Selfoss fær aukaspyrnu upp í vinstra horninu, sækja tíma og eru að sigla þessum stigum suður yfir heiðar.

Komið fram í uppbótartíma og heimakonum liggur lífið á.

Tíminn að fljúga frá heimakonum, gestirnir skynsamar í sínum aðgerðum og tekst að halda boltanum hátt á vellinum og hleypa Þór/KA lítið í átt að marki sínu.

Tíu mínútur eftir og Þór/KA þarf að sækja. Leikurinn getur varla annað en opnast við það. Heimakonur þrýsta liðinu ofar og þeim liggur á.

Sandra María með skalla að marki Selfoss eftir hornspyrnu frá hægri en boltinn rétt yfir markið.

Selfoss er að fá vítaspyrnu!

Brotið á Brennu.

Soft brot þegar Arna tekur hana niður en vel réttlætanlegt.

Við erum enn við sama heygarðshornið, liðin rosalega þétt og gefa engin færi á sér.

Selfoss líklegra að setja mark í leikinn á miðað við þetta fyrsta korter í síðari hálfleik, Brenna með skalla úr teignum en nær engum krafti í skallann og Harpa hirðir upp boltann.

Selfyssingar komið mun ákveðnari til leiks hér í síðari hálfleik. Sett talsverða pressu á heimakonur en ekki tekið að skapa sér afgerandi færi til þessa.

Kristrún hefur náð að jafna sig á höfuðhögginu í hálfleik og heldur leik áfram.

Seinni hálfleikur er hafinn

Það eru gestirnir sem hefja síðari hálfleikinn.

Gríðarlegur atgangur í teig Þórs/KA, Brenna að vinna sig í færi en Harpa mætir henni vel og lokar á hana, boltinn berst á Kristrúnu sem á skot sem Harpa ver, frákastið fyrir fætur Bergdísar sem lætur vaða en aftur Harpa vel á verði.

Kristún liggur eftir í teignum eftir að hafa fengið boltann í höfuðið og ég gat ekki betur séð en að Brenna væri að kalla eftir skiptingu fyrir Kristrúnu.

Þór/KA í færi Sandra María stingur Írisi af úti til hægri og leggur boltann inn á teiginn þar sem Vigdís Edda nær skoti að marki af stuttu færi en boltinn í varnarmann og afturfyrir.

Fyrsta alvöru færi leiksins, Brenna fær boltann úti til vinstri, fær smá tíma á boltann áður en hún setur boltann inn á teiginn þar sem Miranda kassar boltann niður og lætur vaða úr miðjum teignum en boltinn framhjá markinu.

Andrea Mist með skot af rosalega löngu færi, Boltinn rétt yfir markið en Tiffany var með þetta allt á hreinu. Skemmtileg tilraun samt og alls ekki svo galin.

Leikurinn verið afar lokaður hér þessar 25 mínútur, bæði lið þétt til baka og gefa fá færi á sér.

Katla María Þórðardóttir situr á vellinum og þarf aðhlynningu. Það var ekki að sjá að nokkuð hafi gerst en Katla virðist ekki alveg heil fyrir því.

Katla kemur þó aftur inná og virkar í fínu lagi.

Pressa Þórs/KA er að valda vandræðum í öftustu línu Selfyssinga, hafa ekki sótt færi upp úr því ennþá en varnarlínunni og Tiffany í marki Selfoss hefur tekist að leysa úr því til þessa.

Fimm mínútur liðnar af leiknum sem fer hægt af stað. Liðin að reyna fóta sig á vellinum sem virkar nokkuð ósléttur. Völlurinn er þó grænn og mun bara fara batnandi á næstu vikum.