Þessi leikur er löngu búinn og lítil skemmtun í augnablikinu. Vel gert hjá Valskonum!

Mist með ágætis skalla í teignum en markvörður Shelbourne nær að slá boltann frá marki.

Tíu mínútur. Valskonur með tögl og haldir á þessum leik. Þær munu fara í næstu umferð forkeppninnar.

Þessi leikur er að fjara út. Tempóið er ekki mjög hátt núna.

Cyera með hörkuskot í STÖNGINA! Mariana Sofía nær svo til boltans og á skot sem er varið.

Graham með laust skot að marki sem Sandra á í engum vandræðum með.

Valskonur að hóta fjórða markinu. Cyera með hörkuskot að marki en það er vel varið.

Mist með skalla rétt yfir markið eftir hornspyrnu. Þarna urðu mörkin næstum því fjögur.

Valskonur eru búnar að ganga frá þessum leik og eru á leið á næsta stig forkeppninnar. Þær færast einu skrefi nær riðlakeppni.

Elísa gengur frá leiknum fyrir Val.

LEIKURINN ER HAFINN AFTUR
Búið að slökkva í Dua Lipa og þetta er komið aftur af stað.

Elísa með huggulega sendingu inn á teiginn en Ásdís Karen nær ekki alveg að taka hana með sér.

TÖLFRÆÐIN HINGAÐ TIL:
Tilraunir: 5-4
Á markið: 2-0
Hornspyrnur: 2-3

Shelbourne ekkert náð að ógna eftir því sem hefur liðið á seinni hálfleikinn. Valur er augljóslega betra fótboltaliðið, það er engin spurning um það.

Fín sókn hjá Val og boltinn berst til Þórdísar í teignum en hún nær ekki alveg nægilega góðu skoti.

Sólveig Larsen með fína tilraun af einhverjum 20-25 metrum rétt yfir markið.

Þetta var skemmtileg tilraun og með smá heppni hefði þessi bolti endað í markinu. Markvörður Shelbourne ekki með allt á hreinu þarna.

Shelbourne fær hornspyrnu en auðvitað skallar Arna Sif þetta frá. Hún hefur verið frábær í sumar og var nýverið valin í A-landsliðið fyrir síðustu tvo leikina í undankeppni HM.

Eftir frekar brösuga byrjun þá eru Valskonur búnar að gera vel í því að vinna sig inn í leikinn.

Cyera skoraði fyrir Val.

VÍTI?????
Þórdís Hrönn fellur í teignum en ekkert dæmt. Það var lykt af þessu!

Slök spyrna sem er skölluð í burtu af fyrsta varnarmanni.

Valur fær hornspyrnu. Koma svo!

Kæri lesandi, ef þú ert ekki búin/n að lesa viðtalið sem kollegi minn Sæbjörn Þór Steinke tók við Önnu Rakel Pétursdóttur, bakvörð Vals, á dögunum þá mæli ég klárlega með því.

Hægt er að nálgast viðtalið með því að smella hérna.

Það er meiri kraftur í Shelbourne hér í byrjun.

Þær írsku fengu óbeina aukaspyrnu. Þetta var frekar furðulegt. Valskonur héldu að boltinn væri farinn út af og gaf Cyera boltann á Söndru sem tók hann upp. Dómarinn mat það ekki þannig að boltinn hefði farið út af og því var dæmd óbein aukaspyrna.

Sem betur fer náðu Írarnir ekki skoti á markið úr þessari óbeinu aukaspyrnu, settu boltann langt fram hjá.

VALUR ER AÐ STILLA SVONA UPP:
Sandra

Elísa - Mist - Arna Sif - Anna Rakel

Adda - Lára Kristín

Sólveig - Ásdís Karen - Þórdís Hrönn

Cyera

Það vekur athygli að Elín Metta Jensen er áfram á bekknum hjá Val. Hún var að glíma við veikindi eftir EM og hefur ekki náð að vinna sér sæti í byrjunarliðinu eftir það. Hún var valin í landsliðshópinn á dögunum.

Valskonur eru að spila á öðrum leikvangi núna. Þessi er mun flottari en sá síðasti. Það er greinilega búið að rigna í Slóveníu í dag en aðstæður virðast nokkuð góðar.