Miðað við kollega mína í blaðamannastúkunni er jafnteflislykt af þessum leik. Flestir reikna með jöfnum markaleik

Fyrir leik ætla Framarar að heiðra leikmenn sem urðu Íslandsmeistarar með Fram árin 1962 og 1972

Fínasta mæting í Úlfarsárdalinn í kvöld. Í VIP stúkunni er mannskapurinn að gæða sér á plokkfisk og það er mikil spenna fyrir leiknum.

Ísak Snær Þorvaldsson snýr aftur í byrjunarlið Breiðabliks gegn Fram í Bestu deildinni í kvöld.

Ísak hefur verið að glíma við höfuðmeiðsli en er búinn að ná sér og er í byrjunarliði Blika í kvöld.

Þá byrjar Elfar Freyr Helgason í fyrsta sinn í deildinni á þessu tímabili. Hann leysir Damir Muminovic af hólmi, en Damir er í leikbanni í kvöld

Þrír Blikar í banni
Topplið Breiðabliks verður án þriggja leikmanna sem taka út bann þegar liðið heimsækir Fram. Þar á meðal er Damir Muminovic sem fer sjálfkrafa í eins leiks bann eftir rauða spjaldið sem hann fékk gegn Víkingi.

Á fundi aganefndar var svo staðfest að Dagur Dan Þórhallsson og Gísli Eyjólfsson verða líka í banni en þeir hafa safnað fjórum spjöldum hvor.

Þetta er sjötti leikur Fram á nýjum og geggjuðum leikvangi sínum í Úlfarsárdal en liðið hefur ekki enn tapað leik á vellinum.

20. júní
Fram 3 - 3 ÍBV

11. júlí
Fram 1 - 0 FH

3. ágúst
Fram 2 - 2 Stjarnan

7. ágúst
Fram 3 - 3 Víkingur

15. ágúst
Fram 4 - 1 Leiknir

Fyrri leikur liðanna í sumar fór fram 22. maí og var mjög fjörugur. Breiðablik vann þá torsóttan 4 - 3 sigur á Kópavogsvelli.

LESTU UM LEIKINN

Breiðablik 4 - 3 Fram
1-0 Kristinn Steindórsson ('7)
2-0 Kristinn Steindórsson ('9, víti)
2-1 Guðmundur Magnússon ('26)
2-1 Kristinn Steindórsson ('33, misnotað víti)
2-2 Fred Saraiva ('58)
3-2 Höskuldur Gunnlaugsson ('60)
3-3 Tiago Fernandes ('62)
4-3 Omar Sowe ('87)

Ólöf Sigríður Kristinsdóttir, leikmaður Þróttar, spáir í 18. umferðina fyrir Fótbolta.net

Fram 0 - 4 Breiðablik
Eftir sterkan sigur hjá Frömurum í seinasta leik verður þeim svoleiðis kippt aftur niður á jörðina. Blikar mæta virkilega einbeittir eftir jafnteflið í seinustu umferð. Töflufundir Óskars munu klárlega skila sínu og því vinnur Breiðablik sanngjarnan 4-0 sigur.

Ólöf Sigríður Kristinsdóttir

Elías Már Árnason dæmir leikinn í dag og er með þá Kristján Má Ólafs og Berg Daða Ágústsson sér til aðstoðar á línunum. Arnar Ingi Ingvarsson er skiltadómari og KSÍ sendi Sigurð Hannesson til að hafa eftirlit með störfum dómara og umgjörð leiksins.
Elías Ingi dæmir leikinn í dag.

Góðan daginn og verið velkomin í beina textalýsingu frá Framvellinum í Úlfarsárdal.

Hér mætast Fram og Breiðablik í Bestu-deild karla en leikurinn hefst klukkan 19:15.