Víkingur R.
2
2
Valur
Helgi Guðjónsson '26 1-0
Kyle McLagan '33 2-0
2-1 Tryggvi Hrafn Haraldsson '39
Oliver Ekroth '57 , sjálfsmark 2-2
22.08.2022  -  20:15
Víkingsvöllur
Besta-deild karla
Aðstæður: Logn, skýjað og smá úði. Gerist ekki betra.
Dómari: Ívar Orri Kristjánsson
Maður leiksins: Frederik Schram
Byrjunarlið:
1. Ingvar Jónsson (m)
4. Oliver Ekroth
5. Kyle McLagan
7. Erlingur Agnarsson
8. Viktor Örlygur Andrason (f)
9. Helgi Guðjónsson
10. Pablo Punyed
17. Ari Sigurpálsson ('69)
18. Birnir Snær Ingason ('69)
19. Danijel Dejan Djuric
20. Júlíus Magnússon (f)

Varamenn:
16. Þórður Ingason (m)
11. Gísli Gottskálk Þórðarson
14. Sigurður Steinar Björnsson ('69)
23. Nikolaj Hansen ('69)
26. Jóhannes Dagur Geirdal
26. Jóhannes Karl Bárðarson
30. Tómas Þórisson

Liðsstjórn:
Arnar Gunnlaugsson (Þ)
Þórir Ingvarsson
Hajrudin Cardaklija
Sölvi Ottesen
Kári Árnason
Guðjón Örn Ingólfsson
Rúnar Pálmarsson

Gul spjöld:
Viktor Örlygur Andrason ('7)
Erlingur Agnarsson ('84)

Rauð spjöld:
Leik lokið!
Jafntefli niðurstaðan í bráðfjörugum leik. Bæði lið ósátt. Víkingar að tapa niður forystu og Valsmenn með færin sem fóru forgörðum.

Viðtöl og skýrsla væntanleg.
93. mín
FREDERIK SCHRAM VER!!!!!!

Sigurður Steinar í dauðafæri

Pablo með boltann fyrir frá vinstri sem og boltinn fram og aftur teiginn berst loks fyrir fætur Sigurðar sem er á markteignum og reynir að táa boltann inn en Frederik ver í horn.
92. mín
Valsmenn fá hornspyrnu þegar rétt um mínúta er eftir að uppgefnum uppbótartíma.
91. mín
Patrick aleinn í teignum eftir fyrirgjöf frá hægri en nær ekki til boltans.
90. mín
Uppbótartími er að minnsta kosti þrjár mínútur.
88. mín
Júlíus Magnússon með skot en boltinn framhjá markinu.
87. mín
Daniel með lúmskan bolta fyrir markið en Hólmar Örn setur boltann í horn.
87. mín Gult spjald: Aron Jóhannsson (Valur)
Fyrir brot a Daniel
86. mín
Inn:Orri Hrafn Kjartansson (Valur) Út:Tryggvi Hrafn Haraldsson (Valur)
85. mín
Snögg sókn Víkinga sem færa boltann hratt kanta á milli. Boltinn á Helga sem leikur inn og á skotið en beint á Frederik.
85. mín
Guðmundur Andri með skalla að marki en nær ekki að stýra boltanum á rammann.
84. mín Gult spjald: Erlingur Agnarsson (Víkingur R.)
Brýtur á Hólmari.
82. mín
Átta mínútur eftir. Er dramatík í kortunum?
77. mín
Jesper með spyrnuna sem svífur yfir markið.
76. mín
Valsmenn fá aukaspyrnu á álitlegum stað. Við vítateigshorn hægra megin.
75. mín
Petry þræðir Tryggva í gegn en Ingvar bjargar með góðu úthlaupi.
74. mín
Tryggvi Hrafn í fínu skotfæri sendir boltann yfir hæðina yfir í Kópavoginn svo hátt yfir markið fer boltinn.
72. mín
Þvílíkur darraðadans í teig Víkinga, Patrick og Aron í frábæru færi en hvorugur þeirra hreinlega hittir boltann.
71. mín
Birkir Már með stóhættulega sendingu fyrir mark Víkinga en heimamenn bægja hættunni frá.
69. mín
Inn:Sigurður Steinar Björnsson (Víkingur R.) Út:Ari Sigurpálsson (Víkingur R.)
Skoraði gegn KR. Hvað gerir hann hér?
69. mín
Inn:Nikolaj Hansen (Víkingur R.) Út:Birnir Snær Ingason (Víkingur R.)
Niko mætir til leiks. Með mjög gott record gegn Val.
68. mín
Daniel Djuric þú átt að skora úr svona færi!!!!!!!

Fær boltann aleinn á markteig en skóflar boltanum yfir markið.

Að drengurinn sé ekki búinn að skora er mér hulin ráðgáta.
66. mín Gult spjald: Hólmar Örn Eyjólfsson (Valur)
Brýtur á Júlíusi Magnússyni.

Setur höndina í andlitið á honum.

Gummi Ben segir að rautt spjald sé vel réttlætanlegt. Veit ekki með það samt.
65. mín
Lasse Petry með hörkuskot sem fer af varnarmanni og sleikir stöngina á leið sinni í horn.
62. mín
Aron Jó með ágætis vinstrifótar skot úr teignum sem fer rétt framhjá stönginni eftir viðkomu í Júlíusi.

Meiri orka í Valsmönnum.
60. mín
Víkingar fá hornspyrnu eftir ágæta pressu.
58. mín
Inn:Lasse Petry (Valur) Út:Haukur Páll Sigurðsson (Valur)
57. mín SJÁLFSMARK!
Oliver Ekroth (Víkingur R.)
Haukur Páll finnur Ágúst Eðvald í teignum sem rennir boltanum inn á teiginn þar sem Oliver mætir og tæklar boltann í eigið net.

Allt jafnt hér í Víkinni.
54. mín
Valsmenn verið ögn skarpari í upphafi síðari hálfleiks og náð að setja smá pressu á Víkinga.
51. mín
Guðmundur Andri í þröngu færi í teignum en Viktor hendir sér fyrir skot hans og kemur boltanum afturfyrir.
49. mín
Daniel Djuric í frábæru færi vinstra megin í teignum og ætlar að reyna að lauma honum í nærhornið en Frederik ver glæsilega í horn.
46. mín
Seinni hálfleikur er hafinn

Heimamenn sparka þessum síðari hálfleik í gang.
45. mín
Hálfleikur
Fréttaritari var eitthvað annars hugar við Hjaltestedborgarann fyrir leik og var gripinn með það.

Því skal þó haldið til haga að þessi breyting er mjög í anda margs sem Arnar Gunnlaugsson gerir svo Palli hittir sannarlega naglann á höfuðið.

#skalmunaaðvandamig
45. mín
Hálfleikur
Þessum vægast sagt fjöruga fyrri hálfleik er lokið, Tökum okkur smá pásu og snúum aftur að vörmu spori.
45. mín
Birnir Snær með hörkuskot úr D-boganum sem Frederik gerir vel í að verja.
45. mín
Uppbótartími fyrri hálfleiks er að minnsta kosti 1 mínúta.
44. mín
Ari að vinna sig í álitlega stöðu í teig Vals en Ágúst Eðvald bjargar í horn.
39. mín MARK!
Tryggvi Hrafn Haraldsson (Valur)
Beint úr aukaspyrnunni.

Velur að setja boltann í markmannshornið. Ingvar að leggja af stað í hitt hornið og kemur engum vörnum við.
38. mín
Valsmenna að vinna aukaspyrnu á stórhættulegum stað á D-boganum.
38. mín
Ágúst Eðvald með hörkuskot í slánna eftir hornið..

Hornið tekið útfyrir teiginn á Ágúst sem lætur vaða en boltinn vill ekki í markið.
37. mín
Aron Jó í prýðisskotfæri í teignum en hikar. Varnarmenn komast fyrir og boltinn í horn.
35. mín
Valsmenn eru hálfslegnir og galopnir til baka.

Þegar Víkingar koma með boltann að teig þeirra skapast nánast undantekningalaust stórhætta.
33. mín MARK!
Kyle McLagan (Víkingur R.)
Stoðsending: Danijel Dejan Djuric
Daniel með hornið inn á teiginn sem dettur fyrir fætur Kyle sem stýrir boltanum í netið af stuttu færi.

Víkingar tvöfalda sem er hálf ótrúlegt eins og leikurinn byrjaði.
32. mín
Frederik Schram að bjarga Valsmönnum,

Daniel að sleppa einn í gegn og velur að skjóta í stað þess að finna Erling eða Helga sem voru í mun betri stöðu.

Frederik gerir virkilega vel að verja í horn
30. mín
Hvernig bregðast Valsmenn við þessu eða er þetta vatn á myllu Víkinga.
26. mín MARK!
Helgi Guðjónsson (Víkingur R.)
Stoðsending: Birnir Snær Ingason
Víkingar komast yfir!

Pablo finnur Birni í teignum sem checkar aðeins aftur út og lyftir boltanum yfir á fjærstöng þar sem Helgi Guðjónsson mætir og gerir virkilega vel að taka boltann á lofti og skora úr þröngu færi!
21. mín
Birnir Snær með skot um 19 metrum frá marki en boltinn vel yfir og olli Frederik engu hugarangri.
18. mín
Erlingur með skot í stöng!

Hvað er að gerast hérna?!

Pablo með frábæra fyrirgjöf frá vinstri, Erlingur vinnur sig framfyrir Sigurð Egil og er fyrstur á boltann en setur hann í stöngina af stuttu færi.

Að liðin séu ekki búin að skora!
16. mín
Valsmenn sækja hratt upp hægri kantinn, Birkir Már með svæði og leggur boltann á Patrick sem á skotið en það er dapurt og rúllar framhjá marki Víkinga.
15. mín
Daniel Djuric!

Fær boltann á miðjum vallahelmingi Vals og fær að snúa, er með Helga í hlaupinu en sér ekkert nema markið og lætur bara vaða. Skotið frábært en smellur í stönginni og út.
14. mín
Ágúst Eðvald með tíma og pláss og fær að snúa, Keyrir í átt að marki og á skotið en enn ver Ingvar og slær boltann frá.
10. mín
Tryggvi Hrafn í dauðafæri við markteig.

Fær frábæra sendingu innfyrir og tekur hann á lofti en Ingvar Jónsson með virkilega góða vörslu.

Valsmenn beittari í upphafi.
7. mín Gult spjald: Viktor Örlygur Andrason (Víkingur R.)
Togar í Guðmund Andra þegar hann er við það að sleppa framhjá honum.
6. mín
Darrraðadans í teig Víkinga eftir hornspyrnu. Boltinn manna á milli uns Hólmar nær lausum skalla að marki sem endar í stönginni í Viktor og í fang Ingvars.

Fjörug byrjun á þessum leik.
4. mín
Guðmundur Andri einn í gegn!

Boltinn lekur framhjá hverjum leikmanni á fætur öðrum fyrir fætur Gandra sem er aleinn gegn Ingvari. Ingvar mætir vel úti á móti og nær að reka vinstri fótinn í boltann sem siglir afturfyrir í horn.
2. mín
Ari Sigurpáls fær pláss úti til vinstri, Haukur Páll hikar og Ari fer auðveldlega framhjá honum. Lætur vaða á markið en boltinn rétt framhjá marki Vals.
1. mín
Kyle er í hægri bak með Viktor og Oliver sér við hlið. Pablo er svo vinstra megin.
1. mín
Leikur hafinn
Þetta er farið af stað hér í Víkinni. Það eru gestirnir sem hefja hér leik.
Fyrir leik
Nikolaj Hansen er í leikmannahópi Víkinga í kvöld en hann hefur verið frá vegna meiðsla. Hversu mikið hann mun taka þátt er spurningamerki en hann ku ekki hafa getað æft mikið fyrir þennan leik og því óvissa um hversu fit hann er fyrir leikinn.
Fyrir leik
Pablo er staðfestur í vinstri bakverði í kvöld en ef marka má orð Arnars Gunnlaugssonar sem í langflestu falli er hægt að treysta á er Kyle McLagan í hægri bakverði hjá Víkingum í kvöld og Viktor Örlygur í miðverði.
Fyrir leik
Víkingar gera eina breytingu á liði sínu frá sigrinum á KR í Mjólkurbikarnum á dögunum. Karl Friðleifur er frá vegna meiðsla og kemu í Helgi Guðjónsson inn í hans stað.Það má því reikna með að Pablo Punyed og Viktor Örlygur verði í bakvörðunum hjá Víkingum í kvöld.

Valur sem vann 6-1 sigur á Stjörnunni í síðustu umferð gera tvær breytingar Sebastian Hedlund fer á bekkinn ásamt Orra Hrafni Kjartanssyni en í þeirra stað koma Hólmar Örn Eyjólfsson og Guðmundur Andri Tryggvason inn í liðið.
Elvar Geir Magnússon
Fyrir leik
Spákúlan

Ólöf Sigríður Kristinsdóttir, leikmaður Þróttar, spáir í 18. umferðina. Um leik Víkinga og Vals sagði Olla eins og hún er kölluð.

,,Jæja, þá er komið að stórleik umferðarinnar sem við bíðum öll spennt eftir. Víkingsmenn eru með blóð á tönnunum og sýkingu í augunum eftir grátleg endalok á Evrópuævintýrinu mikla. Þeir ætla svo sannarlega að gjalda sína dauðdaga. Valsmenn hins vegar eru dansandi á rósum eftir stórsigur í seinustu umferð. Þetta verður markaleikur þar sem gæðin eru gríðarleg í báðum liðum. Lokaniðurstaðan á heimavelli hamingjunnar verður 3-2.´´

Ég er ekki frá því að ég fari fram á að Olla reynist sannspá hvað gæði leiksins varðar í það minnsta.


Fyrir leik
Tríóið og fylgifiskar

Ívar Orri Kristjánsson er maðurinn með flautunna í leik kvöldsins. Honum til halds og trausts eru þeir Birkir Sigurðarson og Jóhann Gunnar Guðmundsson. Erlendur Eiríksson heldur mönnum í skefjum á bekk liðanna og eftirlitsmaður KSÍ er maðurinn sem innleiddi frasann "Þetta jafnast allt út" í íslenska dómgæslu sjálfur Gylfi Þór Orrason.


Fyrir leik
Fyrri leikurinn

Fyrri leikur liðanna í sumar var eign Víkinga að mestu. Eftir markalausan fyrri hálfleik kom áðurnefndur Nikolaj Hansen Víkingum yfir með marki úr vítaspyrnu á 56.mínútu. Logi Tómasson sem einnig elskar að spila á móti Val bætti við marki á 75.mínútu og það var svo Helgi Guðjónsson sem rak síðasta naglann í kistu Vals það kvöld með marki á 84.mínútu. Arnór Smárason lagaði svo stöðuna fyrir Val í uppbótartíma og lokatölur 3-1 Víkingum í vil.


Fyrir leik
Víkingur

Víkingar eiga líkt og Valsmenn í harðri baráttu um efstu sæti deildarinnar en leikurinn í kvöld verður að kallast lykilleikur fyrir þá. Þrjú stig í kvöld eru þeim afskaplega mikilvæg í eltingarleiknum við lið Breiðabliks. Þeir gætu líka misst lið Vals framúr sér í töflunni í kvöld en hafa verður í huga að Víkingar eiga leik til góða á liðin í kringum sig.

Talsvert er um forföll í hópi Víkinga en Arnar Gunnlaugsson átti von á að einhverjir leikmenn sem verið hafa frá að undanförnu ættu að ná leik kvöldsins til að mynda fyrrum leikmaður Vals Nikolaj Hansen sem virðist kunna afar vel við að spila gegn Val og skorar nánast alltaf gegn þeim.


Fyrir leik
Valur

Valsmenn hafa gengið í endurnýjun lífdaga undir stjórn Óla Jó sem tók aftur við liðinu á dögunum eftir að Heimir Guðjónsson var rekinn frá félaginu. Undir stjórn Óla hefur liðið fengið 10 stig af 12 mögulegum úr fjórum leikjum, skorað 13 mörk en fengið á sig 5 og komið sér aftur af krafti í slaginn um sæti í Evrópu að ári.

Síðasti leikur liðsins var 6-1 sigur á Stjönunni þar sem Valsmenn léku á alls oddi. Patrick Pedersen hefur fundið markaskónna á ný og Tryggvi Hrafn Haraldsson er á eldi eins og Elvar Geir Magnússon ritstjóri Fótbolta.net myndi orða það.


Fyrir leik
Risaslagur í Víkinni

Gott kvöld kæru lesendur og verið hjartanlega velkomin í beina textalýsingu Fótbolta.net frá slag Víkings og Vals í Bestu deild karla.
Byrjunarlið:
1. Frederik Schram (m)
Haukur Páll Sigurðsson ('58)
2. Birkir Már Sævarsson
3. Jesper Juelsgård
7. Aron Jóhannsson
9. Patrick Pedersen
11. Sigurður Egill Lárusson
12. Tryggvi Hrafn Haraldsson ('86)
14. Guðmundur Andri Tryggvason
15. Hólmar Örn Eyjólfsson (f)
22. Ágúst Eðvald Hlynsson

Varamenn:
25. Sveinn Sigurður Jóhannesson (m)
5. Birkir Heimisson
6. Sebastian Hedlund
8. Arnór Smárason
13. Rasmus Christiansen
18. Lasse Petry ('58)
19. Orri Hrafn Kjartansson ('86)

Liðsstjórn:
Ólafur Jóhannesson (Þ)
Kjartan Sturluson
Halldór Eyþórsson
Einar Óli Þorvarðarson
Haraldur Árni Hróðmarsson
Örn Erlingsson
Helgi Sigurðsson

Gul spjöld:
Hólmar Örn Eyjólfsson ('66)
Aron Jóhannsson ('87)

Rauð spjöld: