Fyrir leik
Jæja nú fer þetta að hefjast. Champions League "theme song" var spilað á meðan liðin gengu út á völlinn og þá kveiknaði heldur betur líf í stúkunni.
Eyða Breyta

Fyrir leik
,,Annað hvort erum við að fara að mæta þessu liði í úrslitaleik á föstudaginn eða núna og það er fínt að klára þennan leik. Með fullri virðingu fyrir liðunum frá Andorra og San Marínó þá eiga bæði Víkingur og Levadia að vinna þau tvö lið, þótt fótboltinn sé stundum skrýtinn. En úrslitaleikurinn er að mínu mati að fara fram hérna á eftir," sagði Arnar Gunnlaugsson þjálfari Víkings í viðtali við Stöð 2 Sport fyrir leik.

,,Ég er ekki að segja að það sé formsatriði fyrir bæði lið að klára þá leikinn á föstudaginn, en miðað við leikinn sem var hérna áðan þá eiga bæði lið að líta á þennan leik á eftir sem úrslitaleik."
Eyða Breyta

Fyrir leik
Stuðningsmenn Víkings eru farnir að tínast í stúkuna en það verður að viðurkennast að veðrið í kvöld er ekki að hjálpa Víkingum að fylla stúkuna.

Á meðan Eistarnir halda áfram sinni upphitun eru Víkingarnir farnir inn í klefa, 20 mínútum fyrir leik.
Eyða Breyta

Fyrir leik
Arnar Gunnlaugsson þjálfari Víkings sagði í viðtali við Stöð2 Sport að Ingvar Jónsson væri einfaldlega á bekknum í kvöld uppá móralinn.
Eyða Breyta

Fyrir leik
Athygli vekur að varamarkvörður Víkings í dag er Jochum Magnússon. Jochum er fæddur árið 2007. Jochum verður 15 ára 24.nóvember næstkomandi og er því einungis 14 ára og 7 mánaða gamall.

Þeir gerast varla mikið yngri leikmennirnir í Meistaradeildinni.
Eyða Breyta

Fyrir leik
Eistarnir eru mættir út á völl og byrjaðir að hreyfa sig. Þeir hafa grenilega nýtt svæði innanhús til að hlaupa því þeir fara beint í sendingar. Athyglisvert.
Eyða Breyta

Fyrir leik
Leikmenn Levadia Tallin hafa tekið þá ákvörðun að vera sem lengst inn í klefa í hitanum á meðan allur Víkingshópurinn er löngu mættur út á völl og nú þegar byrjaðir að hita upp af krafti fyrir átök kvöldsins. Athyglisverð nálgun hjá gestunum að vera bara inni í hlýunni.
Eyða Breyta

Fyrir leik

Eyða Breyta

Fyrir leik
Arnar Gunnlaugsson er mættur út á völl, með húfu og í góðri Víkings úlpu. Ég ætla gefa mér það að hann hafði séð þetta öðruvísi fyrir sér... það hlýtur einfaldlega að vera þannig. En maður fær víst ekki allt sem með óskar sér í þessu lífi. Það er nokkuð ljóst.
Eyða Breyta

Fyrir leik
Það lítur allt út fyrir það að veðrið sé ekkert að fara skána. Þetta verður því engar drauma aðstæður til knattspyrnuiðkunar í kvöld.
Eyða Breyta

Fyrir leik
Víkingar unnu 0 - 3 útisigur á ÍBV 15. júní síðastliðinn en síðan þá gerir Arnar Gunnlaugsson þrjár breytingar á liði sínu.

Pablo Punyed er áfram í liðinu eftir að hafa farið meiddur af velli eftir stundarfjórðung í eyjum en þeir Logi Tómasson, Karl Friðleifur Gunnarsson og Birnir Snær Ingason fara út.
Inn koma þeir Kyle McLagan, Davíð Örn Atlason og Nikolaj Hansen.

Ingvar Jónsson er skráður vararmarkvörður en er líklega ekki leikfær og kæmi ekki inná þó svo eitthvað kæmi uppá. Jochum Magnússon er einnig skráður varamarkvörður en Hannes Þór Halldórsson sem gekk í raðir félagsins í vikunni náði ekki leikheimild í tæka tíð fyrir þennan leik.
Eyða Breyta

Fyrir leik
Byrjunarliðin eru klár. Það er ánægjulegt að Pablo Punyed skuli vera klár fyrir leikinn í kvöld.
Eyða Breyta

Fyrir leik
Það er ljóst að sigurvegararnir hér í kvöldmæta Inter Escaldes, meistaraliði frá Andorra, sem vann endurkomusigur gegn La Fiorita frá San Marínó á Víkingsvelli í dag, 2-1 eftir að hafa lent 0-1 undir.
Eyða Breyta

Fyrir leik
Ellinton Morais eða Liliu eins og hann er kallaður er 32 ára sóknarmaður frá Brasilíu sem hefur skorað sex mörk á tímabilinu. Hann hefur verið á faraldsfæti eftir að hafa skorað 31 mark með Nomme Kalju í Eistlandi tímabilið 2018. Eftir það reyndi hann fyrir sér í Svíþjóð, Finnlandi og Perú en er nú kominn aftur til Eistlands til að finna markaskónna á nýjan leik.
Eyða Breyta

Fyrir leik
FCI Levadia er í harðari toppbaráttu í Eistlandi við Flora. Liðin eru jöfn að stigum með 44 stig en Flora á leik inni. Það er hinsvegar ennþá heil umferð eftir af deildinni. Bæði Levadia og Flora hafa mikla yfirburði í deildinni heimafyrir.

Markahæsti leikmaður liðsins á tímabilinu er, Zakaria Beglarishvili, 32 ára leikmaður frá Georgíu. Á síðustu leiktíð skoraði hann 24 mörk fyrir Levadia eftir frekar misheppnaða dvöl bæði í Finnlandi og í Ungverjalandi. Þar áður hafði hann slegið í gegn með Flora í Eistlandi.
Eyða Breyta

Fyrir leik
Arnar Gunnlaugsson taldi fyrir helgi að litlar líkur yrðu á því að reynslu boltinn Pablo Punyed yrði með liðinu í kvöld vegna meiðsla.

,,Ég er ekkert alltof bjartsýnn á það. Hann verður skoðaður á morgun [föstudag] almennilega. Ef þetta er tognun þá er það ekki séns en vonandi kom hann út af nógu snemma svo að við höfum komið í veg fyrir meiri skaða en hann þarf að fá 2-3 hörkuæfingar fyrir hausinn á sjálfum sér til þess að sjá hvort hann verði heill eða ekki. Auðvitað gerum við allt sem í okkar valdi stendur til að láta hann spila,"
Eyða Breyta

Fyrir leik
,,Það er mjög mikil spenna í Víkinni, við vitum alveg hversu stór ábyrgð þetta er fyrir okkur. Ég ætla að vona allir haldi með okkur, ég held með Blikunum og ég held með KR í þeirra Evrópuævintýri því það er hrikalega mikilvægt að ná þessu blessaða sæti aftur. Við erum að fara spila á móti hörkuliði, þetta er 50:50 leikur. Þeir eru meistarar í sínu landi og liðið sem var í 2. sæti komst í riðlakeppni í Sambandsdeildinni í fyrra - bara svo menn átti sig á því hversu erfitt þetta er. [Levadia og Flora Tallin] eru tvö langbestu liðin í Eistlandi," sagði Arnar Gunnlaugsson í viðtali við Fótbolta.net fyrir helgi.
Eyða Breyta

Fyrir leik
Ef Víkingur tapar hinsvegar í kvöld fer liðið í 2. umferð Sambandsdeildar Evrópu. Þar mun liðið mæta annað hvort Hibernians frá Möltu eða Shamrock Rovers frá Írlandi.

Vinni Víkingar hinsvegar í kvöld en tapa úrslitaleiknum á föstudaginn þá fara Víkingar annað hvort til Armeníu og mæta þar Pyunik eða til Rúmeníu og mæta þar CFR Cluj.

Allt er þetta frekar mikið ef og ef. Við pælum í þessu þegar nær dregur, förum að einbeita okkur að leiknum sjálfum í kvöld.
Eyða Breyta

Fyrir leik
Sigri Víkingar bæði leikinn í kvöld og á föstudaginn þá er ljóst að liðið á fyrir höndum erfitt, krefjandi en fyrst og fremst spennandi verkefni fyrir höndum.

Þar sem þeir mæta sænska stórliðinu, Malmö FF, undir stjórn fyrrum leikmanns og þjálfara Víkings, Milos Milojevic í fyrstu umferð í undankeppni Meistaradeildarinnar. Þetta yrði athyglisverð viðureign á alla vegu.
Eyða Breyta

Fyrir leik
Velkomin í beina textalýsingu frá Víkingsvellinum, heimavelli hamingjunnar.

Hér í kvöld tekur Víkingur á móti Levadia Tallinn í forkeppni Meistaradeildarinnar. Þetta er bara einn úrslitaleikur um að komast í annan úrslitaleik um sæti á næsta stigi forkeppninnar, en liðið sem tapar fer í Sambandsdeildina.

Við hvetjum alla til að skella sér á völlinn og styðja við bakið á Víkingum. Það skiptir máli fyrir íslenskan fótbolta að íslensku félögunum gangi vel í Evrópukeppnum.
Eyða Breyta