Fyrir leik
Liðin ganga inn á völlinn. ÍA er í gulum treyjum og svörtum stuttbuxum og Breiðablik er í grænum treyjum og hvítumn stuttbuxum.

Stemningin er áfram að byggjast upp, virkilega skemmtilegt að sjá bæði lið vera með jafn öflugan stuðning á bakvið sig.
Eyða Breyta

Fyrir leik
Ég ætla ekki að ljúga því að það sé hlýtt á Akranesi. Það er líka smá hliðarvindur á vellinum og alskýjað.
Eyða Breyta

Fyrir leik
Blikar eru líka mættir í stúkunni op þetta eiginlega getur ekki klikkað.
Eyða Breyta

Fyrir leik
Stuðningsmenn Skagamanna geggjaðir!

Mættir löngu fyrir leik, rúmlega klukkutíma fyrir svo það sé tekið fram. Einhver rúmlega fimmtíu manna kjarni sem syngur og trallar. Nokkrir eru í nýjum gulum og svörtum jökkum. Mjög nettir.
Eyða Breyta

Fyrir leik
Byrjunarliðin eru klár:

Engin breyting er á liði gestanna frá 3-0 sigrinum gegn FH í síðustu umferð. Mikkel Qvist er í fyrsta sinn í leikmannahópi liðsins í sumar.

Tvær breytingar eru á liðinu eftir 1-1 jafnteflið gegn Fram í síðustu umferð. Oliver Stefánsson og Steinar Þorsteinsson koma inn. Oliver var veikur þegar síðasti leikur fór fram. Brynjar Snær Pálsson tekur sér sæti á bekknum og Benedikt Warén er utan hóps þar sem hann er á láni frá Breiðabliki.
Eyða Breyta

Fyrir leik
Viðar spáir tveimur vítaspyrnum og einu rauðu spjaldi
Viðar Örn Kjartansson er spámaður umferðarinnar á Fótbolta.net. Hann spáir 1-2 útisigri í dag.

,,Hörkuleikur þar sem við fáum að sjá 2 víti og 1 rautt."
Eyða Breyta

Fyrir leik
Dómarateymið:
Einir Ingi Jóhannsson heldur um flautuna á Norðurálsvellinum í dag. Honum til aðstoðar eru þeir Gylfi Már Sigurðsson og Antoníus Bjarki Halldórsson. Vilhjálmur Alvar Þórarinsson er skiltadómari og Hjalti Þór Halldórsson er eftirlitsmaður KSÍ.
Einar Ingi
Eyða Breyta

Fyrir leik
Ísak snýr aftur á Skagann
Miðjumaðurinn hefur skorað fjögur mörk í fyrstu þremur leikjunum með Breiðabliki. Í dag fer hann aftur á sinn gamla heimavöll er Blikar heimsækja ÍA.

Ísak er uppalinn hjá Aftureldingu en lék með Skagamönnum 2020 og 2021 á láni frá enska félaginu Norwich. Í dag kynnist hann því í fyrsta sinn að spila gegn ÍA í efstu deild.

,,Það verður eitthvað. Ég býst við að ég fái eitthvað að heyra það," sagði Ísak eftir síðasta leik Blika, sem var sigurleikur gegn FH á Kópavogsvelli. Í þeim leik skoraði hann tvö mörk.

,,Ég mun alltaf styðja Skagann í öllum öðrum leikjum nema þegar ég spila á móti þeim. Við munum gefa allt til að taka þrjú stig."

Í fyrra skoraði Ísak þrjú mörk í 20 leikjum með ÍA. Hann gerði svo samning við Breiðablik í janúar á þessu ári. Gaman verður að sjá hvernig honum mun vegna í endurkomunni í dag.
Eyða Breyta

Fyrir leik
Blikar með fullt hús

Gestirnir koma inn í leikinn með fullt hús stiga - 9 stig úr þremur leikjum. ÍA er með fimm stig úr sínum þremur leikjum.

Breiðablik vann 3-0 sigur gegn FH í síðasta leik og ÍA gerði 1-1 jafntefli gegn Fram.

Þessi leikur, sem er liður í fjórðu umferð, hefst klukkan 14:00 á Norðurálsvellinum.
Eyða Breyta

Fyrir leik


ÍA leikur sinn 1000. leik í efstu deild
Í dag leikur ÍA sinn 1000. leik í efstu deild Íslandsmótsins í fótbolta þegar félagið mætir Breiðabliki kl. 14 á Norðurálsvelli. Allt frá 1946 þegar ÍA tók fyrst þátt í Íslandsmótinu hefur félagið leikið 999 leiki á efsta stigi og orðið meistari 18 sinnum, fyrst 1951 og síðast 2001. Í þessum 999 leikjum hefur ÍA farið með sigur af hólmi í 470 leikjum, 208 lyktaði með jafntefli og ÍA beið lægri hlut í 321 leik. ÍA hefur í þessum leikjum skorað 1.804 mörk en fengið á sig 1.380. Vinningshlutfallið er 57% ÍA í vil.

Í dag verður því merkur áfangi í sögu fótboltans á Akranesi þegar ÍA tekur á móti Breiðabliki sem er í efsta sæti Bestu deildarinnar með fullt hús stiga. Boðið verður upp á glaðning fyrir börnin í tilefni dagsins.

Heimild: kfia.is
Eyða Breyta