Fyrir leik
Mættir eru Pétur Ormslev og Gummi Torfa til að taka upphafsspyrnuna á vellinum. Alvöru goðsagnir hér á ferðinni!
Eyða Breyta

Fyrir leik
Liðin eru mætt út á völl og fyrirliðarnir fara yfir málin með dómurunum.
Eyða Breyta

Fyrir leik
Sverrir Mar Smárason er sérstakur sérfræðingur og spámaður leiksins. Hann spáir 3-1 sigri Fram. Er búinn að hugsa þetta í allan dag og er handviss um að leikar endi 3-1.
Eyða Breyta

Fyrir leik
Það hefur fjölgað í VIP-pinu og spennan að aukast. Fólk býst við jöfnum og æsispennandi leik. Meðal þeirra sem mættir eru er Steinar Þór Guðgeirsson sem afskaplega fróðir menn fullyrða að sé sá eini sem bæði hefur orðið Íslands- og bikarmeistari með Fram og ÍBV.

Ef enn fróðari menn búa yfir öðrum upplýsingum þá er pósthólfið opið.
Eyða Breyta

Fyrir leik
Óbreytt lið hjá ÍBV.

ÍBV tapaði á Hásteinsvelli gegn Víkingi síðasta miðvikudag 0-3. Byrjunarlið Eyjamanna er óbreytt frá þeim leik.
Eyða Breyta

Fyrir leik
Byrjunarliðin eru komin inn.

Fram gerði 2-2 jafntefli við KA á Akureyri í síðustu umferð eftir að hafa verið tveimur mörkum yfir. Tvær breytingar á byrjunarliðinu frá þeim leik. Inn í byrjunarliðið koma Már Ægisson og Þórir Guðjónsson. Út fara Gunnar Gunnarsson og Jesus Yendis.
Eyða Breyta

Fyrir leik
Hér í Úlfarsárdal eru snyttur á borðum og fólk í hátíðarskapi. Borgarritarinn og Eyjamaðurinn Þorsteinn Gunnarsson er meðal þeirra sem mættir eru. Stór stund fyrir Framara í kvöld.



Eyða Breyta

Fyrir leik
Heimir Hallgrímsson var á skýrslu í síðasta leik ÍBV og er mættur hingað í Úlfarsárdalinn. Heimir verður Hermanni Hreiðarssyni innan handar í sumar, en þetta staðfesti hann eftir síðasta leik.

"Heimir er Eyjamaður í húð og hár. Hann vill styðja við bakið á okkur. Það er stórkostlegt að hafa Heimi hjá okkur og hann vill leggja sitt af mörkum og vera innan handar sem er frábært og við komum til með að nýta okkur þann viskubrunn," sagði Hermann við Vísi eftir leikinn.
Eyða Breyta

Fyrir leik
Loksins loksins loksins!

Nýr heimavöllur Fram í Úlfarsárdal er klár og var vígður um helgina þegar kvennalið liðsins vann sigur gegn KH. Í kvöld er komið að fyrsta leiknum á vellinum í sjálfri Bestu deildinni. Glæsilegt mannvirki og vonandi verður góð stemning í stúkunni.



Eyða Breyta

Fyrir leik
Það er barist um mikilvæg stig í kvöld, milli tveggja liða sem fóru saman upp úr Lengjudeildinni í fyrra.



Hermann Hreiðarsson stýrir ÍBV sem er í neðsta sæti deildarinnar með aðeins þrjú stig og hefur enn ekki náð að landa sigri eftir níu umferðir.



Eftir erfiða byrjun hjá Frömurum þá hefur stigasöfnun þeirra farið í betri farveg. Jón Sveinsson og lærisveinar í Fram eru í áttunda sæti með níu stig.
Eyða Breyta

Fyrir leik
Góðan og gleðilegan daginn. Velkomin með okkur í beina textalýsingu frá leik Fram og ÍBV í 10. umferð Bestu deildar karla.



Helgi Mikael Jónasson dæmir leikinn í kvöld. Kjötiðnaðarmaðurinn frá Hvolsvelli Jóhann Gunnar Guðmundsson og Skagamaðurinn Egill Guðvarður Guðlaugsson eru aðstoðardómarar. Varadómari er Vilhjálmur Alvar Þórarinsson og eftirlitsmaður KSÍ er Kristinn Jakobsson.

Það eru tveir aðrir leikir í kvöld:

Beinar textalýsingar:
19:15 Breiðablik - KA
19:15 Stjarnan - KR
Eyða Breyta