögð vera niðri á Dúllubar og er væntanleg upp í stúku.

Það verður ekki bara barist inn á vellinum hér í kvöld og því fagna ég - Svona á þetta að vera!
Eyða Breyta

Fyrir leik
Byrjunarliðin eru klár og má sjá þau hér til hliðana.

Þjálfarar beggja liða geta stillt upp sínum bestu liðum hér í kvöld.

Eyða Breyta

Fyrir leik
Hilmar ekkert með í sumar!

Hilmar Árni Halldórsson leikmaður Stjörnunnar meiddist alvarlega á hné í Lengjubikarnum í leik sem fór fram í Boganum á Akureyri í vetur og leikur hann ekkert með liðinu í sumar og verður fróðlegt að sjá hvað ungu strákarnir í leikmannahópi Stjörnunnar gera í hans fjarveru.



Hilmar Árna þarf ekki að kynna fyrir neinum.
Eyða Breyta

Fyrir leik
Dómaratríóið

Helgi Mikael Jónasson sér til þess að allt fari vel fram á vellinum í kvöld og verður hann með þá Bryngeir Valdimarsson og Ragnar Þór Bender á línunum. Jón Sigurjónsson verður eftirlitsmaður KSÍ í kvöld og varadómari í kvöld verður Gunnar Oddur Hafliðason.



Eyða Breyta

Fyrir leik
Pape spáir heimasigri!

Við fengum sóknarmanninn og skemmtikraftinn Pape Mamadou Faye til að spá í leiki fyrstu umferðar. Hann spáir Stjörnunni 2 - 1 sigri.

Ég býst við að þetta verði erfið ferð fyrir Skagamenn. Ég sé fyrir mér að Stjarnan verði betri en þeir voru í fyrra. Ég sá þessi lið spila í vetur og þar fannst mér Stjarnan vera sterkari frá A til Ö. Stjarnan vinnur aftur en minn maður Viktor Jóns skorar fyrir Skagamenn - sorry Viktor.



Eyða Breyta

Fyrir leik
Breytingar á leikmannahópi ÍA

Komnir
Aron Bjarki Jósepsson frá KR
Benedikt Warén frá Breiðabliki (á láni)
Christian Köhler frá Val
Johannes Vall frá Val
Kaj Leo í Bartalsstovu frá Val
Oliver Stefánsson frá Svíþjóð (á láni)

Farnir
Aron Kristófer Lárusson til KR
Dino Hodzic í Kára
Elias Tamburini til Þýskalands
Hákon Ingi Jónsson í Fjölni
Ísak Snær Þorvaldsson í Breiðablik (var á láni frá Norwich)
Óttar Bjarni Guðmundsson í Leikni
Sindri Snær Magnússon til Keflavíkur



Kaj Leo í Bartalsstovu er einn þeirra sem Skagamenn sóttu í vetur.

Eyða Breyta

Fyrir leik
Breytingar á leikmannahópi Stjörnunnar

Komnir
Jóhann Árni Gunnarsson frá Fjölni
Óskar Örn Hauksson frá KR
Sindri Þór Ingimarsson frá Augnabliki
Þorsteinn Aron Antonsson frá Englandi (á láni)
Ísak Andri Sigurgeirsson frá ÍBV (var á láni)

Farnir
Arnar Darri Pétursson
Casper Sloth
Eyjólfur Héðinsson í ÍR
Halldór Orri Björnsson hættur
Heiðar Ægisson í Val
Kári Pétursson í KFG
Magnus Anbo hættur
Oscar Borg í Hauka



Óskar Örn Hauksson er einn þeirra sem Stjörnumenn sóttu í vetur.
Eyða Breyta

Fyrir leik
Þessi lið mættust í Lengjubikarnum í Miðgarði í vetur og höfðu Stjörnumenn betur 3-0 þar sem Emil Atlason skoraði í tvígang en sóknarleikur Stjörnunnar er mikið spurningarmerki fyrir þetta tímabil og binda Garðbæingar miklar vonir á að Emil skili nokkrum mörkum í sumar.



Eyða Breyta

Fyrir leik
Spámenn Fótbolta.net spá Stjörnunni í sjötta sæti deildarinnar en Skagamönnum er spáð því tíunda.

Eyða Breyta

Fyrir leik
BESTA DEILD KARLA ÁRIÐ 2022 ER FARIN AF STAÐ!

Góðan og gleðilegan daginn kæru lesendur og verið hjartanlega velkomin í beina textalýsingu frá Samsungvellinum í Garðabæ. Hér í kvöld fá Stjörnumenn Skagamenn í heimsókn í fyrstu umferð Bestu deildarinnar.



Eyða Breyta