Byrjunarliðin eru komin og Eiður gerir breytingar

Jón Þór þjálfari ÍA breytir liði sínu ekki neitt frá jafnteflinu við KR enda spiluðu þeir góðan leik. Það er þó athyglisvert að Árni Snær Ólafsson byrji leikinn í markinu þar sem hann fékk ljótt högg rétt undir augað í síðasta leik.

Eiður Smári gerir 4 breytingar á liðinu sem gerði jafntefli við Leikni í síðustu umferð. Það eru þeir Ástbjörn Þórðarson, Steven Lennon, Davíð Snær Jóhannsson og Vuk Óskar Dimitrijevic sem koma inn í liðið og þá setjasta Lasse Petry, Finnur Orri Margeirsson, Baldur Logi Guðlaugsson og Máni Austmann Hilmarsson á bekkinn.
Eiður setur traust sitt í Ástbjörn

Dómari leiksins

Pétur Guðmundsson er með flautuna í kvöld og honum til halds og trausts verða Oddur Helgi Guðmundsson og Kristján Már Ólafs með flöggin.

Eftirlitsmaður er Viðar Helgason og varadómari er Þorvaldur Árnason.

6 stiga leikur?

FH lítur ekki á sjálfa sig eins og fallbaráttulið en staðreyndin er sú að þeir sitja í 9.sæti með 8 stig eftir 9 leiki. ÍA er einu stigi á eftir FH í 10. sæti.

Það er bjartsýni í Krikanum eftir ráðninguna á Eiði Smára en það er stórt verk að vinna. Það er kominn 8 stiga munur á FH og liðinu í 6. sæti sem er KR og það hlýtur að vera markmið FH að vera í efri hlutanum.

ÍA hefur líka verið í basli í sumar en þó líklega með aðeins hógværarari markmið. Þeir eru 3 stigum frá fallsæti og með sigri í dag gætu þeim farið að líða aðeins betur í fallbaráttunni.
Jón Þór Hauksson þjálfari ÍA

Innbyrðis viðureignir

Þessi lið mættust þrisvar á síðasta tímabili en þá vann FH báða leikina í deild en þeir fóru 0-3 og 5-1 og því kannski von á markaleik í dag. Hinsvegar tók ÍA bikarsigur en sá leikur fór 1-0.

Eiður Smári tekinn við í krikanum

FH gerði 2-2 jafntefli við Leikni síðastliðinn fimmtudag og það var nóg til þess að Óli Jóh og Sigurbjörn Hreiðarsson voru látnir taka poka sinn á dramatískan hátt strax eftir leik.

Stjórnin í FH voru fljótir að ráða nýjan mann inn en það er goðsögnin Eiður Smári Guðjohnsen sem tekur við. Aðstoðarmaður hans verður Sigurvin Ólafsson sem hefur verið aðstoðarþjálfari í KR og aðalþjálfari KV hingað til í sumar.

Eiður Smári var þjálfari FH á þarsíðasta tímabili þar sem hann ásamt Loga Ólafssyni náðu góðum árangri. Þeir unnu 11 af 15 leikjum auk þess að Eiður var mjög vel liðinn af leikmönnum liðsins. Eiður hætti hjá FH til þess að verða aðstoðarþjálfari landsliðsins eftir það tímabil.

Skagamenn að finna skotskónna

ÍA gerði 3-3 jafntefli í síðasta leik gegn KR og þóttu betra liðið af mörgum. Fremstu 3 voru sérstaklega góðir fyrir ÍA í þeim leik en varnarvinnan lék þá aftur grátt þar sem þeir hafa fengið á sig 20 mörk í 9 leikjum sem er næst versti árangurinn í deildinni í ár.

Eyþór Aron Wöhler skoraði tvisvar gegn KR og lagði einu sinni upp.

Góða kvöldið og verið velkomin í beina textalýsingu frá leik ÍA gegn FH frá Skipaskaga.

Leikurinn hefst klukkan 19:15