Samsungvöllurinn
föstudagur 12. ágúst 2022  kl. 19:45
Mjólkurbikar kvenna
Dómari: Vilhjálmur Alvar Þórarinsson
Áhorfendur: 348
Maður leiksins: Mist Edvardsdóttir
Stjarnan 1 - 3 Valur
0-1 Mist Edvardsdóttir ('7)
0-2 Cyera Hintzen ('25)
0-3 Cyera Hintzen ('35)
1-3 Jasmín Erla Ingadóttir ('89)
Myndir: Fótbolti.net - Hafliði Breiðfjörð
Byrjunarlið:
1. Chante Sherese Sandiford (m)
3. Arna Dís Arnþórsdóttir
8. Ingibjörg Lúcía Ragnarsdóttir
10. Anna María Baldursdóttir (f)
11. Betsy Doon Hassett ('72)
16. Sædís Rún Heiðarsdóttir
18. Jasmín Erla Ingadóttir
21. Heiða Ragney Viðarsdóttir
23. Gyða Kristín Gunnarsdóttir ('55)
24. Málfríður Erna Sigurðardóttir
30. Katrín Ásbjörnsdóttir ('55)

Varamenn:
2. Sóley Guðmundsdóttir
5. Eyrún Embla Hjartardóttir
7. Aníta Ýr Þorvaldsdóttir ('55)
9. Alexa Kirton
15. Alma Mathiesen ('72)
19. Elín Helga Ingadóttir
31. Hildigunnur Ýr Benediktsdóttir ('55)

Liðstjórn:
Kristján Guðmundsson (Þ)
Andri Freyr Hafsteinsson
Rajko Stanisic
Hilmar Þór Hilmarsson
Benjamín Orri Hulduson
Hulda Björk Brynjarsdóttir

Gul spjöld:

Rauð spjöld:
@MistRunarsdotti Mist Rúnarsdóttir
92. mín Leik lokið!
Valskonur eru á leiðinni á Laugardalsvöll!

Gestirnir vinna sannfærandi 3-1 sigur og mun leika til úrslita í bikarnum.

Á morgun kemur í ljós hvort þær mæti Selfoss eða Breiðablik.

Ég þakka annars fyrir samfylgdina og minni á viðtöl og skýrslu hér síðar í kvöld.
Eyða Breyta
90. mín
Það eru 348 áhorfendur á vellinum og 2 mínútum verður bætt við leiktímann.
Eyða Breyta
89. mín MARK! Jasmín Erla Ingadóttir (Stjarnan)
Klór í bakkann.

Jasmín Erla á skot úr teignum sem lekur inn.

Þetta mark kemur alltof seint fyrir heimakonur.
Eyða Breyta
88. mín
Alma Mathiesen reynir langskot en boltinn fer vel framhjá.
Eyða Breyta
87. mín Brookelynn Paige Entz (Valur) Lára Kristín Pedersen (Valur)
Pétur og Matti gera aðra tvöfalda skiptingu. Brookelynn og Þórdís Elva klára leikinn.
Eyða Breyta
87. mín Þórdís Elva Ágústsdóttir (Valur) Ásdís Karen Halldórsdóttir (Valur)

Eyða Breyta
86. mín
Stjörnukonur fá aukaspyrnu um 40 metrum frá marki. Sædís lyftir boltanum inn á teig en sendingin frá henni svífur aftur fyrir.
Eyða Breyta
84. mín
Valur fær aðra hornspyrnu. Boltinn berst út fyrir teig þar sem Lára Kristín lúrir og þrumar svo yfir Stjörnumarkið!
Eyða Breyta
83. mín
Cyera hótar þrennunni en Chante ver frá henni.

Enn ein hornspyrnan hjá Val og Stjörnukonur bjarga tvisvar á marklínu í kjölfarið!

Fyrst bjargar Hildigunnur á línu og ég sé svo ekki hver það er sem hendir sér fyrir skot Elínar Mettu af markteig!
Eyða Breyta
81. mín Mariana Sofía Speckmaier (Valur) Þórdís Hrönn Sigfúsdóttir (Valur)
Mariana tekur lokamínúturnar fyrir Val. Hún hefur lítið getað spilað vegna meiðsla en virðist vera að komast af stað núna. Verður gaman að kynnast henni betur sem leikmanni.
Eyða Breyta
77. mín
Ásgerður Stefanía fær boltann rétt utan teigs og lætur vaða. Hittir boltann illa og setur hann framhjá.
Eyða Breyta
75. mín
Þessi leikur fer seint í sögubækurnar fyrir hátt skemmtanagildi. Því miður. Eins og maður átti nú von á miklu fjöri fyrirfram.

Valskonur spila agað og ætla ekki að gefa á sér nein færi. Liggur heldur ekkert á að skapa sér nein færi.
Eyða Breyta
72. mín Alma Mathiesen (Stjarnan) Betsy Doon Hassett (Stjarnan)
Þriðja skiptingin hjá Stjörnunni. Alma inn fyrir Betsy.
Eyða Breyta
71. mín Elín Metta Jensen (Valur) Sólveig Jóhannesdóttir Larsen (Valur)
Fyrsta skipting Vals. Elín Metta kemur inn fyrir Sólveigu Larsen. Þórdís Hrönn færir sig yfir á hægri kantinn og Cyera á þann vinstri.
Eyða Breyta
69. mín
Valskonur vinna horn sem Ásdís Karen tekur. Setur boltann á fjær en Stjörnukonur ná að hreinsa.
Eyða Breyta
68. mín
Stjörnuliðið hefur náð að komast aðeins ofar á völlinn síðustu mínútur en hefur ekki náð að ógna. Sandra Sigurðardóttir var að grípa langan bolta inná teig frá Sædísi úr aukaspyrnu.
Eyða Breyta
66. mín
Elísa Viðarsdóttir kemur langt fram á völlinn og reynir skot utan teigs. Fast skot en beint á Chante.
Eyða Breyta
65. mín
Marktilraun hjá Stjörnunni!

Hún kemur hér á 65. mínútu. Heiða Ragney setur boltann vel framhjá. Fékk boltann inná teig eftir aukaspyrnu Stjörnunnar utan af velli.
Eyða Breyta
55. mín Aníta Ýr Þorvaldsdóttir (Stjarnan) Katrín Ásbjörnsdóttir (Stjarnan)
Tvöföld skipting hjá Stjörnunni. Katrín virðist ekki heil.

Aníta og Hildigunnur komu báðar sterk inn gegn Blikum fyrr í vikunni og spurning hvort þær geti hleypt lífi í þetta.
Eyða Breyta
55. mín Hildigunnur Ýr Benediktsdóttir (Stjarnan) Gyða Kristín Gunnarsdóttir (Stjarnan)

Eyða Breyta
53. mín Gult spjald: Lára Kristín Pedersen (Valur)
Lára Kristín er of sein í tæklingu, brýtur á Katrínu og fær gult fyrir vikið.
Eyða Breyta
51. mín
Hættulegt! Valskonur eru nálægt því að bæta við marki. Hættulegur bolti fyrir markið sem dettur niður á markteig en Stjörnukonur ná að hreinsa á síðustu stundu.
Eyða Breyta
49. mín
Valskonur fá aukaspyrnu á miðjum vallarhelmingi Stjörnunnar og setja hættulegan bolta inn á teig. Hann fer af Stjörnukonu og aftur fyrir.

Anna Rakel mætir til að taka horn. Hún setur boltann á nær þar sem Katrín Ásbjörnsdóttir gerir vel í að vinna skallaboltann.
Eyða Breyta
47. mín
Katrín Ásbjörnsdóttir liggur eftir hornspyrnuna og þarf aðhlynningu. Ég sá ekki hvað gerðist nákvæmlega en Katrín stendur upp eftir svolitla stund og fær svo að koma aftur inná þegar Valskonur hafa tekið hornspyrnuna sem þær áttu inni.
Eyða Breyta
46. mín Leikur hafinn
Síðari hálfleikurinn er hafinn og hann byrjar á því að Valskonur sækja hornspyrnu. Ásdís Karen tekur. Setur boltann á nærsvæðið og þaðan er hann hreinsaður aftur fyrir.

Önnur hornspyrna. Aftur Ásdís. Boltinn inn að marki þar sem Cyera er í baráttunni og nær skalla sem Chante slær í aðra hornspyrnu.
Eyða Breyta
45. mín
Allt klárt fyrir seinni hálfleikinn. Engar skiptingar en eflaust einhverjar áherslubreytingar. Sjáum hvað setur.
Eyða Breyta
45. mín
Efnilegar Stjörnustúlkur í 4. og 5.flokki félagsins eru heiðraðar hér í hálfleik. 5.flokkur stóð sig vel á Símamótinu og 4.flokkur gerði góða ferð á Gothia Cup í Svíþjóð. Geggjaðar!
Eyða Breyta
45. mín Hálfleikur
Svakalegar hálfleikstölur á Samsung. Gestirnir í toppmálum og leiða með þremur mörkum. Eru einum hálfleik frá því að tryggja sér farseðil á Laugardalsvöll.

Geta Stjörnukonur fundið einhverjar leiðir til að koma til baka?

Það kemur allt saman í ljós eftir korter.
Eyða Breyta
42. mín
Arna Sif liggur eftir á vellinum. Katrín tók heldur harkalega á henni en ekkert var dæmt. Sandra markvörður er menntaður sjúkraþjálfari og fer í það að kíkja á Örnu Sif á meðan Ásta Árnadóttir, sjúkraþjálfari liðsins, fylgist með af hliðarlínunni. Eftir stutta stund stendur Arna Sif upp að nýju, klár í að halda áfram leik.
Eyða Breyta
40. mín
Valskonur njóta þess að spila á meðan taktlausar Stjörnukonur virka ráðalausar. Betsy og Gyða eru búnar að skipta um kant í von um að finna einhverjar opnanir fram á við. Stjarnan hefur nánast ekkert sótt eftir að Valsarar settu fyrsta markið.
Eyða Breyta
36. mín
Stjörnukonur taka "krísufund" úti á miðjum velli áður en þær taka fjórðu miðjuna og halda áfram leik. Geta þær krafsað sig aftur inn í leikinn?
Eyða Breyta
35. mín MARK! Cyera Hintzen (Valur), Stoðsending: Ásdís Karen Halldórsdóttir
Vá! Geggjuð sending hjá Ásdísi Karen sem sendir Cyera í gegn.

Cyera gerir svo allt hárrétt og skorar framhjá Chante!

Ótrúlegar tölur! Geggjaður bolti frá stoðsendingadrottningunni Ásdísi.
Eyða Breyta
30. mín
Eftir stórkostlega frammistöðu gegn Blikum á þriðjudaginn er ekki sjón að sjá Stjörnuliðið í kvöld. Þær virka þungar og eru alls ekki að ná að tikka saman eins og þær hafa gert svo vel lengst af í sumar.

Það er þó vissulega ennþá heill hellingur eftir af leiknum og Stjörnuliðið með leikmenn innan sinna raða sem geta vel brotið upp leiki.
Eyða Breyta
25. mín MARK! Cyera Hintzen (Valur)
Þetta var slysalegt!

Málfríður Erna á slaka þversendingu sem Valskonur komast inn í. Cyera kemst í gegn og klárar örugglega framhjá Chante.
Eyða Breyta
24. mín
Ásdís Karen reynir fyrirgjöf utan af hægri kanti. Boltinn svífur rétt yfir fjærhornið.
Eyða Breyta
19. mín
Valskonur vinna annað horn. Anna Rakel tekur aftur og setur boltann á sama stað og síðast. Í þetta skiptið skallar Jasmín Erla frá.
Eyða Breyta
18. mín
Anna Rakel skokkar yfir til hægri til að taka hornið fyrir Val. Hún setur boltann inn á markteig en Chante gerir vel í að grípa fyrirgjöfina.
Eyða Breyta
17. mín
Það er lítið markvert að frétta héðan af Samsungvellinum eftir að Valskonur tóku forystuna en rétt í þessu var Sólveig Larsen að vinna fyrir þær hornspyrnu.
Eyða Breyta
7. mín MARK! Mist Edvardsdóttir (Valur), Stoðsending: Anna Rakel Pétursdóttir
Þá sækja Valskonur og vinna hornspyrnu. Ásdís Karen hefur verið dugleg að leggja upp fyrir Val í sumar og setur boltann fyrir.

Boltinn hrekkur út í teig þar sem Anna Rakel lætur vaða! Skot hennar stefnir hraðbyri framhjá markinu og í áttina að Mist sem bregst hratt og vel við og stýrir boltanum í netið með góðum skalla!
Eyða Breyta
5. mín
Stjarnan er að fá aukaspyrnu á hættulegum stað. Rétt utan við D-bogann.

Gyða Kristín tekur spyrnuna en þrumar í varnarvegginn!
Eyða Breyta
3. mín
Lið Vals:

Sandra

Elísa - Mist - Arna Sif - Anna Rakel

Lára Kristín - Ásgerður Stefanía

Sólveig - Ásdís - Þórdís

Cyera
Eyða Breyta
2. mín
Valskonur að ógna. Litlu munar að bæði Cyera og Ásdís finni skot í vítateig Stjörnunnar áður en Ásdís þrumar yfir.
Eyða Breyta
2. mín
Anna María hendir í hörkutæklingu og stöðvar Valskonur sem voru búnar að koma sér inn í vítateig Stjörnunnar.
Eyða Breyta
2. mín
Lið Stjörnunnar:

Chante

Arna Dís - Anna María - Málfríður - Sædís

Betsy - Ingibjörg - Heiða - Gyða

Jasmín - Katrín
Eyða Breyta
1. mín Leikur hafinn
Let's go!

Leikurinn er hafinn. Það er Katrín Ásbjörns sem sparkar þessu í gang fyrir bláklæddar heimakonur.
Eyða Breyta
Fyrir leik
Nú ganga leikmenn og dómarar til vallar. Þetta er að skella á!
Eyða Breyta
Fyrir leik
Það styttist í að leikar hefjist og byrjunarliðin eru klár.

Þjálfararnir stilla upp sömu byrjunarliðum og í síðustu deildarleikjum liðanna.
Eyða Breyta
Fyrir leik
Stjarnan hefur orðið bikarmeistari þrisvar sinnum. Síðast árið 2015 en liðið tapaði úrslitaleikjum bæði 2017 og 2018.

Valskonur hafa þrettán sinnum orðið bikarmeistarar. Orðið er langt síðan síðast en það var árið 2011.

Valur og Stjarnan mættust í bikarúrslitum fyrir áratug en þá höfðu Stjörnukonur betur og unnu 1-0 sigur.

Breiðablik eru ríkjandi bikarmeistarar en þær leika gegn Selfossi á morgun í hinum undanúrslitaleiknum.
Eyða Breyta
Fyrir leik
Bæði lið komu inn í Mjólkurbikarinn í 16-liða úrslitum.

Þar mættu þau bæði liðum úr Lengjudeildinni. Stjarnan vann FH með einu marki gegn engu í Kaplakrika en Valskonur unnu 4-1 útisigur á Tindastól.

Liðin unnu svo sannfærandi sigra á efstu deildar liðum í 8-liða úrslitum. Stjarnan gerði góða ferð til Eyja og vann ÍBV 4-1 en Valskonur lögðu KR-inga 3-0 á heimavelli.
Eyða Breyta
Fyrir leik
Það eru aðeins rétt rúmar 2 vikur síðan liðin mættust síðast. Þá í Bestu-deildinni og á Origo-vellinum.

Sá leikur endaði með 1-1 jafntefli. Katrín Ásbjörnsdóttir kom Stjörnunni þá yfir á 30. mínútu en Cyera Makenzie Hintzen jafnaði 12 mínútum síðar og þar við sat.

Valskonur höfðu haft betur og unnið 2-0 sigur í fyrri deildarleik liðanna í sumar.

Báðir leikirnir voru jafnir og spennandi og það er engin hætta á öðru en að leikurinn í kvöld verði það líka!
Eyða Breyta
Fyrir leik
Heil og sæl og gleðilegt undanúrslitakvöld!

Hér verður bein textalýsing frá stórleik Stjörnunnar og Vals sem munu há harða baráttu um sæti í úrslitum Mjólkurbikarsins.

Vilhjálmur Alvar Þórarinsson dómari mun flauta til leiks á Samsungvellinum í Garðabæ á slaginu 19:45.
Eyða Breyta
Byrjunarlið:
1. Sandra Sigurðardóttir (m)
4. Arna Sif Ásgrímsdóttir
5. Lára Kristín Pedersen ('87)
6. Mist Edvardsdóttir
7. Elísa Viðarsdóttir (f)
8. Ásdís Karen Halldórsdóttir ('87)
11. Anna Rakel Pétursdóttir
13. Cyera Hintzen
14. Sólveig Jóhannesdóttir Larsen ('71)
17. Þórdís Hrönn Sigfúsdóttir ('81)
27. Ásgerður Stefanía Baldursdóttir

Varamenn:
20. Fanney Inga Birkisdóttir (m)
10. Elín Metta Jensen ('71)
15. Brookelynn Paige Entz ('87)
16. Þórdís Elva Ágústsdóttir ('87)
19. Bryndís Arna Níelsdóttir
22. Mariana Sofía Speckmaier ('81)
24. Mikaela Nótt Pétursdóttir
26. Sigríður Theód. Guðmundsdóttir

Liðstjórn:
Ásta Árnadóttir
Pétur Pétursson (Þ)
María Hjaltalín
Matthías Guðmundsson (Þ)
Gísli Þór Einarsson
Mark Wesley Johnson

Gul spjöld:
Lára Kristín Pedersen ('53)

Rauð spjöld: