Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Ísland
2
2
Ísrael
Jón Dagur Þorsteinsson '9 1-0
Daníel Leó Grétarsson '35 , sjálfsmark 1-1
Þórir Jóhann Helgason '60 2-1
2-2 Dor Peretz '65
13.06.2022  -  18:45
Laugardalsvöllur
Landslið karla - Þjóðadeildin
Aðstæður: Blástur úr suðri en hangir þurr, hiti um 12 gráður og völlurinn fjarskafagur, stúkan helst til tómleg
Dómari: Duje Strukan (Króatía)
Byrjunarlið:
1. Rúnar Alex Rúnarsson (m)
2. Alfons Sampsted
3. Davíð Kristján Ólafsson
8. Birkir Bjarnason ('78)
8. Arnór Sigurðsson ('60)
9. Jón Dagur Þorsteinsson ('78)
17. Hákon Arnar Haraldsson
18. Daníel Leó Grétarsson
20. Þórir Jóhann Helgason ('90)
22. Andri Lucas Guðjohnsen ('60)
23. Hörður Björgvin Magnússon

Varamenn:
2. Valgeir Lunddal Friðriksson
4. Ari Leifsson
6. Brynjar Ingi Bjarnason
9. Sveinn Aron Guðjohnsen ('60)
10. Albert Guðmundsson ('90)
15. Aron Elís Þrándarson ('78)
16. Stefán Teitur Þórðarson ('78)
18. Atli Barkarson
19. Ísak Bergmann Jóhannesson ('60)
21. Mikael Egill Ellertsson

Liðsstjórn:
Arnar Þór Viðarsson (Þ)

Gul spjöld:
Hákon Arnar Haraldsson ('68)

Rauð spjöld:
Leik lokið!
Svekkjandi jafntefli niðurstaðan í þriðja sinn í þessu riðli. Upp og niður frammistaða hjá okkar mönnum í kvöld sem áttu góða kafla en það dugði því miður ekki til.

Umfjöllun kemur á Fótbolta.net fram eftir kvöldi.

Takk fyrir mig í kvöld.
94. mín
Þetta er að fjara út, okkur liggur á en Ísrael með boltann og ekkert að flýta sér.
94. mín Gult spjald: Sun Menachem (Ísrael)
Fyrir að tefja.
93. mín
Gestirnir ekkert að fýta sér, í góðri stöðu í riðlinum og væntanlega sáttir með jafnteflið.
92. mín
Inn:Dan Glazer (Ísrael) Út:Iyad Abu Abaid (Ísrael)
92. mín

Elvar Geir Magnússon
91. mín
Leikurinn er stopp þar sem leikmaður Ísrael liggur í eigin vítateig og þarf aðhlynningu.

Börur kallaðar til leiks
90. mín
Uppbótartíminn er að lágmarki fjórar mínútur.
Anton Freyr Jónsson
90. mín
Inn:Albert Guðmundsson (Ísland) Út:Þórir Jóhann Helgason (Ísland)
89. mín
Hættulegur bolti inn á teig Íslands fer rétt framhjá, flaggið á loft svo.
88. mín
Króatinn á flautunni er að missa þetta í einhvern flautukonsert. Gestirnir henda sér í grasið og uppskera aukaspyrnu trekk í trekk fyrir afar lítið.
87. mín
Ísak að vinna sig í færi en gestirnir bægja hættunni frá marki sínu.

Það vantar að vera þessu eina skrefi á undan.
85. mín
Gott spil Íslands og Sveinn Aron í skotfæri en hann hittir boltann afar illa og setur boltann vel framhjá markinu.
83. mín
Hröð sókn Íslands upp vinstri vængin, boltinn á Svein í teignum en skot hans beint í fang Ofir. Að láta hann vinna fyrir því að verja þessi skot er líklegra til árangurs.
82. mín
Sun Menachem í dauðafæri í teig íslands en setur boltann framhjá markinu.
80. mín
Tíu mínútur eftir. Við viljum öll stigin þrjú hérna og smá hjarta í lokin.

Elvar Geir Magnússon
78. mín
Inn:Stefán Teitur Þórðarson (Ísland) Út:Jón Dagur Þorsteinsson (Ísland)
Anton Freyr Jónsson
78. mín
Inn:Aron Elís Þrándarson (Ísland) Út:Birkir Bjarnason (Ísland)
Anton Freyr Jónsson
78. mín
Inn:Omer Atzili (Ísrael) Út:Liel Adaba (Ísrael)
78. mín
Inn:Iyad Abu Abaid (Ísrael) Út:Miguel Vítor (Ísrael)

Elvar Geir Magnússon
76. mín
Darrðadans í teig okkar en við hreinsum.... með herkjum en það dugar í þetta sinn.
73. mín
Inn:Shon Weissman (Ísrael) Út:Munas Dabbur (Ísrael)
71. mín
Þórir með hörkuskot en beint á Ofir í markinu.
71. mín
Jón Dagur reynir að lauma boltanum á nærstöngina úr teignum til vinstri en Ofir með þetta á hreinu.

Elvar Geir Magnússon
69. mín
Jón Dagur kassar boltann niður í teignum en dæmdur brotlegur.

Stúkan ekki sátt og ég eiginlega skil hana.
68. mín Gult spjald: Hákon Arnar Haraldsson (Ísland)
Heitt í hamsi og lætur einhver orð falla að ég held.
65. mín MARK!
Dor Peretz (Ísrael)
Löng VAR skoðun eftir færi Ísraela sem fá dæmt mark.

Dasa með sendingu frá Hægri sem Peretz skallar að marki af mjög stuttu færi í Rúnar en boltinn er metinn hafa farið yfir marklínuna af VAR sem er líklega réttur dómur.
63. mín
Hákon í skotfæri eftir laglegt spil en skot hans framhjá markinu.

Höldum þessari pressu!
61. mín
Ísak kemur inn á hægri vænginn og Sveinn Aron kemur upp á topp í stað bróðir síns.
Anton Freyr Jónsson
60. mín
Inn:Sveinn Aron Guðjohnsen (Ísland) Út:Andri Lucas Guðjohnsen (Ísland)
Anton Freyr Jónsson
60. mín
Inn:Ísak Bergmann Jóhannesson (Ísland) Út:Arnór Sigurðsson (Ísland)
Anton Freyr Jónsson
60. mín MARK!
Þórir Jóhann Helgason (Ísland)
Stoðsending: Arnór Sigurðsson
Þórir fílar að spila á móti Ísrael

Geggjaður bolti yfir varnarlínu gestaliðsins á Arnór sem tekur sinn mann á af harðfylgi, setur boltann fast fyrir markið sem Ofir slær út í teiginn fyrir fætur Þóris sem verða á engin
mistök og setur boltann í netið!

Kannski gjafmildur að gefa Arnóri stoösendinguna en þetta var bara svo fáránlega vel gert hjá honum sem og Herði.
58. mín
Ísak og Sveinn Aron að gera sig klára að koma inná.
57. mín
Ísrael að pressa þungt, Daníel Leó setur boltann í horn að fæti Solomon í markteignum.
55. mín
VAR athugun á því hvort við höfum gerst brotlegir með hendi.

Að sjálfsögðu ekki.
55. mín
Solomon fer illa með Alfons og keyrir inn á teiginn, Hörður mætir honum og nær að slæma fæti í boltann og beina honum í horn þegar Solomon setur hann fyrir markið.
53. mín

Elvar Geir Magnússon
53. mín
Rólegt yfir þessu eins og er. Stöðubarátta allsráðandi.
52. mín
Peretz með skot en himinhátt yfir markið.
48. mín
Frábær pressa íslenska liðsins sem vinnur boltann við teig Ísrael, boltinn á Andra Lucas í D-boganum en skot hans framhjá markinu.
47. mín
Hætta eftir langt innkast Harðar en gestirnir koma boltanum frá í horn af fótum Jóns Dags.
46. mín
Seinni hálfleikur hafinn

Við hefjum síðari hálfleik. Koma svo!
46. mín



Elvar Geir Magnússon
46. mín
Inn:Sun Menachem (Ísrael) Út:Doron Leidner (Ísrael)
Gestinir gera breytingu í hálfleik.

Elvar Geir Magnússon
45. mín
Hálfleikur
Kaflaskipt er orðið. Við höfum sýnt að við getum alveg keyrt yfir þetta lið frá Ísrael en höfum líka á köflum fallið of djúpt og gefið færi á okkur. Stöðugleiki og áræðni er málið fyrir okkur og vonandi að menn sýni okkur það í síðari hálfleik.
45. mín
Sláin!

Sú tilraun frá Herði sem smellur í slánni og yfir markið. Hefði verið svo sætt að sjá þennan liggja.
45. mín Gult spjald: Dor Peretz (Ísrael)
Fær gult fyrir brotið.
45. mín
Ísland fær aukaspyrnu á stórhættulegum stað. Brotið á Birki er hann skaut og fyrirliðinn liggur en virðist í lagi.
45. mín
Ramzi Safuri með hörkuskot hárfínt framhjá eftir þunga sókn Ísrael.

Styttist í hálfleik en uppbótartími er að minnsta kosti tvær mínútur
44. mín
Elvar Geir Magnússon
41. mín
Þórir Jóhann með djúpan kross fyrir Andra að elta en boltinn aðeins of hár og endar í markspyrnu.
Elvar Geir Magnússon
40. mín
Vitor með skalla að marki eftir horn en boltinn yfir markið.
39. mín
Okkar menn mættir á skjálftavaktina aftur og virka óstyrkir eftir þetta jöfnunarmark.

Taka sig saman í andlitinu og áfram með þetta!
35. mín SJÁLFSMARK!
Daníel Leó Grétarsson (Ísland)
Úff þetta var óþarfi!

Bolti frá Dasa inn á teiginn frá hægri fer af Ramzi Safuri og er á leiðinni framhjá þegar Daníel rekur fót í boltann og sendir hann í eigið net.

Vont er það.

32. mín
Hættulegur bolti inn á teig Íslands en Alfons kassar boltann í horn.
30. mín
Arnór eltir vonlausan bolta og lætur Goldberg líða mjög illa, samskipti í öfustu línu Ísrael engin og skallar Goldberg boltann í eigin markmann og þaðan út í teiginn. Við náum þó ekki að gera okkur mat úr þessu en er til fyrirmyndar hvað baráttu varðar.
28. mín
Jón Dagur mundar fótinn úr aukaspyrnu af um 23 metra færi örlítið vinstra megin við teiginn en boltinn framhjá markinu.
25. mín
Mahmoud Jaber brýtur á Daníel á miðjum vellinum og uppsker vinalegt tiltal.
23. mín
Þrír í gegn en Ofir ver!

Skyndisókn Íslands og gestirnir fáliðaðir til baka, Hákon finnur Arnór í hlaupinu sem þarf aðeins að elta boltann sem þrengir skotið en Ofir gerir virkilega vel og mætir út og ver.

Staðan ætti klárlega að vera 2-0

20. mín
ÚFF gestirnir með frábært spil upp völlinn og tæta í sundur íslenska liðið en Dabbur í fínu færi í teignum hittir boltann illa og skot hans endar í fangi Rúnars af tiltölulega stuttu færi.
18. mín
Skalli Jóns Dags áðan. Rosalegur skalli.



Elvar Geir Magnússon
18. mín
Leikmenn verið mjög sprækir eftir þessar örfáu skjálftamínútur í byrjun. Liðið heldur breidd vel og er að skapa sér góðar stöður á vellinum.

Fín byrjun!
16. mín
Gestirnir með skot, af varnarmanni og í öruggar hendur Rúnars.
15. mín
Arnór Sig með laglegan sprett eftir að Hákon vann boltann hátt á vellinum. Má ekki við margnum og fer í grasið en fær ekki brot áhorfendum til lítillar ánægju.

Elvar Geir Magnússon
13. mín
Andri Lucas hefði mátt vera í númeri stærra pari af skóm!

Arnór gerir vel úti til hægri, keyrir inn á teiginn og leggur boltann í svæðið milli varnar og markmanns en Andri sekúndubroti of seinn í boltann.
12. mín
Næstum því copy/paste. Aftur langt innkast frá Herði frá hægri sem Daníel Leó er fyrstur á. Í þetta sinn berst boltinn á Birki sem á lausan skalla beint á Ofir.
9. mín MARK!
Jón Dagur Þorsteinsson (Ísland)
Stoðsending: Daníel Leó Grétarsson
ÞARNA!!!!!!

Hörður kastar boltanum inn að vítapunkti þar sem Daníel Leó flikkar honum lengra yfir á fjærstöng þar sem Jón Dagur mætir og skallar boltann í fallegum boga í fjærhornið yfir varnarlausan markvörð Ísraela sem leit reyndar ekkert sérlega vel út þarna.
9. mín
Langt innkast frá hægri, Hörður kastar
6. mín
Hættulegur bolti fyrir markið frá Dasa en Daníel Leó skallar frá, gestirnir halda boltanum en sókn þeirra rennur út í sandinn.
4. mín
Dor Peretz liggur eftir viðskipti við Birki, Birkir einfaldlega sterkari.
3. mín
Það er einhver skjálfti í okkar mönnum í blábyrjun og einfaldar sendingar að klikka, vonum að menn finni taktinn.
1. mín
Dor Peretz með fyrstu skottilran leiksins en hittir boltann afar illa sem fer í innkast,

Birkir Bjarna liggur eftir eitthvað klafs en stendur fljótt á fætur.

1. mín
Leikur hafinn
Gestirnir sparka leiknum af stað! Vonumst að sjálfsögðu eftir góðum og skemmtilegum leik sem endar með íslenskum sigri.

ÁFRAM ÍSLAND!
Fyrir leik


Þjóðadeildarfánanum veifað, liðin ganga til vallar og aðeins þjóðsöngvar og formlegheit standa í vegi fyrir því að þessi leikur hefjist.

Við líkt og aðrir rísum úr sætum fyrir þjóðsöngvum.
Sæbjörn Þór Þórbergsson Steinke
Elvar Geir Magnússon
Elvar Geir Magnússon
Fyrir leik
Styttist óðum í leik og liðin bæði búin að ljúka upphitun. Fámennt í stúkunni og hægt bætist í en reikna má með að áhorfendafjöldi verði eitthvað í kringum 3000 manns.

Aðstæður eru svo sem ágætar, það blæs aðeins en þurtt að kalla og hitin um 12 gráður. Völlurinn lítur vel út og ætti ekki að aftra mönnum í kvöld.
Fyrir leik


Daníel Leó (á mynd) og Hörður Björgvin halda áfram sem miðvarðapar.
Elvar Geir Magnússon
Fyrir leik


Leikmenn Íslands eru búnir að taka sinn hefðbundna göngutúr um völlinn við komuna. Þess má geta að Mikael Anderson er utan hóps vegna meiðsla. Aron Þrándarson er hinsvegar á bekknum en hann var tæpur fyrir leikinn.
Elvar Geir Magnússon
Fyrir leik
Hinn nítján ára gamli Hákon Arnar Haraldsson er í byrjunarliði Íslands gegn Ísrael en Ísak Bergmann Jóhannesson byrjar á bekknum. Það er eina breytingin ef miðað er við leikinn gegn Albaníu fyrir viku síðan.

Elvar Geir Magnússon
Fyrir leik
Staðan?


Ísrael er á toppi riðilsins með 4 stig. Ísland er í öðru sæti með 2 stig og á tvo leiki eftir, leikinn í kvöldog útileik gegn Albaníu í september.

Ef Ísland tapar í kvöld er möguleiki strákanna okkar á því að enda í efsta sæti riðilsins, og komast þar með upp í A-deild, horfinn.

Aðeins þrjú lið eru í riðlinum þar sem Rússlandi var meinuð þátttaka vegna innrásarinnar í Úkraínu. Rússar falla sjálfkrafa niður í C-deild og hin liðin því örugg.

Um 55% lesenda Fótbolta.net spá því að Ísland tapi í kvöld og missi þar með af möguleika á efsta sætinu.

Elvar Geir Magnússon
Fyrir leik
Dómarinn:
Duje Strukan, 38 ára Króati, verður með flautuna. Strukan er ekki mjög hátt skrifaður á dómaralista FIFA og dæmdi í Sambandsdeildinni og Evrópukeppni unglingaliða á liðnu tímabili. Aðstoðardómararnir og fjórði dómarinn koma einnig frá Króatíu en Serbar sjá um vaktina í VAR-dómgæslunni. Aðal VAR dómari er Novak Simovic.
Elvar Geir Magnússon
Fyrir leik
Fréttamannafundur gærdagsins

Arnar Þór Viðarsson og Birkir Bjarnason sátu fyrir svörum á fréttamannafundi í gær

Stefán Árni Pálsson, íþróttafréttamaður á Vísi og Stöð 2, spurði þar Arnar Þór Viðarsson landsliðsþjálfara út í þá gagnrýni sem hann og liðið hefur verið að fá. Ekki stóð á svörum frá Arnari sem svaraði fullum hálsi

,,Sko, eins og ég sagði við kollega þinn fyrir viku síðan, ef gagnrýnin er einher ákveðin gagnrýni, og við erum þá að tala um leikskipulag, skiptingar í leik eða game management þá er bara ekkert mál að ræða það. Það er fótboltaleg gagnrýni. Þú ert í raun með sömu spurningu og Gaupi kom með í síðustu viku en orðar hana öðruvísi. Það sem ég er að meina er að ég get ekki rætt allt sem talað er um í þjóðfélaginu."

,,Við erum á ákveðinni vegferð og allir sem vilja sjá það þeir sjá að það er góð þróun í liðinu og leikmönnunum. Ef þú myndir koma inn í hópinn myndir þú sjá að það er jákvæð orka í gangi. Eins og ég hef sagt oft, þetta tekur sinn tíma. Það er mikilvægt fyrir unga leikmenn að fá vinnufrið, ef við orðum það þannig. Ég sem þjálfari í þessari stöðu veit að það kemur gagnrýni. Sumir eru gagnrýnir en sumir sjá að það er margt jákvætt. Maður þarf bara að vinna í því, það er hluti af mínu starfi. Það eru forréttindi að vera í leiðtogahlutverki, annars væri ég ekki í þessu starfi.´´


Þar ræddi Birkir Bjarnason jafnframt stuttlega um pistil sem Vanda Sigurgeirsdóttir formaður KSÍ birti á dögunum um áhrif neikvæðrar gagnrýni á leikmenn.

,,Ég er ekki alveg sammála því. Þetta hefur ekki verið rætt mikið innan hópsins. Eins og Arnar var að segja þá mega allir hafa sínar skoðanir. Við sem hópur vitum fyrir hvað við stöndum og hvað við erum að gera á æfingum."


Fyrir leik
Líklegt byrjunarlið

Hér má sjá byrjunarliðið sem Fótbolti.net spáir að Ísland tefli fram í kvöld.

Við spáum því að Arnar Þór Viðarsson muni aðeins gera eina breytingu frá jafnteflinu gegn Albaníu; að Hákon Arnar Haraldsson muni koma inn á miðsvæðið fyrir Þóri Jóhann Helgason. Hákon lék afskaplega vel í útileiknum gegn Ísrael og er líklegur til að byrja á morgun.

Ef þetta líklega byrjunarlið verður að veruleika, þá eru bestu vinirnir af Skaganum - Hákon Arnar og Ísak Bergmann - að byrja saman í A-landsleik í fyrsta sinn.



Fyrir leik
Taka tvö

Ísland er að mæta Ísrael í annað skiptið í þessum landsleikjaglugga. Liðin mættust í Haifa í Ísrael fyrir 11 dögum þar sem niðurstaðan varð 2-2 jafntefli þar sem Þórir Jóhann Helgason og Arnór Sigurðsson gerðu mörk Íslands.

Margt jákvætt var að sjá í leik Íslands bróðurpartinn af þeim leik og er það heit ósk þjóðar að menn láti kné fylgja kviði í kvöld og sæki sinn fyrsta sigur í Þjóðardeildinni.

Liðið hefur þó leikið tvo leiki í millitíðinni, jafnteflisleik gegn Albaníu á Laugardalsvelli og 1-0 útisigur á liði San Marino í leikjum sem voru lítið fyrir augað.


Fyrir leik
Lokaleikur landsleikjagluggans

Heil og sæl kæru lesendur og verið hjartanlega velkomin í beina textalýsingu Fótbolta.net frá leiks Íslands og Ísrael í Þjóðardeildinni.


Byrjunarlið:
18. Ofir Marciano (m)
2. Eli Dasa
3. Sean Goldberg
4. Miguel Vítor ('78)
8. Dor Peretz
10. Ramzi Safuri
10. Munas Dabbur ('73)
11. Liel Adaba ('78)
11. Manor Solomon
13. Mahmoud Jaber
14. Doron Leidner ('46)

Varamenn:
1. Yoav Jarafi (m)
18. Omri Glazer (m)
5. Iyad Abu Abaid ('78) ('92)
6. Dan Glazer ('92)
7. Omer Atzili ('78)
9. Shon Weissman ('73)
9. Tai Baribo
12. Sun Menachem ('46)
15. Dolev Haziza
16. Mohammad Abu Fani
20. Raz Shlomo
22. Omri Gandelman

Liðsstjórn:
Alon Hazan (Þ)

Gul spjöld:
Dor Peretz ('45)
Sun Menachem ('94)

Rauð spjöld: