Hafliði Breiðfjörð eigandi Fótbolta.net er aðsjálfsögðu mættur með myndavélina á loft hér í Víkinni en hann mætir á bókstaflega alla leiki. Ég mun birta einhverjar skemmtilegar frá honum hingað inn í þessa textalýsingu á meðan leik stendur.

Eftirvæntingin er gríðarleg hérna í hamingjunni. Stúkan í Víkinni er að fyllast og leikmenn liðanna eru farin til búningsherbegja og það styttist í þessa veislu.

Ég er sammála Arnari Gunnlaugs og hef bullandi trú á að Víkingar slái þetta Lech Poznan lið út.

Byrjunarlið Víkings:
1. Ingvar Jónsson (m)
3. Logi Tómasson
4. Oliver Ekroth
5. Kyle McLagan
7. Erlingur Agnarsson
9. Helgi Guðjónsson
10. Pablo Punyed
17. Ari Sigurpálsson
18. Birnir Snær Ingason
20. Júlíus Magnússon
22. Karl Friðleifur Gunnarsson

Staðfest að Nikolaj Hansen er ekki með í kvöld.

HÓPURINN
🆚 @lechpoznan
@europacnfleague#conferenceleague #fotboltinet #vikeslechpoznan pic.twitter.com/4xVNFR9U3R

— Víkingur (@vikingurfc) August 4, 2022

Elskaði viðureignina gegn Lech Poznan þegar hann var í Stjörnunni


Víkingur vonast til þess að leika eftir afrek Stjörnunnar frá 2014 þegar Garðabæjarliðið sló út Lech Poznan. Stjarnan vann 1-0 heimasigur og náði svo markalausu jafntefli í seinni leiknum.

Í liði Víkings eru tveir leikmenn sem voru í Stjörnuliðinu sem sló út Lech Poznan 2014, markvörðurinn Ingvar Jónsson og miðjumaðurinn Pablo Punyed.

"Ég er mjög spenntur. Ég elskaði að spila á móti Lech Poznan á sínum tíma. Það voru mjög skemmtilegir leikir, mikil barátta og frábærir stuðningsmenn og leikvangur. Það er alltaf gaman að koma sér í gír fyrir svona viðureignir," sagði Pablo á fréttamannafundi í Víkinni í gær.

"Við teljum okkur eiga góða möguleika. Þetta eru ellefu á móti ellefu og þetta ætti að vera spennandi."



Júlíus Magnússon, fyrirliði Víkings, sat einnig fyrir svörum á fundinum.

"Ég tel möguleikana vera svipaða og þegar við spiluðum gegn Malmö. Þeir eru besta liðið í sínu landi. Við verðum að bera virðingu fyrir styrkleikum þeirra en þetta er úrslitaleikur og liðið sem tapar er úr leik. Þú verður að sýna þitt allra besta í svona leikjum. Við höfum ekkert öryggisnet lengur," sagði Júlíus.

Víkingur gæti mætt Malmö aftur


Ef Víkingur nær að vinna pólska liðið mun liðið leika í umspilinu gegn tapliðinu í viðureign Malmö og Dudelange frá Lúxemborg sem mætast í forkeppni Evrópudeildarinnar. Víkingur tapaði einmitt fyrir Malmö í forkeppni Meistaradeildarinnar. Það þyrfti tvö óvænt úrslit til að liðin mætist aftur, en möguleikinn er til staðar.

Dómaratríóið kemur allt frá Albaníu

Juxhin Xhaja dæmir leikinn hér í kvöld og verður hann með þá Dojando Myftari og Nertil Bregasi. Cjapi Kreshnik sér um skiltið á hliðarlínunni.

Halldór Smári og Nikolaj Hansen ekki með í kvöld

Halldór Smári Sigurðsson varnarmaður Víkings verður ekki með í kvöld en hann er að glíma við meiðsli og verður ekki klár fyrr en eftir sex til sjö vikur. Nikolaj Hansen er einnig að glíma við meiðsli og efaðist Arnar Gunnlaugsson á fréttamannafundi í Víkinni í gær að hann gæti tekið þátt í leiknum núna í kvöld.

Arnar Gunnlaugs er bjartsýnn!

Arnar Gunnlaugsson þjálfari Víkinga sagði á fréttamannafundi í Víkinni í gær að hann telur Víking eiga góða möguleika að slá út Lech Pozman.

Tilhlökkunin er mikil, það er góður taktur í okkar leik og fullt sjálfstraust en við gerum okkur grein fyrir því að við erum 'underdogs' í þessu einvígi. Það er samt allt mögulegt í fótbolta, við þurfum að eiga toppleik sem lið og sem einstaklingar. Við þurfum að sýna andstæðingunum virðingu en vera minnugir þess hvað við höfum gert í Evrópukeppni. Við höfum lært mikið og þroskast mikið sem lið. Ég tel okkur eiga góða möguleika,"

EVRÓPUKVÖLD Í HAMINGJUNNI!

Gott og gleðilegt kvöldið kæru lesendur og verið hjartanlega velkomin með okkur á heimavöll hamingjunnar þar sem Víkingar taka á móti Lech Pozman í þriðju umferð Sambandsdeildarinnar.

Flautað verður til leiks klukkan 18:45