Osimhen fer til Lundúna - Tuchel aftur til Englands - Zidane til Bayern? - Bayern og Liverpool berjast um Alonso
Þróttur R.
2
3
Keflavík
0-1 Anita Lind Daníelsdóttir '16
0-2 Amelía Rún Fjeldsted '45
Ólöf Sigríður Kristinsdóttir '49 1-2
1-3 Snædís María Jörundsdóttir '50
Andrea Rut Bjarnadóttir '89 2-3
12.09.2022  -  19:15
AVIS völlurinn
Besta-deild kvenna
Dómari: Gunnar Oddur Hafliðason
Áhorfendur: 180
Maður leiksins: Caroline Van Slambrouck
Byrjunarlið:
1. Íris Dögg Gunnarsdóttir (m)
0. Sóley María Steinarsdóttir
7. Andrea Rut Bjarnadóttir
9. Freyja Karín Þorvarðardóttir
10. Danielle Julia Marcano
12. Murphy Alexandra Agnew
16. María Eva Eyjólfsdóttir
21. Lorena Yvonne Baumann
23. Sæunn Björnsdóttir
29. Ólöf Sigríður Kristinsdóttir
77. Gema Ann Joyce Simon

Varamenn:
20. Hafdís Hafsteinsdóttir (m)
4. Hildur Laila Hákonardóttir
4. Hekla Dögg Ingvarsdóttir
5. Jelena Tinna Kujundzic
7. Brynja Rán Knudsen
8. Álfhildur Rósa Kjartansdóttir
14. Guðrún Ólafía Þorsteinsdóttir
17. Katla Tryggvadóttir
19. Elísabet Freyja Þorvaldsdóttir

Liðsstjórn:
Nik Chamberlain (Þ)
Egill Atlason
Jamie Paul Brassington
Edda Garðarsdóttir
Angelos Barmpas

Gul spjöld:
María Eva Eyjólfsdóttir ('17)

Rauð spjöld:
Leik lokið!
LEIK LOKIÐ!

Keflvíkingar sækja þrjú risa stig í Laugardalinn!

Lyfta sér upp í 16 stig og fjarlægjast botninn.

Líkt og Blikum og Stjörnunni mistekst Þrótturum að vinna í umferðinni og setja kraft í baráttuna um 2. sætið.

Ég þakka annars fyrir mig og minni á viðtöl og skýrslu hér síðar í kvöld.
92. mín
Þróttarar fá aukaspyrnu rétt utan teigs hægra megin.

Andrea Rut tekur og rennir boltanum inná teig á Danielle sem reynir viðstöðulaust skot en þrumar yfir!

Vel útfært hjá Þrótti en skotið hátt yfir.
92. mín
Það getur ekki verið langur uppbótartími. Aðeins ein skipting hefur verið gerð og leikurinn bara stopp í stutta stund þegar Silvia Leonessi meiddi sig eftir tæklingu stuttu eftir að hún kom inná.
91. mín
Keflvíkingar tapa boltanum á miðjunni og Þróttarar eiga séns á skyndisókn. Olla fær boltann vinstra megin og rennir honum fyrir markið en Kristrún Ýr þrumar frá!
89. mín MARK!
Andrea Rut Bjarnadóttir (Þróttur R.)
Stoðsending: Murphy Alexandra Agnew
Líflína?

Andrea Rut minnkar muninn. Skilar boltanum viðstöðulaust í netið eftir fyrirgjöf Murphy!
88. mín
Þetta er að klárast. Fáum við heimamark til að skapa spennu í lokin eða verður þetta solid hjá gestunum?
85. mín
Keflvíkingar koma hærra. Dröfn reynir fyrirgjöf frá hægri en Íris Dögg grípur boltann.
80. mín
Loksins ná Þróttarar að skapa hættu í kjölfar hornspyrnu.

Murphy setti boltann fyrir frá hægri. Olla hafði plantað sér fyrir framan Samönthu og náði skallanum en setti boltann aðeins yfir!
78. mín
Aftur eru Þróttarar að komast í góða fyrirgjafastöðu. Setja hættulegan bolta fyrir en Keflvíkingar eru hrikalega sterkar í teignum sínum og ná að loka.
77. mín
Enn ein hornspyrna heimakvenna. Murphy tekur en Caroline skallar frá.
74. mín
Virkilega vel spilað hjá Þrótti!

Sóknin endar á þríhyrningi hjá Ollu og Murphy sem skýtur yfir!
70. mín Gult spjald: Sigurrós Eir Guðmundsdóttir (Keflavík)
Brýtur á Danielle til að missa hana ekki framhjá sér.
66. mín
Aftur eru Þróttarar að sækja horn en Keflvíkingar sterkar í teignum. Snædís María skallar frá.

10-0 fyrir Þrótti í hornum.
66. mín
Inn:Silvia Leonessi (Keflavík) Út:Amelía Rún Fjeldsted (Keflavík)
Fyrsta skipting leiksins. Silvia kemur inn á vinstri kantinn fyrir Amelíu.
62. mín
Aftur er Danielle á sprettinum og í þetta skiptið kemur hún boltanum á Ollu sem er vinstra megin í teignum. Olla tekur boltann með sér og leitar að skotinu þegar Kristrún Ýr kemur í fullkomlega tímasettri tæklingu og bægir hættunni frá.
58. mín
Það er mikill kraftur í Danielle hjá Þrótti. Hún kemst upp hægri kantinn og sækir hornspyrnu. Samantha markvörður grípur hornspyrnuna hinsvegar af miklu öryggi. Hún er rosaleg í teignum sínum.
57. mín
Hættuleg sókn hjá Keflvíkingum og það munar engu að Dröfn nái til boltans í teignum eftir góða fyrirgjöf.
54. mín
Mörkin komu með svo stuttu millibili að við erum enn að hamast á lyklaborðinu. Þróttarar eru búnar að næla sér í tvö horn eftir að fjórða mark leiksins var skorað en náðu ekki að skapa úr þeim neina hættu.
50. mín MARK!
Snædís María Jörundsdóttir (Keflavík)
Stoðsending: Ana Paula Santos Silva
Þvílík svörun!

Snædís María skorar þriðja mark Keflavíkur strax eftir miðjuna!

Dröfn geysist upp hægra megin. Kemur boltanum áfram á Önu Paulu sem setur boltann fyrir.

Þar er Snædís María rétt kona á réttum stað og kemur boltanum í netið! Hennar fyrsta mark fyrir Keflavík.
49. mín MARK!
Ólöf Sigríður Kristinsdóttir (Þróttur R.)
Stoðsending: Andrea Rut Bjarnadóttir
Þróttara minnka muninn!

Sterk byrjun á seinni hálfleiknum hjá Þrótturum sem minnka hér muninn!

Murphy gerir vel og kemur boltanum út til vinstri á Andreu. Andrea spottar Ollu í teignum, setur flottan bolta fyrir sem Olla kemur áfram í netið.

Game on í dalnum!
47. mín
Stórhættuleg rispa!

Eldfljót Danielle brunar upp hægra megin og kemur boltanum fyrir. Þar eru fjórir Þróttarar mættir en Keflvíkingar eru sterkar í teignum sínum og ná að koma í veg fyrir að heimakonur nái skoti á mark!
46. mín
Síðari hálfleikur hefst svipað og sá fyrri. Þróttarar sækja horn frá vinstri. Andrea Rut tekur en setur slakan bolta á nær þar sem Ana Paula hreinsar.
46. mín
Leikur hafinn
Síðari hálfleikur er hafinn. Engar breytingar gerðar á liðunum.
45. mín
Hálfleikur
Það er kominn hálfleikur og gestirnir leiða með tveimur mörkum.

Þróttarar hafa verið meira með boltann og voru farnar að hóta jöfnunarmarki þegar Amelía kom Keflvíkingum í frábæra stöðu rétt fyrir hálfleik.

Keflvíkingar hafa verið að skapa sér fleiri færi í þessum leik en oft í sumar. Þróttarar hafa sannarlega líka fengið sína sénsa en ekki verið eins beittar og oft áður.

Það verður áhugavert að sjá hvað síðari hálfleikurinn mun bjóða uppá. Við tökum okkur korterspásu þangað til.
45. mín MARK!
Amelía Rún Fjeldsted (Keflavík)
Stoðsending: Ana Paula Santos Silva
Ja hérna hér!

Amelía tvöfaldar forystu Keflavíkur á lokasekúndum fyrri hálfleiksins!

Keflvíkingar bruna í skyndisókn. Dröfn setur boltann inn á teig frá hægri. Ana Paula kemur boltanum svo áfram á Amelíu sem klárar örugglega!

Beinskeyttir Keflvíkingar!
42. mín
AUKAPYRNA og GEGGJUÐ varsla!

Kristrún brýtur á Freyju Karín alveg við vítateigslínu Keflavíkur og aukaspyrna dæmd. Boltinn fór fyrst í höndina á Kristrúnu áður en hún togaði Freyju úr jafnvægi. Áhugavert að Gunnar Oddur sér ekki tilefni til að lyfta spjaldi.

Gema Simon tekur svo aukaspyrnuna. Nær fínu skoti sem Samantha gerir frábærlega í að verja alveg út við stöng!
40. mín
Þróttarar eru að bíta frá sér. Fá aukaspyrnu af 30 metrunum þegar boltanum er neglt upp í höndina á Snædísi.

Gema lyftir boltanum inná teig. Kristrún vinnur fyrsta bolta en Þróttarar halda pressu. Sókninni lýkur á því að Sæunn setur boltann framhjá.

Murphy Agnew er búin að vera útaf í dágóðan tíma hjá Þrótti. Egill Atlason sjúkraþjálfari virðist eiga í fullu fangi við að binda um fótinn á henni.
39. mín
Aftur hætta við Keflavíkurmarkið!

Lorena á góða fyrirgjöf frá vinstri. Freyja nær að lauma sér framhjá Caroline en rétt missir svo af skotinu!
38. mín
Laglega gert hjá Snædísi Maríu. Hún stígur Gema út af krafti og kemur boltanum áfram í hlaupaleið Önu Paulu. Ana Paula er við það að komast í gegn en Sóley María nær að skalla boltann á hárréttum tíma og breyta stefnunni á boltanum.
34. mín
Olla vinnur horn. Andrea spilar langt til baka á Gemu sem lyftir boltanum inná teig. Þar er Danielle í boltanum en umkringd varnarmönnum. Erfitt að sjá hvað gerðist en dæmt á Danielle. Mögulega hendi?
29. mín
ÞARNA MÁ ENGU MUNA!

Danielle brunar upp völlinn, fer framhjá Sigurrós og kemst inná teig. Stendur þar af sér tæklingu Caroline og rennir boltanum fyrir. Þar er Freyja mætt en varnarmúr Keflvíkinga er þéttur. Boltinn dettur svo á fjær þar sem Murphy lúrði en hún hittir boltann illa og setur hann framhjá.

Stórhættuleg sókn. Spurning hvort hefði verið hægt að dæma á Caroline?
27. mín
AMELÍA!

Aftur fær Amelía fínt færi vinstra megin úr teignum en hún þrumar yfir!
26. mín
Þróttarar eru búnar að hreyfa aðeins til hjá sér. Danielle er komin hægra megin, Murphy í holuna og Olla fram.

Hjá Keflavík er flæði í fremstu línu, þær Ana Paula og Snædís á þónokkurri hreyfingu og skiptast á að vinna fyrir aftan hvora aðra.
25. mín
Frábær varnarleikur hjá Kristrúnu!

Eldfljót Murphy var að komast í gegn en Kristrún hljóp hana uppi og fékk svo aðstoð frá Caroline við að vinna boltann.

Stuttu síðar á Kristrún svo aftur flotta tæklingu og kemur í veg fyrir að Freyja Karín komist á ferðina.
21. mín
Það er alvöru hraði í þessu!

Dröfn geysist upp hægra megin. Kemur boltanum á Snædísi Maríu sem reynir að spila Dröfn aftur í gegn. Sendingin frá Snædísi er of föst og endar aftur fyrir en þarna voru gestirnir að galopna Þróttara!
17. mín Gult spjald: María Eva Eyjólfsdóttir (Þróttur R.)
María Eva brýtur á Sigurrós á vallarhelmingi Keflavíkur. Þetta var ekki mikið en Gunnar Oddur lyftir gulu.
16. mín MARK!
Anita Lind Daníelsdóttir (Keflavík)
Þvílíkt einstaklingsframtak hjá Anitu!

Hún vann boltann af Danielle aftarlega á vallarhelmingi Þróttar og fór af stað. Fór framhjá Sæunni og lét svo vaða þegar hún nálgaðist teiginn. Setti boltann örugglega í fjærhornið!

Virkilega vel gert hjá Anitu en afleitur varnarleikur hjá Þrótturum sem bökkuðu frá í stað þess að mæta.

Kvissbammbúmm og gestirnir komnar yfir!
14. mín
Skemmtilegir taktar hjá Amelíu!

Nú eru það Keflvíkingar sem bruna upp vinstra megin. Amelía gerir virkilega vel. Fer framhjá Maríu Evu og kemst inná teig. Þar reynir hún skot en setur boltann beint í fangið á Írisi.
13. mín
Þróttarar eru búnar að reyna að fara svolítið upp vinstri vænginn hér í byrjun. Rétt í þessu var Lorena að taka kröftugt hlaup úr bakvarðarstöðunni og fram völlinn. Hún kom boltanum svo inná teig en Samantha markvörður gerði virkilega vel og náði að henda sér á boltann á undan Danielle.
9. mín
Ágæt sókn hjá Þrótti endar á því að Freyja Karín reynir skot utan teigs. Hún lyftir boltanum þó vel yfir markið.
4. mín
Lið Keflavíkur (4-3-3):

Samantha

Elín - Kristrún - Caroline - Sigurrós

Tina - Aníta

Dröfn - Ana Paula - Amelía

Snædís María
2. mín
Þróttarar sækja upp vinstra megin og Andrea Rut nær í horn fyrir Þrótt. Andrea tekur stutt á Murphy sem kemur boltanum á fjær. Þar er Sóley María í baráttunni en boltinn fer aftur fyrir af Keflvíkingi. Annað horn en í þetta skiptið koma gestirnir boltanum strax frá.
1. mín
Lið Þróttar (4-4-2 - tígull):

Íris

María - Sóley - Gema - Lorena

Sæunn

Murphy - Andrea Rut

Ólöf Sigríður

Freyja - Danielle
1. mín
Leikur hafinn
Leikurinn er hafinn. Snædís María tekur upphafsspyrnuna fyrir Keflavík sem leikur í átt að miðbænum.
Fyrir leik
Þá er þetta alveg að skella á. Leikmenn eru mættar til vallar. Fyrirliðarnir Kristrún Ýr og Íris Dögg fara yfir málin með dómaratríóinu.
Fyrir leik
Byrjunarliðin eru klár eins og sjá má hér til hliðar.

Þróttarar töpuðu 1-0 fyrir Þór/KA á Akureyri í síðustu umferð. Nik Chamberlain gerir tvær breytingar á byrjunarliðinu frá þeim leik. Þær Gema Simon og Freyja Karín koma inn í byrjunarliðið fyrir þær Brynju Rán og Jelenu sem eru á bekknum.

Hjá Keflavík gerir Gunnar Magnús eina breytingu á sínu liði frá 2-0 tapinu gegn Selfossi í síðustu umferð. Caroline Van Slambrouck snýr aftur eftir leikbann og kemur inn í byrjunarliðið á kostnað Silviu Leonessi sem er á bekknum.
Fyrir leik
Upphitun liðanna er í fullum gangi í hjarta Reykjavíkur. Það er heldur napurt og haustlegt um að lítast enda er septembermánuður rétt tæplega hálfnaður.
Fyrir leik
Fyrri viðureign liðanna fór fram í Keflavík þann 23. maí síðastliðinn. Þróttur hafði þá betur og sigraði 2-1. Murphy Andrew skoraði fyrsta mark leiksins fyrir Þrótt en Dröfn Einarsdóttir jafnaði fyrir Keflavík. Það var svo Freyja Karín Þorvarðardóttir sem gerði sigurmarkið á lokamínútum leiksins.
Fyrir leik
Fyrir leik sitja heimakonur í 4. sæti með 25 stig. Með sigri gætu þær jafnað Stjörnuna að stigum en Stjarnan er með töluvert betri markatölu.

Gestirnir frá Keflavík eru í 7.sæti með 13 stig. Jafnmörg og Þór/KA en Keflavík er með betri markatölu. Það eru 4 stig í liðið í 9. sæti og með sigri færu Keflvíkingar langt með að tryggja sæti sitt í deildinni.
Fyrir leik
Heil og sæl!

Velkomin í beina textalýsingu frá leik Þróttar og Keflavíkur í Bestu deildinni.

Gunnar Oddur Hafliðason dómari flautar til leiks í Laugardalnum á slaginu 19:15.
Byrjunarlið:
1. Samantha Leshnak Murphy (m)
0. Amelía Rún Fjeldsted ('66)
0. Sigurrós Eir Guðmundsdóttir
4. Caroline Mc Cue Van Slambrouck
9. Snædís María Jörundsdóttir
10. Dröfn Einarsdóttir
11. Kristrún Ýr Holm (f)
14. Ana Paula Santos Silva
17. Elín Helena Karlsdóttir
24. Anita Lind Daníelsdóttir
34. Tina Marolt

Varamenn:
31. Esther Júlía Gustavsdóttir (m)
7. Elfa Karen Magnúsdóttir
7. Silvia Leonessi ('66)
8. Anita Bergrán Eyjólfsdóttir
20. Saga Rún Ingólfsdóttir
23. Watan Amal Fidudóttir
28. Gunnhildur Hjörleifsdóttir

Liðsstjórn:
Gunnar Magnús Jónsson (Þ)
Ingibjörg Ásta Halldórsdóttir
Hjörtur Fjeldsted
Örn Sævar Júlíusson
Óskar Rúnarsson
Luka Jagacic

Gul spjöld:
Sigurrós Eir Guðmundsdóttir ('70)

Rauð spjöld: