Ekki von á markaveislu
Tölfræðin bendir ekki til að það verði markaveisla á Selfossi í kvöld en í tíu leikjum liðanna í sumar hafa einungis 20 mörk verið skoruð í leikjum Selfoss (fæst allra liða) og 30 mörk í leikjum ÍBV. Einungis Keflavík kemst þar inn á milli en 29 mörk hafa verið skoruð í leikjum Keflavíkur í sumar.

Sif Atladóttir snýr aftur á grasið í dag en hún var í eldlínunni í frækilegri framgöngu íslenska landsliðsins á EM.

Það er spurning hvað gerist hér í dag og hvernig liðin mæta til leiks eftir langt hlé en seinasta umferð í deildinni fór fram 19. júní.

Eftir rólega byrjun töpuðu Eyjastúlkur hins vegar einungis einum af seinustu sex leikjum fyrir hlé, unnu m.a. góðan sigur á Breiðablik og kræktu í jafntefli á Hlíðarenda.

Eftir að hafa byrjað mótið vel fataðist Selfyssingum nokkuð flugið fyrir hlé þar sem liðið vann einungis einn af seinustu sex leikjum.

Góðan dag og verið hjartanlega velkomin á JÁVERK-völlinn, fallegasta knattspyrnuvöll landsins, þar sem Selfyssingar taka á móti ÍBV í rimmunni um Suðurland. Leikurinn er hluti af 11. umferð deildarinnar sem fer nú af stað á ný eftir langt hlé vegna þátttöku Íslands á Evrópumótinu í knattspyrn í Englandi.

Það eru fjórir aðrir leikir í Bestu deildinni í kvöld. Þeir eru allir í beinni textalýsingu hér á síðunni.

Leikir dagsins:
17:30 Selfoss-ÍBV (JÁVERK-völlurinn)
17:30 Valur-Þór/KA (Origo völlurinn)
19:15 KR-Stjarnan (Meistaravellir)
20:00 Afturelding-Þróttur R. (Malbikstöðin að Varmá)