Gummi Magg skorar ekki í kvöld - Í banni


Guðmundur Magnússon, sóknarmaður Fram, er næst markahæsti leikmaður deildarinnar með ellefu mörk. Ísak Snær í Breiðabliki er með tólf mörk en Gummi Magg nær honum ekki í kvöld þar sem Gummi tekur út leikbann vegna uppsafnaðra áminninga. Alex Freyr Elísson er einnig í banni hjá Fram.

Byrjunarliðin eru komin inn

Það eru nokkrar breytingar á byrjunarliðunum frá leikjunum í 14. umferð en Jón Sveinsson gerir þrjár breytingar og Gústi Gylfa gerir fjórar breytingar á sínu liði.

Þetta verður veisluleikur!

Dómarar kvöldsins

Pétur lögga verður dómari í kvöld og honum til aðstoðar verða línurverðirnir Ragnar Þór Bender og kóngurinn í málningar bransanum, Smári Stefánsson. Varadómarinn í kvöld verður Þorvaldur Árnason.
Smári með allt á hreinu hvað varðar dómgæslu og málningu.

Í banni

Hinn bráðefnilegi og skemmtilegi sóknarmaður Stjörnunnar, Adolf Daði Birgisson verður ekki með í kvöld en hann er í leikbanni vegna uppsafnaðra áminninga. Það er alvöru högg fyrir leikinn enda Adolf verið mjög góður í sumar en hann hefur skorað 3 mörk og gefið 2 stoðsendingar.

Brynjar Gauti má tæknilega séð spila, en það mun kosta sitt

Miðvörðurinn hefur komið virkilega öflugur inn í lið Fram og hjálpað til við að binda vörn liðsins saman. Brynjar skrifaði undir samning við Fram sem gildir út tímabilið 2024.

Hann hafði ekki fengið margar mínútur hjá Stjörnunni en kom beint inn í liðið hjá Fram sem hefur fengið sjö stig úr leikjunum þremur sem Brynjar hefur spilað.

Brynjar kemur þó ekki til með að spila á móti Stjörnunni þegar liðin mætast í kvöld. Í samningi leikmannsins er klásúla sem gerir það að verkum að Fram þarf að greiða ákveðið háa upphæð til Stjörnunnar ef hann spilar gegn liðinu á þessu ári.

"Það er ekkert samkomulag á milli félaganna, það er klásúla í kaupsamningnum sem felur það í sér að ef Brynjar Gauti spilar gegn Stjörnunni á þessu ári að þá hækki kaupverðið um x upphæð," segir Agnar Þór Hilmarsson, verðandi formaður knattspyrnudeildar Fram, í samtali við Fótbolta.net.

"Brynjar má spila, það er ekkert sem bannar það að hann spili. En þá hækkar kaupverðið."

"Við í Fram eru mjög ánægðir að hafa tryggt okkur þjónustu Brynjars Gauta. Við erum ánægðir með hans byrjun hjá félaginu," sagði Agnar jafnframt.

Smá meðbyr þessa dagana hjá Fram

Ég ætla að segja persónulega, þegar að Fram voru með tvö stig eftir fyrstu fimm leikina hafði ég gríðarlegar áhyggjur af þeim og sérstaklega varnarleiknum. Síðan hafa nokkrir hlutir breyst, Nonni Sveins er búinn að stoppa fyrir götin í vörninni með því að sækja t.d. Brynjar Gauta, sækja reynslu í Almar Orma og núna finnst mér Fram virkilega skemmtilegt lið og ég er að fýla hvað er í gangi upp í Úlfarsárdal en Fram eru nýbúnir að sigra Skagamenn 0-4 upp á Skaga þannig þeir koma peppaðir inn í leikinn í dag.

7/18 stig úr síðustu sex leikjuum

Eftir að hafa unnið þrjá í röð í gegnum miðjann og lok maí mánuð hafa Stjörnumenn aðeins náð í 7 stig af 18 mögulegum og aðeins einn sigur af þessum sex og hefur umræðan verið undanfarin misseri að þetta Stjörnuliðið er mjög "skrítið".. oft að bjóða upp á bara skemmtilegustu leiki sumarsins svo í næsta leik tapa 0-3 fyrir Leikni á heimavelli en ég verð að hrósa þjálfarateymi Stjörnunnar fyrir að gefa öllum þessu ungu leikmönnum séns, gerir mikið fyrir stuðningsmenn liðanna.

Viðureignin sjálf

Eftir að hafa fylgst vel með þessum liðum í sumar þá er eitthvað við þessa viðureign sem gerir mig spenntann. Nonni Sveins með bullandi sóknarbolta gegn Gústa Gylfa & Jökkli Elísabetarsyni með þetta unga stjörnulið með reynslubolta í bland sem geta oft boðið upp á frábærar frammistöður. (Læt eina skemmtilega mynd fylgja frá frábærum bikarúrslitaleik.

Veisluleikur framundan í Úlfarsárdal

Gott kvöld dömur og herrar og veriði hjartanlega velkomin í þráðbeina textalýsingu frá nýja Framvellinum í Úlfarsárdal þar sem að Framarar fá Garðbæinga í heimsókn í 15. umferð Bestu deildar karla.

Ég hef fulla trú á því að þetta verði geggjaður fótboltaleikur.