Fyrir leik
Liðin komin út á völl. Vignir Már Þórðarson stjórnarmaður í KA hélt hér ræðu um nýja svæðið og framtíð þess. Lúðrasveit búin að halda uppi fjörinu síðasta hálftímann eða svo.
Eyða Breyta

Fyrir leik
Byrjunarliðin eru klár
Arnar Grétarsson þjálfari KA gerir eina breytingu á liði sínu frá tapi gegn Víkingi í síðustu umferð fyrir landsleikjahléið. Hallgrímur Mar Steingrímsson fær sér sæti á bekknum og Bjarni Aðalsteinsson kemur inn í hans stað.

Jón Sveinsson þjálfari Fram gerir tvær breytingar á byrjunarliðinu frá sigri gegn Val í síðustu umferð. Gunnar Gunnarsson og Alex Freyr Elísson koma inn fyrir Delphin Tshiembe og Þórir Guðjónsson.

Eyða Breyta

Fyrir leik
Dómararnir
Jóhann Ingi Jónsson verður með flautuna hér í kvöld. Ragnar Þór Bender og Bergur Daði Ágústsson verða honum til aðstoðar. Birgir Þór Þrastarson verður með skiltið á hliðarlínunni og Þóroddur Hjaltalín er eftirlitsmaður KSÍ.


Eyða Breyta

Fyrir leik
Fram hefur hins vegar verið að komast í gang í síðustu leikjum. 2-1 sigur á Leikni, 4-3 tap gegn Breiðablik og sterkur 3-2 sigur á Val. Þetta eru síðustu þrír leikir liðsins, spurning hvort við fáum annan eins markaleik hér í kvöld.

Jannik Holmsgaard skoraði sigurmarkið gegn Val
Eyða Breyta

Fyrir leik
KA hafði farið gríðarlega vel af stað en liðið tapaði fyrsta leiknum sínum í ár gegn Stjörnunni í þar síðustu umferð og síðan í síðustu umferð gegn Víkingi þar sem sigurmarkið kom í uppbótartíma. Liðið vonast auðvitað til að komast aftur á sigurbraut á nýja vellinum í kvöld.

Eyða Breyta

Fyrir leik
Góða kvöldið og verið velkomin í beina textalýsingu frá leik KA og Fram í Bestu deildinni.

Þetta er fyrsti deildarleikur sem fram fer á nýjum heimavelli KA en leikurinn hefst kl 18.
Eyða Breyta