Liðin ganga út á völl við mikinn fögnuð viðstaddra. Þetta fer að skella á!
Big Glacier er að stýra söngvum úr stúkunni svo það er allt í topp málum hérna!

Byrjunarliðin eru klár og má sjá hér til hliðar!

Breiðablik gerir eina breytingu á sínu liði frá síðasta leik gegn ÍA en inn í liðið kemur Davíð Ingvarsson sem tók útleikbann gegn ÍA fyrir Kristinn Steindórsson.

Þetta verður gríðarlega erfitt verkefni fyrir Blika. Í liði Basaksehir eru eins og áður hefur komið fram margir leikmenn sem eru með stórkostlega ferilskrá. Þar á meðal er ítalski sóknarmaðurinn Stefano Okaka, sem er 32 ára gamall.

Okaka hefur til að mynda leikið með Roma, Fulham, Sampdoria, Anderlecht, Watford og Udinese á sínum ferli. Þá á hann fimm A-landsleiki að baki fyrir Ítalíu.

Mannskapurinn þeirra er gríðarlega sterkur. Þetta eru ekki saddar stjörnur, þetta eru harðduglegir menn. Þeir eru með framherja sem var í ensku úrvalsdeildinni og er vaxinn eins og Lukaku," sagði Höskuldur Gunnlaugsson, fyrirliði Breiðabliks, í viðtali við Fótbolta.net í gær.

Það verður gaman fyrir hafsentana og vörnina að takast á við hann."

Þeir eru líka með leikna leikmen og gæja sem eru með 3-4 blaðsíður af CV (ferilskrá) út í Evrópu. Þetta er glæsilegt lið," sagði Höskuldur en Basaksehir vann Manchester United í riðlakeppni Meistaradeildarinnar fyrir tæpum tveimur árum.

Væntingarnar mínar eru þær að við reynum að halda sem mest í það sem við erum og höfum gert, og hefur komið liðinu þangað sem það er komið. Það er að vera hugrakkir, þora að standa hátt og pressa, þora að halda í boltann, sagði Óskar Hrafn í viðtali við Vísi fyrir leikinn í kvöld.

Þá rekja þeir okkur upp eins og illa prjónaða peysu

Í liði Istanbul Basaksehir má finna fullt af áhugaverðum leikmönnum en auk Mesut Özil má finna Lucas Biglia sem á landsleiki fyrir Argentínu, Stefano Okaka sem á landsleiki fyrir Ítalíu og Nacer Chadli fyrrum leikmann Tottenham og Belgíu.

Þá er Emre Belözoglu þjálfari liðsins en hann á að baki 101 landsleik fyrir Tyrkland og spilaði með liðum á borð við Inter Milan, Newcastle United, Atlético Madrid o.fl.
Hann var einnig sá sem fékk uppþvottabursta viðtalið fræga.



Það hafa þó allskonar leikmenn verið á mála hjá Istanbul Basaksehir síðustu ár og má þar helst nefna Emmanuel Adebayor, Demba Ba, Gael Clichy, Elerjo Elia, Martin krtel og Robinho svo einhverjir séu nefndir.

Breiðablik eru eins og gefur að skilja að fara að spila sinn 5. evrópuleik á tímabilinu og hafa þeir í þessum leikjum skorað 8 mörk sem hafa raðast svona:

Ísak Snær Þorvaldsson - 3 Mörk
Kristinn Steindórsson - 2 Mörk
Höskuldur Gunnlaugsson - 2 Mörk
Andri Rafn Yeoman - 1 Mark

----Stoðsendingar----

Höskuldur Gunnlaugsson - 2 Stoðsendingar
Dagur Dan Þórhallsson - 1 Stoðsending
Oliver Sigurjónsson - 1 Stoðsending
Viktor Karl Einarsson - 1 Stoðsending

Istanbul Basaksehir hefur síðustu ár verið meðal bestu liða Tyrklands.
Þeir hafa í tvígang farið í riðlakeppni Evrópudeildarinnar, tímabilin 2017/18 það sem liðið komst í 16-liða úrslit og 2019/20.
Félagið hefur þá einusinni verið í riðlakeppni Meistaradeildar Evrópu, tímabilið 2020/21 en það tímabil sigraði liðið einn leik í riðlakeppninni og var það gegn Manchester United.

Rennum yfir leið liðana að 3.umferð Sambandsdeildarinnar

Istanbul Basaksehir mættu til leiks í 2.umferð þar sem þeir mættu Ísraelska liðinu Maccabi Netanya FC.

Fyrri leikur liðana fór fram á Tyrklandi þar sem liðin skildu jöfn 1-1.
Tyrkirnir höfðu svo betur í síðari leiknum í Ísrael 0-1 og fóru því samanlagt 2-1 áfram úr því einvígi.



Breiðablik kom inn strax í 1.umferð Sambandsdeildarinnar.

Þeir byrjuðu á því að mæta liði Santa Coloma frá Andorra og sigruðu fyrri leikinn ytra 0-1.
Síðari leikurinn fór fram á Kópavogsvelli og enduðu leikar þar 4-1 og því 5-1 samanlagt fyrir Blikum.

Í annari umferð mættu Blikarnir Svartfellingunum í FK Buducnost. Fyrri leikurinn einkenndist af miklum hita í gestunum frá Svartfjallalandi sem fengu 3 rauð spjöld og Blikar fóru með 2-0 sigur í síðari leikinn í Svartfjallalandi.
FK Buducnost höfðu betur í síðari leiknum 2-1 en það kom ekki að sök þar sem Breiðablik sigraði einvígið 3-2 samanlagt.

Mesut Özil kemur ekki

Stærsta stjarnan í liði Basaksehir er heimsmeistarinn Mesut Özil. Özil, sem er fyrrum leikmaður Arsenal og Real Madrid, gekk nýverið í raðir Basaksehir.

Hann er hins vegar ekki í nægilega góðu líkamlegu standi núna og segir Emre Belözoglu, þjálfari Basaksehir, að Özil verði ekki klár í slaginn fyrr en eftir um mánuð. Það er vonast til þess að hann geti spilað gegn Alanyaspor þann 3. september.

Manni hefði langað að vera í návígi við hann. Þetta er stór prófíll á heimsmælikvarða og ef hann hefði verið að spila á Kópavogsvelli þá hefði það verið stórt fyrir okkur Íslendinga. Því miður fær maður ekki stimpla hann á morgun," sagði Höskuldur.

Höskuldur um Özil: Því miður fær maður ekki stimpla hann á morgun

Við erum spenntir að máta okkur við svona gífurlega sterkan andstæðing. Þetta er pottþétt sterkasta lið sem þessi hópur hefur mætt. Það er bara gaman," sagði Höskuldur Gunnlaugsson, fyrirliði Breiðabliks, þegar fréttamaður Fótbolta.net ræddi við hann fyrir leik liðsins gegn Istanbul Basaksehir í forkeppni Sambandsdeildarinnar.

Við erum fullir sjálfstrausts þessa dagana. Við ætlum að spila okkar leik hérna á morgun á okkar heimavelli. Við vitum að við þurfum að eiga 100 prósent frammistöðu og það er lítið svigrúm fyrir mistök."

Heil og sæl lesendur góðir og verið hjartanlega velkominn í þessa þráðbeinu textalýsingu frá fyrri leik Breiðabliks og Istanbul Basaksehir í 3.umferð Sambandsdeildarinnar.