Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Lengjubikar kvenna - A-deild úrslit
Valur
13:00 0
0
Breiðablik
KR
0
1
Breiðablik
0-1 Jason Daði Svanþórsson '48
25.04.2022  -  18:00
Meistaravellir
Besta-deild karla
Aðstæður: Hægur vindur, skýjað og svalt, Völlurinn hjá Magga Bö á öðru leveli
Dómari: Jóhann Ingi Jónsson
Áhorfendur: 2000
Maður leiksins: Damir Muminovic
Byrjunarlið:
1. Beitir Ólafsson (m)
Pálmi Rafn Pálmason
4. Hallur Hansson
6. Grétar Snær Gunnarsson
7. Finnur Tómas Pálmason
11. Kennie Chopart (f)
16. Theodór Elmar Bjarnason
17. Stefan Ljubicic
19. Kristinn Jónsson
23. Atli Sigurjónsson
33. Sigurður Bjartur Hallsson ('84)

Varamenn:
13. Aron Snær Friðriksson (m)
5. Arnór Sveinn Aðalsteinsson
14. Ægir Jarl Jónasson ('84)
15. Pontus Lindgren
18. Aron Kristófer Lárusson
25. Jón Arnar Sigurðsson
26. Freyr Þrastarson

Liðsstjórn:
Viktor Bjarki Arnarsson (Þ)
Rúnar Kristinsson (Þ)
Valgeir Viðarsson
Kristján Finnbogi Finnbogason
Friðgeir Bergsteinsson
Sigurður Jón Ásbergsson
Sigurvin Ólafsson

Gul spjöld:
Grétar Snær Gunnarsson ('68)

Rauð spjöld:
Leik lokið!
Blikar hirða öll stigin og sinn fyrsta deildarsigur á KR síðan 2018 og jafnframt fyrsta sigur Óskars á KR.

VIðtöl og skýrsla væntanleg í kvöld.
96. mín
Langt innkast, boltanum flikkað fyrir markið en Anton grípur boltann.

Síðasti sénsinn?
95. mín Gult spjald: Viktor Örn Margeirsson (Breiðablik)
Stöðvar skyndisókn, liggur svo og tekur tíma af klukkunni.
92. mín
KR rembist eins og rjúpa við staur en gengur ekkert gegn þéttum Blikum.
90. mín
Uppbótartími er að minnst kosti 6 mínútur.
89. mín
Inn:Andri Rafn Yeoman (Breiðablik) Út:Ísak Snær Þorvaldsson (Breiðablik)
89. mín
Heimamenn fá hornspyrnu.

Anton kýlir boltann út í teiginn þar sem Kennie mætir en setur boltann hátt hátt yfir.
87. mín
Tíminn að renna út fyrir KR.

Hafa lítið látið reyna á Anton í seinni hálfleik.
84. mín
Inn:Ægir Jarl Jónasson (KR) Út:Sigurður Bjartur Hallsson (KR)
84. mín Gult spjald: Gísli Eyjólfsson (Breiðablik)
Rfur Kristinn Jóns niður í skyndisókn.
81. mín
KR gengið illa að skapa sér afgerandi færi hér í síðari hálfleik. Naga sig í handarbökin að hafa ekki nýtt eitthvað af þeim færum sem þeir fengu í þeim fyrri.
79. mín
Atli með boltann fyrir úr aukaspyrnu en heimamenn ná ekki að gera sér mat úr fínni spyrnu hans.
78. mín
Inn:Dagur Dan Þórhallsson (Breiðablik) Út:Jason Daði Svanþórsson (Breiðablik)
Fyrsta skipting leiksins.
75. mín
KR reynir að sækja en Blikar vel þéttir til baka og gefa fá færi á sér.

Eru svo stórhættulegir þegar þeir breika.
68. mín Gult spjald: Grétar Snær Gunnarsson (KR)
Grétar með rosalega tæklingu á Jason, Ekki með neina stjórn enda brotið á honum af Viktor Karli.

En Grétar fær aukaspyrnu á Viktor en sjálfur spjald fyrir tæklingu á Jason

Ef ekki hefði verið brotið á Grétari gat liturinn allt eins verið annar því fóturinn var ansi hátt hjá honum.
67. mín
KR fær horn.

Hornin lítið verið að gefa í dag.
64. mín Gult spjald: Ísak Snær Þorvaldsson (Breiðablik)
Ísak steinliggur!

Sleppur í gegn en Beitir mætir honum vel og nær boltanum talsvert á undan Ísak sem keyrir inn í Beiti..

Blikinn skellur í grasinu og hefur fundið fyrir þessu en fær engu að síður gult spjald fyrir að vera of seinn.
60. mín
Breiðablik fær aukaspyrnu í fyrirgjafarstöðu úti til hægri.

Oliver yfir boltanum.

Beint inn í pakkann og KR hreinsar.
58. mín
Fastur bolti á nærstöng, Gísli fyrstur á boltann en hittir ekki rammann.
57. mín
Blikar fá hornspyrnu
55. mín
Leikurinn stopp, Viktor Margeirs og Theodór skalla saman og liggja báðir eftir. Báðir tiltölulega fljótir á fætur og virðast í lagi.
53. mín
Finnur Tómas með lélega sendingu út úr varnarlínu KR. Blikar breika 3 á 2 en sendinginn inn í teiginn fyrir Viktor Karl aðeins of föst og hann missir af boltanum.

Blikar halda pressu en sóknin endar með skot frá Höskuldi beint á Beiti í markinu.
48. mín MARK!
Jason Daði Svanþórsson (Breiðablik)
Stoðsending: Ísak Snær Þorvaldsson
KR vildi brott stuttu á undan, Blikum er sama og bruna upp. Ísak fær boltann úti vinstra meginn og leggur hann inn á teiginn þar sem Jason Daði stingur sér fram fyrir Grétar og setur boltann í netið af stuttu færi.

Jóhann hefði vel getað dæmt brot í aðdraganda marksins en hefur verið að sleppa sambærilegum brotum fyrr í leiknum svo hann er að halda sinni línu.
46. mín

46. mín
Seinni hálfleikur rúllar af stað

Liðin gera engar breytingar svo ég sjái,

Gestirnir byrja með boltan.
45. mín
Hálfleikur
Nokkuð fjörugum fyrri hálfleik lokið.

Eina sem vantar í raun eru mörk en þar hafa KRingar verið nær hingað til. Seinni að vörmu spori.
43. mín
Pálmi í boltanum eftir hornið og nær honum á markið en Blikar koma boltnum frá.

Viðbrögð Antons upp á 10 þarna og markvarslan frábær!
43. mín
Kennie með frábæra fyrirgjöf, Stefan tekur boltann niður en nær ekki að koma sér í skotið. Leggur boltann á Kristinn sem setur boltann af varnarmanni og afturfyrir.
40. mín
Gestirnir fá hornspyrnu.

Þéttur pakki á markteig og fastur bolti innarlega frá Höskuldi, Boltinn af grænum kolli en ekki á markið.
39. mín
Botninn aðeins að detta úr leiknum þessar mínútur og lítið að gerast.

Þeim mun meira um baráttu út á velli og allt það en við viljum mörk.
35. mín
Ísak Snær með skotið eftir sendingu frá Davíð en setur boltann vel yfir markið.
32. mín
Hvað er að gerast hérna!!!

KRingar í dauðafæri!

Fyrst Sigurður Bjartur sem tekur fáránlega vel á móti boltanum og keyrir inn á teiginn. Nær skotinu sem Anton ver beint fyrir fætur Stefáns sem skýtur í varnarmann af 40 cm færi, þaðan boltinn til Atla sem nær ekki að skófla boltanum yfir línunna framhjá Antoni og varnarmönnum.

Ótrúlegt að KR hafi ekki náð að skora þarna.
28. mín
Sveitastrækerinn minnir á sig.

Sigurður Bjartur fær boltann úti til vinstri í teignum. Leikur ögn inn að marki, lætur vaða en Anton ver í horn.
26. mín
KR fær horn að gjöf frá Jasoni Daða.

Atli reynir tvívegis að koma boltanum fyrir en Blikar þéttir og gefa annað horn.
25. mín
Kristinn Steindórsson

Fær boltann við markteigslínu eftir sendingu frá Höskuldi en skóflar boltanum yfir markið.

Það er alvöru líf í þessu.
23. mín
Ísak Snær með alvöru sprett og lipran samleik við Kristinn Steindórs. Ísak kemst inn á teiginn en Beitir gerir vel í að loka á hann úr þröngu færi og heimamenn bægja hættunni frá.
21. mín Gult spjald: Oliver Sigurjónsson (Breiðablik)
Uppsafnað. Slapp við spjald áðan en Jóhann ekki með þolinmæði fyrir fleiri brotum
20. mín
Finnur Tómas eftir hornið

Í úrvalsfæri í teignum en hittir ekki markið.

Svona færi verða að nýtast en KR færist nær og Blikar aðeins á hælunum varnarlega.
20. mín
Stefan Alexander Ljubicic með hörkuskot frá vinstra vítateigshorni sem Anton þarf að hafa fyrir að verja.
18. mín
Hallur og Davíð Ingvars eitthvað að kljást á vellinum eftir að brot var flautað.

Jóhann biður menn að hafa sig hæga.
16. mín Gult spjald: Viktor Karl Einarsson (Breiðablik)
Stöðvar Atla í skyndisókn og uppsker réttmætt gult spjald.

Tók þetta á sig.
15. mín
Eftir seinna hornið fær Kennie boltann úti til hægri, setur boltann yfir á fjærstöng þar sem Grétar mætir á boltann en nær ekki almennilegu skoti og gestirnir hreinsa.
14. mín
Og annað, Atli með lúmskan bolta fyrir sem Viktor skallar afturfyrir.

Hefði getað látið hann fara en tók enga sénsa.
14. mín
Heimamenn fá horn.
12. mín
Kristin Jónsson aðeins of eigingjarn þarna. KR kemst í skyndisókn 3 á 2. Kristinn með menn í teignum en ákveður að fara sjálfur, þrengir skotið um of og Anton mætir honum og ver.

KR að taka aðeins yfir þessa stundina.
9. mín
Theodór Elmar liggur eftir eftir viðskipti við Oliver, Jóhann beitti hagnaði en geymir spjaldið að sinni.
8. mín
Atli Sigurjóns í dauðafæri!

Gerir vel að vinna skallaboltann við Davíð, boltinn í loftinu á Stefán sem í baráttu við tvo varnarmenn fær boltann í sig sem dettur beint fyrir fætur Atla sem er furðulega einn hægra megin í teignum en skot hans með hægri framhjá markinu.
7. mín
Beitir leiðist þetta hornaflóð og mætir út og grípur boltann. KR byggir upp.
6. mín
Enn fá Blikar horn. Tekið stutt í þetta sinn, Oliver með boltann fyrir markið en enn koma KRingar boltanum í horn.

Blikar betri í byrjun.
5. mín
Atli Sigurjóns með vonda sendingu til baka sem Davíð eltir, Finnur Tómas fyrstur á boltann og setur hann út af.
4. mín
Blikar að fá sitt þriðja horn í röð hér, engin hætta þó skapast. Heimamenn hreinsa.
2. mín
Blikar fá aukaspyrnu í góðri fyrirgjafarstöðu.

Davið Ingvars með boltann fyrir en boltinn af varnarmanni og afturfyrir.

Hornspyrna.
1. mín
Leikur hafinn
Þetta er farið af stað. Heimamenn hefja leik
Fyrir leik
Heyr mína bæn ómar um Meistaravelli og liðin ganga til vallar.

Vonumst að sjálfsögðu eftir frábærum leik tveggja góðra liða.
Fyrir leik
Vallarstjórinn

Sérstakt hrós á vallarstjóra KR Magga Bö fyrir vallaraðstæður. Magnað að sjá hvað völlurinn hefur tekið vel við sér í vor og lítur afar vel út svona úr stúkunni séð.


Fyrir leik

Elvar Geir Magnússon
Fyrir leik
Byrjunarliðin eru komin inn:
Einungis ein breyting er á byrjunarliðum þessara liða. Sigurður Bjartur Hallsson kemur inn í lið KR frá leiknum gegn Fram. Sigurður kemur inn fyrir Stefán Árna Geirsson sem er ekki í hóp í dag.

Kjartan Henry Finnbogason er í leikbanni eins og í fyrstu umferð og er því ekki í leikmannahópi KR í dag. Pontus Lindgren, sem kom frá Svíþjóð á dögunum, er kominn með leikheimild hjá KR og er á varamannabekknum.

Breiðablik er með óbreytt lið frá sigrinum gegn Keflavík. Ásgeir Galdur Guðmundsson, sem fæddur er árið 2006, er á bekknum hjá Breiðabliki. Adam Örn Arnarson er ekki í leikmannahópi Breiðabliks.
Sæbjörn Þór Þórbergsson Steinke
Fyrir leik

Elvar Geir Magnússon
Elvar Geir Magnússon
Fyrir leik
Dómarar

Jóhann Ingi Jónsson er aðaldómari í þessum leik. Honum til aðstoðar eru Bryngeir Valdimarsson og Kristján Már Ólafs.
Einar Ingi Jóhannsson er varadómari og eftirlitsmaður KSÍ er Þórður Georg Lárusson.


Fyrir leik
Aðeins meiri tölfræði

Síðan árið 2017 hafa liðin leikið alls 10 leiki hvort gegn öðru í efstu deild. Þegar rýnt er í úrslit má glöggt sjá að KR liðið hefur verið mikil hindrun fyrir Blika. Sex sinnum hefur KR farið með sigur af hólmi, þremur leikjum hefur lokið með jafntefli og aðeins einu sinni á síðustu fimm árum hafa Blikar tekið öll stigin þrjú gegn KR.

Markatalan er einnig ríflega KR í hag af nokkuð augljósum ástæðum eða 17-7


Tölfræði úr fyrstu umferð



Fyrir leik
KR

KR vann 4-1 sigur gegn Fram í fyrstu umferð. Auðvelt er að segja að lærisveinar Rúnars Kristinsonar hafi verið klíniskir fyrir framan markið í þeim leik en þeir nýttu þrjú fyrstu færin sín í fyrri hálfleik og voru komnir í 3-0 eftir um 25 mínútna leik.

Jöfn og góð frammistaða hjá KR liðinu sem ætlar sér að vera með í baráttunni um þann stóra í sumar líkt og áður.


Fyrir leik
Breiðablik

Grænklæddir Kópavogspiltar hófu mótið á þægilegum 4-1 sigri á Keflavík í fyrstu umferð mótsins. Sigur þeirra hefði hæglega geta verið stærri en á löngum köflum leit Blikaliðið frábærlega út í leiknum.

Einn leikmaður í liði Blika Ísak Snær Þorvaldsson stóð þó sérstaklega upp úr í þeim leik og var valin besti leikmaður 1.umferðar.

,,Ísak veit að þegar hann er í sínu toppstandi þá á hann ekki að vera að spila á Íslandi og hann veit það alveg. Hann er að vinna í því og ætlar að koma sér aftur út.''
Sagði Sæbjörn Steinke í Innkastinu um Ísak en nánar má lesa um Innkastið hafði að segja um Ísak hér


Fyrir leik
Risaslagur framundan

Heil og sæl kæru lesendur og verið velkomin í beinatextalýsingu Fótbolta.net frá risaslag KR og Breiðabliks í 2.umferð Bestu deildar karla.


Byrjunarlið:
1. Anton Ari Einarsson (m)
3. Oliver Sigurjónsson
4. Damir Muminovic
7. Höskuldur Gunnlaugsson (f)
8. Viktor Karl Einarsson
10. Kristinn Steindórsson
11. Gísli Eyjólfsson
14. Jason Daði Svanþórsson ('78)
21. Viktor Örn Margeirsson
22. Ísak Snær Þorvaldsson ('89)
25. Davíð Ingvarsson

Varamenn:
12. Brynjar Atli Bragason (m)
13. Anton Logi Lúðvíksson
16. Dagur Dan Þórhallsson ('78)
19. Sölvi Snær Guðbjargarson
24. Ásgeir Galdur Guðmundsson
30. Andri Rafn Yeoman ('89)
67. Omar Sowe

Liðsstjórn:
Óskar Hrafn Þorvaldsson (Þ)
Halldór Árnason (Þ)
Ólafur Pétursson
Marinó Önundarson
Aron Már Björnsson
Særún Jónsdóttir
Alex Tristan Gunnþórsson

Gul spjöld:
Viktor Karl Einarsson ('16)
Oliver Sigurjónsson ('21)
Ísak Snær Þorvaldsson ('64)
Gísli Eyjólfsson ('84)
Viktor Örn Margeirsson ('95)

Rauð spjöld: